§ 1

Isumaginnittoqarfiup aqunneqarnera aaqqissuussaaneralu pillugit Inatsisartut peqqussutaanni nr. 11, 12. november 2001-imeersumi, Inatsisartut inatsisaatigut nr. 14, 6. juni 2016-imeersukkut aamma Inatsisartut inatsisaatigut nr. 47, 23. november 2017-imeersukkut allanngortinneqartumi, tulliuttut allanngortinneqarput:

1. § 9, imm. 8, imatut oqaasertalerneqarpoq:

”  Imm. 8.  Naalakkersuisut Isumaginninnermi Naammagittaalliuteqartarfiup allattoqarfiatalu suliassaminnik ingerlatsinerannut maleruagassanik sukumiinerusunik, tassunga ilanngullugu qinigaaffiup naanissaa sioqqullugu naammagittaalliuteqartarfiup siulittaasuata inassuteqarneratigut naammagittaalliuteqartarfimmut ilaasortanik soraarsitsisarneq, kiisalu naammagittaalliuteqartarfimmut ilaasortat aningaasarsiaqartinneqarnerat pillugu maleruagassanik, aalajangersaassapput.”

2. § 9-mi imm. 10-tut ilanngunneqarpoq:

”  Imm. 10.  Isumaginninnermi Naammagittaalliuteqartarfiup suleriaasissani nammineq aalajangersassavaa.”

§ 2

Inissianik attartortitsisarneq pillugu Inatsisartut peqqussutaanni nr. 2, 12. maj 2005-imeersumi, tak. Namminersorlutik Oqartussat inatsimmik nalunaarutaat nr. 52, 17. oktober 2023-meersoq, tulliuttut allanngortinneqarput:

1. § 83, imm. 3, atuukkunnaarsinneqarpoq.

Imm. 4-6 tamatuma kingorna imm. 3-5-inngorput.

2. § 83, imm. 6, § 83, imm. 5-nngortoq, imatut oqaasertalerneqarpoq:

”  Imm. 5.  Naalakkersuisut maalaaruteqartarfiup suliassaminik ingerlatsineranut maleruagassanik sukumiinerusunik aalajangersaassapput.”

3. § 83-imi imm. 6-ip, imm. 5-inngortup kingorna, ilanngunneqarpoq:

”  Imm. 6.  Ineqarneq pillugu Maalaaruteqarfiup suleriaasissani nammineq aalajangersassavaa.”

§ 3

Unammilleqatigiinneq pillugu Inatsisartut inatsisaanni nr. 1, 15. maj 2014-imeersumi, tak. Namminersorlutik Oqartussat inatsimmik nalunaarutaat nr. 2, 26. marts 2021-meersoq, tulliuttut allanngortinneqarput:

1. § 26, imm. 3, imatut oqaasertalerneqarpoq:

”  Imm. 3.  Naalakkersuisut uku pillugit maleruagassanik sukumiinerusunik aalajangersaassapput:

1)  Unammilleqatigiinnermut Ataatsimiititaliap suliassaminik ingerlatsinera.

2)  Atuisoqarnermut Unammilleqatigiinnermullu Aqutsisoqarfiup suliassaminik ingerlatsinera.

3)  Unammilleqatigiinnernut Ataatsimiititaliap ilaasortassaanik inassuteqartarneq toqqaasarnerlu.

4)  Ataatsimiititaliap siulittaasuata inassuteqarneratigut Unammilleqatigiinnermut Ataatsimiititaliamut ilaasortanik piffissaq sioqqullugu ilaasortaajunnaarsitsisarneq.

5)  Inatsisartunut Naalakkersuisunullu il.il. ilaasortat aningaasarsiaqartitaanerat il. il. pillugit Inatsisartut inatsisaannut naapertuuttumik Unammilleqatigiinnermut Ataatsimiititaliamut ilaasortaanik aningaasarsiaqartitsineq.”

2. § 26-mi imm. 4-tut ilanngunneqarpoq:

”  Imm. 4.  Unammilleqatigiinnermut Ataatsimiititaliap suleriaasissani nammineq aalajangersassavaa.”

§ 4

Siusinaartumik pensionisiat pillugit Inatsisartut inatsisaanni nr. 40, 9. december 2015-imeersumi, tak. Namminersorlutik Oqartussat inatsimmik nalunaarutaat nr. 41, 14. september 2023-meersoq, Inatsisartut inatsisaanni nr. 70, 20. november 2023-meersumi § 2-kkut allanngortinneqartoq, tulliuttut allanngortinneqarput:

1. § 10, imm. 2, imatut oqaasertalerneqarpoq:

”  Imm. 2.  Naalakkersuisut siusinaartumik pensionisiaqarneq pillugu naammagittaalliuuteqartarfiup suliassaminik ingerlatsineranut, kiffartuussinikkut anguniagaannut, qinigaaffiup naanissaa sioqqullugu naammagittaalliuteqartarfiup siulittaasuata inassuteqarneratigut naammagittaalliuteqartarfimmut ilaasortanik ilaasortaajunnaarsitsisarnermut maleruagassanik sukumiinerusunik kiisalu naammagittaalliuuteqartarfiup ilaasortaasa akissarsiaqartinneqarnerat pillugu maleruagassanik, aalajangersaassapput.”

2. § 10-mi imm. 3-tut ilanngunneqarpoq:

”  Imm. 3.  Siusinaartumik pensionisiaqarneq pillugu naammagittaalliuuteqartarfiup suleriaasissani nammineq aalajangersassavaa.”

§ 5

Pisortat Pisiortortarneranni Neqerooruteqartitsinermi Maalaaruteqartarfik pillugu Inatsisartut inatsisaanni nr. 7, 12. juni 2019-imeersumi tulliuttut allanngortinneqarput:

1. § 3, imm. 2, imatut oqaasertalerneqarpoq:

”  Imm. 2.  Pisortat Pisiortortarneranni Neqerooruteqartitsinermi Maalaaruteqartarfiup suleriaasissani nammineq aalajangersassavaa.”

§ 6

Pinngortitamik illersuineq pillugu Inatsisartut inatsisaanni nr. 29, 18. december 2003-meersumi tulliuttut allanngortinneqarput:

1. § 58-imi imm. 2-tut ilanngunneqarpoq:

” Imm. 2.  Pinngortitap illersorneqarnera pillugu Naammagittaalliuuteqartarfiup suleriaasissani nammineq aalajangersassavaa.”

§ 7

Inatsisartut inatsisaat ulloq 1. januar 2025 atuutilerpoq.

  Imm. 2.  Peqatigitillugu nalunaarutit tulliuttut atuukkunnarsinneqarput:

1)  Ineqarneq pillugu maalaaruteqartarfiup sulinera pillugu Namminersornerullutik Oqartussat nalunaarutaat nr. 27, 26. november 2008-meersoq.

2)  Unammilleqatigiinnermut Ataatsimiititaliap suleriaasissaa taassumalu suliassai pillugit Namminersorlutik Oqartussat nalunaarutaat nr. 12, 23. juli 2015-imeersoq.

3)  Siusinaartumik pensionisiaqarnermut maalaaruteqartarfik pillugu Namminersorlutik Oqartussat nalunaarutaat nr. 25, 28. oktober 2016-imeersoq.

4) Pinngortitap illersorneqarnera pillugu naammagittaalliuuteqartarfik pillugu Namminersornerullutik Oqartussat nalunaarutaat nr. 6, 12. februar 2009-meersoq.

Namminersorlutik Oqartussat, ulloq 25. novembari 2024

Múte Bourup Egede (atsior.)

Naalakkersuisut Siulittaasuat