Pinngortitamik illersuineq pillugu Inatsisartut inatsisaat nr. 29, 18. decembari 2003-meersumi, kingusinnerusukkut Isumaginnittoqarfiup aqunneqarnera aaqqissuussaaneralu pillugit Inatsisartut peqqussutaata allanngortinneqarneranik, inissianik attartortitsisarneq pillugu Inatsisartut peqqussutaata allanngortinneqarneranik, unammilleqatigiinneq pillugu Inatsisartut inatsisaata allanngortinneqarneranik, siusinaartumik utoqqalinersiutisiat pillugit Inatsisartut inatsisaata allanngortinneqarneranik, Pisortat Pisiortortarneranni Neqerooruteqartitsinermi Maalaaruteqartarfik pillugu Inatsisartut inatsisaata allanngortinneqarneranik aamma pinngortitamik illersuineq pillugu Inatsisartut inatsisaata allanngortinneqarneranik (Naammagittaalliuuteqartarfiit suleriaasiisa aalajangersarneqartarnerannut maleruagassanik allanngortitsineq) Inatsisartut inatsisaat nr. 55, 25. novembari 2024-mi allanngortinneqartumi § 58, imm. 1 naapertorlugu aalajangersarneqarpoq:

  § 1.  Pinngortitap illersorneqarnera pillugu naammagittaalliuuteqartarfimmik pilersitsisoqassasoq, tassanilu pinngortitamik illersuineq pillugu inatsit naapertorlugu aalajangiisoqartassalluni. 

  Imm. 2.  Naalakkersuisut Pinngortitamik illersuineq pillugu naammagittaalliuuteqartarfiup allatseqarfianut tapersiuteqassasoq.

  § 2.  Pinngortitamik illersuineq pillugu naammagittaalliuuteqartarfik pingasunik ilaasoqarpoq.

  Imm. 2.  Naalakkersuisut Pinngortitamik illersuineq pillugu naammagittaalliuuteqartarfimmut ilaasortanik marlunnik toqqaassapput, taakkununngalu sinniisussat. Aammattaaq Naalakkersuisut Kalaallit Nunaanni kommunit ataatsimut innersuussineratigut ilaasortamik ataatsimik toqqaassapput. Naalakkersuisut naammagittaalliuuteqartarfiup siulittaasua toqqassavaat.

  Imm. 3.  Pinngortitamik illersuineq pillugu naammagittaalliuuteqartarfiup ilaasortai Naalakkersuisuni ilaasortaassanngillat.

  Imm. 4.  Naalakkersuisut Pinngortitamik illersuineq pillugu naammagittaalliuuteqartarfimmi ilaasortat Avatangiisit Innarlitsaaliorneqarnissaanut Ataatsimiitsitaliami ilaasortaasut toqqaqqissinnaavaat, Avatangiisit innarlitsaaliorneqarnissaanik Inatsisartut inatsisaat tunngavigalugu pilersinneqartoq.

  Imm. 5.  Pinngortitamik illersuineq pillugu naammagittaalliuuteqartarfiup qinersinermi piffissaa Inatsisartut qinersisarnerata nalaani ingerlanneqartarpoq.

  Imm. 6.  Pinngortitamik illersuineq pillugu naammagittaalliuuteqartarfimmut sulianut ilisimasalinnik inuttaliisoqarsinnaavoq.

  Imm. 7.  Pinngortitamik illersuineq pillugu naammagittaalliuuteqartarfiup ilaasortai ilaasortat aningaasarsiaqartitaanerat il. il. pillugit Inatsisartut inatsisissaanni maleruagassat malillugit akissarsiaqartinneqassapput.

  § 3.  Pinngortitamik illersuineq pillugu naammagittaalliuuteqartarfiup aalajangiussani pillugit qanoq tamanut saqqummiussitigisassanersoq, saqqummiussisoqarpallu qanoq saqqummiunneqassanersoq, pillugu aalajangiisartut namminneq aalajangissavaat.

  § 4.  Nalunaarut ulloq 1. apriili 2026-mi atuutsinneqalissaaq.

Namminersorlutik Oqartussat, ulloq 19. marts 2026

Peter Borg (atsior.)

Aalisarnermut, Piniarnermut, Nunalerinermut, Imminut Pilersornermut Avatangiisinullu Naalakkersuisoq

/Natuk Lund Meire (atsior.)