Matumuuna Nioqqutissanik eqqussuinermi akitsuutit pillugit Inatsisartut inatsisaat nr. 19, 30. oktober 1992-imeersoq, Inatsisartut inatsisaat nr. 2, 6. maj 1993-imeersup,  Inatsisartut inatsisaat nr. 3, 3. marts 1994-imeersup, Inatsisartut inatsisaat nr. 1, 24. april 1996-imeersup, Inatsisartut inatsisaat nr. 8, 23. oktober 1996-imeersup, Inatsisartut inatsisaat nr. 2, 27. maj 1997-imeersup, Inatsisartut inatsisaat nr. 9, 6. november 1997-imeersup, Inatsisartut inatsisaat nr. 8, 21. oktober 1998-imeersup, Inatsisartut inatsisaat nr. 16, 30. oktober 1998-imeersup, Inatsisartut inatsisaat nr. 5, 6. oktober 1999-imeersup,  Inatsisartut inatsisaat nr. 10, 11 november 2000-imeersup, Inatsisartut inatsisaat nr. 13, 7. november 2003-meersup, Inatsisartut inatsisaat nr. 14, 2. november 2006-imeersup, Inatsisartut inatsisaat nr. 8, 19. oktober 2007-imeersup, Inatsisartut inatsisaat nr. 17, 22. november 2011-imeersup, Inatsisartut inatsisaat nr. 21, 23. november 2015-imeersup, Inatsisartut inatsisaat nr. 2, 25. maj 2016-imeersup, Inatsisartut inatsisaat nr. 23, 18. november 2019-imeersup, Inatsisartut inatsisaat, nr. 12, 21. novembari 2022-meersup, Inatsisartut inatsisaat, nr. 60, 20. novembari 2023-meersup aamma Inatsisartut inatsisaat nr. 33, 4. juni 2024-meersup kingunerisaanik allannguutit ilanngullugit nalunaarutigineqarpoq.

 

Kapitali 1
Nioqqutissat akitsuutaat

 

  § 1.  Akitsuuteqarfiusumut nioqqutissanik eqqussinermi, takuuk nioqqutissanik eqqussuineq annissuinerlu pillugit Inatsisartut inatsisaat nr. 18, 30. oktober 1992-imeersumi § 6, landskassemut nakkartussanik makku akitsuutaassapput:

Nr. 1.  Sukkunik nioqqutissiat suulluunniit, tamatumani ilaallutik sirup aamma glukose kg.-mut: 10 kr. 31 øre.

Nr. 2.  Sukkulaatit sukkulaatinillu nioqqutissiat suulluunniit (cacao pinnagit), lakridsit lakridsinillu nioqqutissiat suulluunniit, marcipanit marcipaninillu nioqqutissiat suulluunniit, karamelit, bonbonsit, sukkuaqqat assigisaallu, sukkullit sukkoqanngitsullu kg.-mut: 63 kr. 00 øre.

Nr. 3.  Imigassat ethanolimik akullit ima imallit:
a)  1,21-3,09 volumenprocent literimut: 3 kr. 85 øre
b)  3,10-4,09 volumenprocent literimut: 8 kr. 80 øre
c)  4,10-5,09 volumenprocent literimut: 23 kr. 00 øre
d)  5,10-7,09 volumenprocent literimut: 33 kr. 00 øre
e)  7,10-9,09 volumenprocent literimut: 47 kr. 25 øre
f)  9,10-11,09 volumenprocent literimut: 61 kr. 50 øre
g)  11,10-13,09 volumenprocent literimut: 72 kr. 50 øre 
h)  13,10-15,09 volumenprocent literimut: 101 kr. 00 øre
i)  15,10-18,09 volumenprocent literimut: 125 kr. 00 øre
j)  18,10-22,09 volumenprocent literimut: 161 kr. 00 øre
k)  22,10-26,09 volumenprocent literimut: 205 kr. 00 øre
l)  26,10-30,09 volumenprocent literimut: 253 kr. 00 øre
m)  30,10-35,09 volumenprocent pr. literimut: 308 kr. 00 øre
n)  35,10-45,09 volumenprocent pr. literimut: 397 kr. 00 øre
o)  45,10-60,09 volumenprocent pr. literimut: 544 kr. 00 øre
p)  60,10-100 volumenprocent pr. literimut: 650 kr. 00 øre.

Nr. 4. Mineralvandit, sodavandit, limonadet aamma imigassat kulsyrimik akullit, ethanolimik akoqanngitsut, nr. 4b-mut ilaanngippata, literimut: 5 kr. 75 øre.

Nr. 4 a.  (Atorunnaarpoq)

Nr. 4 b.  Imigassat ethanolimik 1,21 volumentprocent ataallugu akullit, literimut koffeinimik 149 mg-imit annerusumik akullit, literimut: 15 kr. 00 øre.

Nr. 4 c.  Imeq literimut: 1 kr. 50 øre.

Nr. 5.  Imeruersaatiliassat kulsyretallit, imeruersaasiornermi automatit assigisaallunniit atorlugit imeruersaasiassatut imerpalligassiaq, literimut: 46 kr. 30 øre.

Nr. 6.  Puut imeruersaatinik imallit tamarmik, tassunga ilanngullugit pikkunarsakkat paarnallu saftii, puut immuk tunngavigalugu imeruersaatinik tunisassianik imallit pinnagit, takujulli nr. 6 a.

a)  pooq ataaseq ilanngaaseereerluni 0,25 literi tikillugu imalik: 1 kr. 40 øre

b)  pooq ataaseq ilanngaaseereerluni 0,25 literi sinnerlugu imalik: 2 kr. 90 øre.

Nr. 6 a.  Akileraartussaanngitsut tassaapput: Puut immiaaqqanik aamma imeruersaatinik sunilluunniit kulsyrimik akullit tuneqqinneqarnissaat siunertaralugu inuussutissarsiortunit sumiiffinnut Qaanaamut, Ittoqqortoormiinut imaluunnit Tasiilamut eqqussorneqartut.

Nr. 7. Sikaat, sikaavaqqat cigarellollu,
1)  3 gram taannalu ataallugu oqimaassusillit ataaseq: 1 kr. 43 øre
2)  3 gram, sinnerlugu oqimaassusillit ataaseq: 1 kr. 73 øre.

Nr. 8.  Sikaritsit, ataaseq: 2 kr. 45 øre.

Nr. 9.  Tupat pujullit,
a)  Tupat aggukkat, cut plug, tupat aseqqorissut assigisaallu kiisalu tupat pujullit allat minnerpaamik 1,5 mm-imik silissusillit kg.-mut: 542 kr. 00 øre
b)  Tupat pujullit allat kg.-mut: 1.282 kr. 00 øre

Tupat pujoqanngitsut,
c)  Sukuluut aamma snusit fakturami nalingisa 300%-iat
d)  tupat pujoqanngitsut allat fakturami nalingisa 300%-iat.

Nr. 10.  Imusivissat, immertariaannaat ilanngullugit ataaseq: 0 kr. 52 øre.

Nr. 11.  (Atorunnaarpoq)

Nr. 12.  (Atorunnaarpoq)

Nr. 13.  Savaaqqat savallu neqaat taakkunanngalu nioqqutissiat.

a)  Nutaat, nillataartitat, qerititat, tarajortikkat, taratsuni aatsitaniittut, panertut imaluunniit pujuukkat, nioqqutissat allattorsimaffianni 0204.10.00.0-imit 0204.43.00.0 ilanngullugu allassimasut kiisalu nioqqutissat allattorsimaffianni ukunani inissisimasut 0206.80.99.0-imi, 0206.90.99.0-imi aamma 0210.90.11.0-imi, 0210.90.19.0-imi aamma 0210.90.60.0-imi kg.-imut: 25 kr. 00 øre.

b)  Nioqqutissat allat, piariikkat imaluunniit aqerlortikkat, savaaqqat savallu neqaannit nioqqutissiat, nioqqutissat allattorsimaffianni 1602.10.00.0-imi, 1602.90.71.0.10-mi aamma 1602.90.79.0.10-mi allassimasut kg.-imut: 25 kr. 00 øre.

Nr. 14.  (Atorunnaarpoq)

Nr. 15.  (Atorunnaarpoq)

Nr. 16.  (Atorunnaarpoq)

Nr. 17.  (Atorunnaarpoq)

Nr. 18.  (Atorunnaarpoq)

Nr. 19.  Knallertit, innarluutillit knallertii inunnik isumaginninnermi pisortat aqqutigalugit piniarneqarsimasut pinnagit ataaseq: 2.530 kr. 00 øre.

Nr. 20.  (Atorunnaarpoq)

Nr. 21. 

a)  Inuit biilii: Akitsuut aalajangersimasoq 50.000 koruuniusoq kiisalu fakturami akiata ilaata 50.000 koruuninit annerusup, kisiannili 150.000 koruuninit annerunngitsup 100 pct.-ia, akiatalu sinnerata 125 pct.-ia akilerneqassapput.
b)  Biilit assartuutit allallu: Akitsuut aalajangersimasoq 50.000 koruuniusoq akilerneqassaaq. Tamatuma saniatigut biilip assartuutip 4 t.-it inorlugit oqimaassusillip, fakturami akiata ilaa 50.000 koruuninit annerusoq 50 pct.-imik akitsuuserneqassaaq.
c)  Biilit nassiussanik assartuutitut qularutissaanngitsumik ilusilersorneqarlutillu sananeqarsimasut, aammalu aquttup issiaviata saniani ataasiinnarmik marluinnarnilluunniit ilaasoqarsinnaasutut sananeqarsimasut, kiisalu biilit usisaatillit, lastbiilit bussillu litra b-mi ilaatinneqarput.
d)  Biilinik nioqquteqartup Akileraartarnermi Pisortaqarfik siumut paasiniaavigisinnaavaa biili litra a imaluunniit b naapertorlugu akitsuusigassaanersoq.
e)  Biili litra b naapertorlugu akitsuusertinneqarsimasoq litra a malillugu akitsuusertinneqassaaq akitsuusiinermi tunngavigineqarsimasut atuukkunnaarsimappata. Akitsuut eqqussinermiit akiliinissap tungaanut qaammammut 1 pct.-imik ernialersorneqassaaq.

Nr. 22.  (Atorunnaarpoq)

Nr. 23.  (Atorunnaarpoq)

Nr. 24.  Automatit pinnguaatit assigisaallu, tamatumani ilaallutik pinnguaatit eqquissutaasinnaasut eqquissutaasinnaanngitsullu fakturami nalingisa 50 %-iat.

Nr. 25.  Vandscooterit ataaseq: 30.000 kr.

Nr. 26.
a)  Biilit eqqunneqarneranni akitsuutip nr. 21, litra a naapertorlugu naatsorsorneqarsimasup 50 pct.-ii kisimik inuit biiliinut, inunnik angallassissutaannartut atorneqartussanut akiligassanngussapput, tassunga ilutigitillugu inunnik angallassissutit Akileraartarnermi Pisortaqarfimmut qularnaveeqqusiunneqarpata, taanna akitsuutip akiligassanngortup angeqqataatut annertutigisumik siullertut pisussanngorlugu. Inunnik angallassissutit tassaapput inuit biilii kommunalbestyrelsip akuersissuteqarluni nalunaaruteqarnera naapertorlugu inunnik angallassinissamut atorneqarsinnaasut, aammalu inunnik angallassinermi akit kommunalbestyrelsip angissusiligai malillugit inuussutissarsiutigalugu inunnik angallassinermut taamaallaat atorneqartut kiisalu inunnik angallassinermi akit malillugit ilaanneeriarlutik ilaasoqanngikkaluarlutik nioqqutissanik angallassinernut atorneqartartut. Piumasaqaatit aammattaaq ilagaat inunnik angallassissutit pineqartut nakkutilliinermut atortuligaasimanissaat, inunnik angallassissutit ingerlaarnerminni ilaasoqarsimanerat tassuunakkut nalunaarsorneqarsinnaassalluni, aammalu taanna taxameterimi kilometerinik ilaasoqarfiusimasunik kisitsissummut naapertuuttumik atuutissasoq.
b)  Akitsuulli litra a naapertorlugu kinguartikkallarneqartoq akiligassaajunnaassaaq inunnik angallassissutit inunnik angallassissutitut ataavartumik sivikinnerpaamik ukiuni 5-ni minnerpaamillu 175.000 km.-inik ingerlaareersimappata, imaluunniit inunnik angallassissutitut minnerpaamik 250.000 km.-inik ingerlaareersimappata.
c)  Akitsuut litra a naapertorlugu kinguartikkallarneqartoq 75 pct.-inik appartinneqassaaq inunnik angallassissutit inunnik angallassissutitut ataavartumik sivikinnerpaamik ukiuni 3-ni minnerpaamillu 115.000 km.-inik ingerlaareersimappata.
d)  Akitsuut litra a naapertorlugu kinguartikkallarneqartoq 90 pct.-inik appartinneqassaaq inunnik angallassissutit inunnik angallassissutitut ataavartumik sivikinnerpaamik ukiuni 4-ni minnerpaamillu 140.000 km.-inik ingerlaareersimappata.
e)  Akitsuut litra a, b, c aamma d naapertorlugit kinguartikkallarneqartoq akiligassanngussaaq akitsuutip akilerneqarnissaata kinguartikkallarneqarneranut patsisaasut atuukkunnaarpata. Aningaasat ullormit akiligassanngorfiiniit akilerneqarnissaat tikillugu qaammammut 1 pct.-inik ernialerneqartassapput.
f)  Litra a, b, c aamma d-mi aalajangersakkat apeqqutaatinnagit akitsuut nr. 21, litra a naapertorlugu naatsorsorneqartoq tamarmiusoq akilerneqassaaq, nakkutilliinermut atortoq litra a-mi taaneqartoq peerneqarpat imaluunniit iluarsaatitinnissaa pinngitsoortinneqarpat. Akitsuutip erngerluni akilerneqarnissaa inunnik angallassissutinik piginnittup pisussaaffigaa. Aningaasat litra e-mi taaneqartutuut ernialersorneqassapput.
g)  Sumiiffinni ataasiakkaani pissutsit immikkut ittut atuutsillugit Naalakkersuisut immikkut akuersissuteqarsinnaapput, matumani ilanngullugit piumasaqaatinik immikkut ittunik aalajangersaasinnaapput, litra a malillugu inunnik angallassissutit nakkutilliinermut atortoqarnissaannik piumasaqaatip malinneqannginnissaanik.
h)  Akitsuummik appaanissamut piumasaqaatitut Naalakkersuisut nakkutilliinermut maleruagassanik immikkut ittunik aalajangersaasinnaapput, matumani ilanngullugit nakkutilliinermut atortoq taassumalu ikkunneqarnissaa pillugit maleruagassat.

Nr. 27.  Qummoroortartut fakturami nalingisa 100%-iat.

Nr. 28.  Puussiat plastikimik assigisaannillu sanaat. 
a)  puussiat plastikimik assigisaannillu sanaat tigummiviata tungaanut assigisaanulluuunniit 5 literit taannaluunniit qaangerlugu imaqarsinnaasut ataaseq: 3,00 kr.
b)  puussiat plastikimik assigisaannillu sanaat tigummiviata tungaanut assigisaanulluunniit 5 literit ataallugit imaqarsinnaasut ataaseq: 2,00 kr.

  Imm. 2.  Nioqqutissat imm. 1-imi pineqartut nalunaarutigineqarlutillu akitsuusertinneqartassapput nioqqutissanik eqqussuineq annissuinerlu pillugit Inatsisartut inatsisaanni aalajangersakkat malillugit.

 

  § 1 a.  Akitsuuteqarfiusumut nioqqutissanik ussassaarutitullu naqitanik inoqutigiinnut agguaanneqartussanik eqqussinermi nioqqutissanik eqqussuineq annissuinerlu pillugit Inatsisartut inatsisaat nr. 18, 30. oktober 1992-imeersumi § 6 naapertorlugu Nunatta Karsianut nakkartussanik kiilumut ataatsimut 5 kr.-nik akitsuuteqartitsisoqassaaq, taamaattorli takuuk imm. 3. 
  Imm. 2.  Ussassaarutitut naqitat inoqutigiinnut agguaassassat aalajangersagaq una malillugu tassaapput nioqqutissanik sullississutinilluunniit tuniniaaneq siuarsarniarlugu nassiunneqartut aammalu tigusisussamut akiliutitaqanngitsumik agguaanneqartut.
  Imm. 3. Ussassaarutitut naqitat matuma kinguliani allassimasut akitsuummik akiliisussaatitaanermut ilaatinneqanngillat:
1)  Allakkanik nassiussinerit allakkerineq pillugu Inatsisartut inatsisaanni nr. 3, 15. april 2011-imeersumi § 6, imm. 1-imi malittarisassat naapertorlugit aalajangersarneqartunut ilaatinneqartut.
2)  Aviisit sapaatip akunneranut ataasiarluni saqqummersartut, aamma
3)  Oqarasuaatit normuinut allattorsimaffiit.

 

  § 2.  Nioqqutissat akitsuusigassat anniseqqinneqartussatut naatsorsuussat akitsuusernagit eqqunneqarnissaat akuersissutigineqarsinnaavoq.
  Imm. 2.  Akitsuuserneqartussaanngitsunut ilaanngillat:
a)  nioqqutissat umiarsuarni timmisartuniluunniit Kalaallit Nunaanni nalunaarsorneqarsimasuni imaluunniit nunanit allanit attartorneqarsimasuni atugassatut taquassatulluunniit naatsorsuussat, taakku nunat tamalaat akornanni aalajangersimasumik ilaasartaatitut aammalu nassiussanik assartuutitut ingerlaarfeqanngippata, kiisalu
b)  nioqqutissat umiarsuarnut assigisaannullu Kalaallit Nunaanni nalunaarsorneqarsimasunut aammalu nunanit allanit attartorneqarsimasunut, inuttaannut ilaasuinulluunniit akitsuuteqarfiup avataani tuniniagassatut naatsorsuussat.
  Imm. 3.  Nioqqutissat § 1, imm. 1, nr. 3-mi aammalu 7-miit 10-mut taaneqartut taamaallaat akitsuusernagit anniseqqinneqarsinnaapput nunat allamiut umiarsuaannut timmisartuinullu pisussaaffiit pillugit nunat tamalaat akornanni isumaqatigiissutit malillugit.
  Imm. 4.  Angallat nioqqutissanik akitsuusigassanik 500 koruunit sinnerlugit akitsuuteqartussanik usilik akitsuuteqarfiup iluani naammattoorneqarpat, imm. 2, b)-mi taaneqartutut tuniniagassatut naatsorsuussatut isigineqassapput, taamaattoqannginnera qularnaatsumik uppernarsarneqarsinnaanngippat.

 Imm. 5.  Qamutit motoorillit akitsuuserneqartussaatitaasut naalagaaffimmi oqartussanit nunaniluunniit allani oqartussanit naalagaaffimmi tikeraarnermut il.il. atatillugu atorneqartut, qamutit motoorillit eqqunneqarnerminnit kingusinnerpaamik ullut 30 qaangiunneranni anninneqaqqittussatut aalajangikkanut akitsuuteqanngitsitsisoqarsinnaavoq.

 

Kapitali 2
Akitsuuserneqartussaanngitsut

 

  § 3.  Akitsuuserneqartussaanngitsut makkuupput:
1)  Qamutit motoorillit, takuuk § 1, imm. 1, nr. 21,
a)  qatserutitut annaassiniutitullu immikkut sananeqarsimasut taamatuinnarlu atorneqartut,
b)  ambulancetut toqusunullu assartuutitut immikkut sananeqarsimasut taamatuinnarlu atorneqartut,
c)  sulinermi immikkut atugassatut sananeqarsimasut, sananeqaamminni assartugassanik inunnilluunniit aqqusinermi assartuutissatut naatsorsuussaanngitsut,

d)  sulinermi atortut nammineq ingerlasut traktorillu,
e)  naalagaaffiit allat aallartitaqarfiinit sinniisoqarfiinilluunniit pigineqartut, aamma 
f)  qamutit motoorillit nunaannakkoortaatit minnerusut sisamanik amerlanernilluunniit assakaasullit (ATV, UTV il.il.).
2)  Nioqqutissat,
a)  danskit sakkutuuisa imarsiortut umiarsuaannut, ukiumut qaammatit arfineq-pingasut inorlugit Kalaallit Nunaanniittunut tunineqarlutillu taakkunani atorneqartut,
b)  nunat allat aallartitaqarfiini konsuuleqarfiiniluunniit sulisunut tikisitanut tunineqartut taakkunanngalu atorneqartut,
c)  nunat allat naalagaaffiisa umiarsuaanniitiinnarneqartut.
3)  Taqussat pisariaqartitallu allat, umiarsuarnit timmisartunilluunniit, akitsuuteqarfiup avataaneerlutik tikittunit nassarneqartut umiarsuarmilu timmisartumiluunniit, umiarsuup timmisartulluunniit akitsuuteqarfimmut akitsuuteqarfimmilluunniit angalanerani akitsuuteqarfimmiinneranilu atugassatut naatsorsuutigineqartut, nakkutilliisitaasunit umiarsuup timmisartulluunniit qanoq ittuussusaa, sulisut ilaasullu amerlassusaat aammalu akitsuuteqarfimmiinnissaata sivisussusaa tunngavigalugit naammaginartutut isigineqartut. Akitsuuteqanngitsitsineq atorunnaassaaq umiarsuaq imaluunniit timmisartoq Kalaallit Nunaata iluani angallassilerpat. Akitsuuteqanngisitsineq umiarsuarnut timmisartunullu § 2, imm. 2, a)-mi taaneqartunut atuutinngilaq.
4)  Nioqqutissat misiligutit, nassiussisoq akileraaruseriffimmit akuersissummik pisimappat.

  § 3 a.  Nersussuit aamma puulukit nujuitsut neqaat ilivitsut aamma affat nioqqutissat allattorsimaffianni 0201.10.00-imi, 0202.10.00-imi, 0203.11.10-mi aamma 0203.21.10-mi allassimasut, suliffeqarfinnit neqinik agguinissamut akuerisaasunik atortorissaarutilinnit, neqit aggoreerpata tuniniaqqinnissaat siunertaralugu eqqussorneqartut akitsuuserneqartussaanngillat.
  Imm. 2.  Imm. 1 naapertorlugu aammattaaq akitsuusiiffigineqassanngillat ingerlatsiviit neqinik agguinissamut akuerisaasunik atortorissaarutillit, neqillu aggorneqartut ingerlatsivimmit taamaallaat atugassaappata.
  Imm. 3.  Imm. 1 aamma 2 naapertorlugit neqinik agguinissamut atortorissaarutit inuussutissalerinermut inatsisit atuuttut naapertorlugit inuussutissanik nakkutilliinermik oqartussaasumit akuerineqartussaapput.

 

Kapitali 3
Pineqaatissiinerit

 

  § 4.  Inatsisartut inatsisaannik matuminnga imaluunniit Inatsisartut inatsisaat manna naapertorlugu aalajangersagaasunik unioqqutitsineq unioqqutitseriaraluarnerluunniit akiliisitsinermik kinguneqarsinnaavoq. Akiliisitsissutip angissusilerneqarnissaani maluginiarneqartassaaq aningaasatigut iluanaarutaasimasup iluanaarutissatulluunniit siunertarineqarsimasup annertussusia. Aammattaaq apeqqutaatinneqartassaaq unioqqutitsinerup annertussusia.
  Imm. 2.  Piaaraluni mianersuaalliorujussuarluniluunniit nioqqutissanik anngiortumik eqqussanik tuniniaasoq allatulluunniit tunniussisoq, pisisoq allatulluunniit pissarsisoq, tigusisoq, angallassisoq paarisaqartorluunniit imm. 1-imi taaneqartutut pineqaatissinneqartassaaq.
  Imm. 3.  Nioqqutissanik akitsuusigassanik akitsuuteqarfiup avataani imaluunniit piffinni, nioqqutissanik eqqussuineq annissuinerlu pillugit Inatsisartut inatsisaanni nr. 18, 30. oktober 1992-imeersumi § 19, imm. 2 naapertorlugu tamakkiisumik ilaannakortumilluunniit akitsuuteqarfiunngitsuni, nalunngilluinnaraluarlugu nioqqutissat taakku akitsuuteqartinngitsoortinniarneqassasut, tuniniaasoq tunniussisorluunniit imm. 1-imi taaneqartutut pillaammik akiliisinneqassaaq.
  Imm. 4.  Imm. 1-3 malillugit pineqaatissiinerit nioqqutissat akitsuutaannut akiliisussaatitaanermut atorunnaarsitsisinnaanngillat.
  Imm. 5.  Suliffeqarfik sinnerlugu unioqqutitsisoqarpat unioqqutitseriartoqarpalluunniit, suliffeqarfiup piginnittua imm. 1-3 malillugit akisussaatinneqarsinnaavoq, naak piginnittoq piaaraluni mianersuaalliorluniluunniit unioqqutitsinermut pisuutinneqarsinnaanngikkaluartoq.
  Imm. 6.  Piginneqatigiiffiit, peqatigiiffiit assigisaalluunniit unioqqutitsippata unioqqutitseriaraluarpataluunniit, piginneqatigiiffik peqatigiiffilluunniit imm. 1-3 malillugit akisussaatinneqarsinnaavoq.
  Imm. 7.  Kommune kommunelluunniit sullisseqataaffia unioqqutitsippat unioqqutitseriaraluarpalluunniit, kommune kommunelluunniit sullisseqataaffia imm. 1-3 malillugit akisussaatinneqarsinnaavoq.

 

  § 5.  Inatsisartut inatsisaannik matuminnga imaluunniit Inatsisartut inatsisaat manna naapertorlugu aalajangersagaasunik unioqqutitsisoqarpat unioqqutitseriaraluartoqarpalluunniit, aki­liisitsisoqarnera akiliisitsisoqannginneraluunniit apeqqutaatinnagu, iluanaarutit pigisallu Kalaallit Nunaanni pinerluttulerinermik inatsimmi kapitali 37 malillugu arsaarinnissutigineqarsinnaapput.
  Imm. 2.  Imm. 1 naapertorlugu arsaarinnissutit Landskarsimut pisassanngortinneqassapput, soorluttaaq akiliisitsissutit § 4 naapertorlugu angissusilerneqartut Landskarsip pisassarigai.

 

  § 6.  Umiarsuit timmisartulluunniit akitsuuteqarfimmut tikittut nioqqutissanik akitsuusigassanik, usit nalunaarsorfianni ilanngunneqarsimanngitsunik, nassataqarpata taakkulu akileraaruseriffimmut nalunaarutigineqarsimanngippata, nioqqutissat piginnittuminnit tuniniagassatut anngiortumik eqqunneqartutut isigineqassapput, taamaattoqannginnera qularnaatsumik uppernarsarneqarsinnaanngippat.
  Imm. 2.  Angallat akitsuuteqarfiup iluani nioqqutissanik akitsuusigassanik 500 koruunit sinnerlugit akitsuuteqartussanik usilik naammattoorneqarpat, tamanna tuniniaanissamik siunertaqarluni anngiortumik eqqusseriaraluarnertut isigineqassaaq, taamaattoqannginnera qularnaatsumik uppernarsarneqarsinnaanngippat.

 

  § 7.  Angallatit nioqqutissanik akitsuusigassanik anngiortumik eqqussinermi eqqusseriaraluarnermiluunniit imaluunniit akitsuuteqarfiup iluani nioqqutissanik anngiortumik eqqussanik angallassinermut atorneqarsimasut, akileraaruseriffimmit qinnutigineqarpat politiinit tigummineqarallarsinnaapput akitsuutinut, pillaatitut sullissinermilu aningaasartuutinut akiligassat, piginnittup ingerlatsisulluunniit sulisut allalluunniit sullissisut pisuussutigisaat, akilerneqarserlugit qularnaveeqquserneqarserlugilluunniit. Suliap naammassineqarneraniit qaammatit marluk qaangiutsinnagit akiligassat akilerneqanngippata angallatip tuniniarneratigut akiitsut akilersinneqarsinnaapput.
  Imm. 2.  Tigumminnikkallarsinnaaneq taamaallaat pisinnaavoq akiligassanut qularnaveeqqutitut piumasarineqarpat. Angallat anngiortumik il.il. eqqussinermi atorneqartoq ingerlatitsisumit tillitaasimappat tigummigallarneqarsinnaanngilaq.

 

  § 8.  Unioqqutitsineq akitsuutip akilinngitsoorneqartup marloriaataanit annerusumik akiliisitsinermik kinguneqassangatinneqanngippat aamma arsaarinnissuteqartoqassangatinneqanngippat, akileraaruseriffiup pineqartoq nalunaarfigisinnaavaa suliassaq eqqartuussinertaqanngitsumik naammassineqarsinnaasoq, unioqqutitsisoq unioqqutitsisimalluni nassuerpat akiliisitsissutissarlu nalunaarutigineqartoq, tak. § 4, piffissaliussaq erseqqinnerusumik taaneqartoq, qinnuteqarnikkut sivitsorneqarsinnaasoq qaangiutsinnagu akilerumallugu piareersimappat, aammalu nioqqutissat arsaarinnissutigineqarnissaat piareersimaffigippagu.

  Imm. 2.  Umiarsuarni timmisartuniluunniit nunanut allanut angalasartuni inuttaasunut, inunnullu nunami maani najugaqavissuunngitsunut tunngatillugu akileraaruseriffiup pillaatitut akiliisitsissutissaq akitsuutillu akilerneqarnissaat kiisalu aamma arsaarinnissuteqarnissaq pillugit aalajangiigallarsinnaavoq. Aalajangiiffigineqartup aalajangiineq pillugu nalunaarfigineqarnermi kingorna ullut 14-it qaangiutsinnagit piumasarisinnaavaa, aalajangiineq eqqartuussisunut suliassanngortinneqassasoq. Aalajangiineq eqqartuussisunut suliassanngortitsisinnaaneq, taamaaliornissamullu piffissarititaasoq pillugit paasissutissamik imaqassaaq. Suliassap eqqartuussisunut suliassanngortinneqarnera akileraaruseriffimmit isumagineqassaaq. Pineqartup suliassamik eqqartuussisunut suliassanngortitsinissamik piumasaqarnermigut, eqqartuussisunit aalajangiisoqarserlugu, akileraaruseriffiup aalajangiineranik malinnittussaanini avaqqussinnaanngilaa.

  Imm. 3.  Kalaallit Nunaanni pineqaatissiissuteqarnissamut unnerluussuteqartarnermut aalajangersakkat eqqartuussisarnermi inatsimmi kap. 38-miittut, nalunaarummut imm. 1-imi taaneqartumut tunngatillugu atorneqarsinnaapput.

  Imm. 4.  Qanoq iliuuseqartoqaqqissanngilaq:

1)  akiliisitsissut piffissaagallartillugu akilerneqarpat, aalajangerneqarnermiluunniit kingorna

akiliisitsiniarnikkut akilersinneqarpat, aamma

2)  nioqqutissat arsaarinnissutigineqarpata.

  Imm. 5.  Akiliisitsissutit Nunatta Karsiata pisassarai.

  Imm. 6.  Arsaarinnissutit Nunatta Karsianut iluaqutissanngortinneqassapput.

 

  § 9.  (Atorunnaarpoq)

 

Kapitali 4
Aalajangersakkat atulersitsisuusut ikaarsaarutaasullu

 

  § 10.  Inatsisartut inatsisaat ullormi 1. januar 1993-imi atuutilissaaq.
  Imm. 2.  Inatsisartut inatsisaata matuma atuutilerneratigut nioqqutissanik eqqussuineq, eqqussuinermilu akitsuutit pillugit Inatsisartut inatsisaat nr. 1, 6. maj 1989-imeersoq atorunnaarsinneqarpoq.
  Imm. 3. Maleruagassat, Inatsisartut inatsisaat imm. 2-mi taaneqartoq tunngavigalugu aalajangersarneqarsimasut atuutiinnassapput, inatsit manna imaluunniit Inatsisartut inatsisaatigut allatigut aalajangersakkatigut taarserneqarserlugit atorunnaarsinneqarserlugilluunniit.

 

 

 

Inatsisartut inatsisaat nr. 2, 6. maj 1993-imeersoq^[i] piffissaq atuutilerfissaq pillugu ima aalajangersagaqarpoq: 

 

§ 2

 

Inatsisartut inatsisaat ingerlaannartumik atuutilerpoq.

 

Inatsisartut inatsisaat nr. 3, 3. marts 1994-imeersoq^[ii] piffissaq atuutilerfissaq pillugu ima aalajangersagaqarpoq:

 

§ 3

 

Inatsisartut inatsisaat, Inatsisartut Naalakkersuisullu pillugit Inatsisartut inatsisaanni nr. 11, 20. oktober 1988-imeersumi § 25 naapertorlugu tamanut nalunaarutigineqaruni ingerlaannaq atuutilissaaq.

 

Inatsisartut inatsisaat nr. 1, 24. april 1996-imeersoq^[iii] piffissaq atuutilerfissaq pillugu ima aalajangersagaqarpoq:

 

§ 2

 

Inatsisartut inatsisaat nr. 8, 23. maj 1996-imeersoq^[iv] piffissaq atuutilerfissaq pillugu ima aalajangersagaqarpoq:

 

§ 2

Inatsisartut inatsisaat atuutilerpoq 1. november 1996 sunniuteqassallunilu nioqqutissanut akit-suuteqarfiusumut ullormi atuutilerfiani kingusinnerusukkulluunniit eqqunneqartunut.

 

Inatsisartut inatsisaat nr. 2, 27. maj 1997-imeersoq^[v] piffissaq atuutilerfissaq pillugu ima aalajangersagaqarpoq:

 

§ 2

 

Inatsisartut inatsisaat atuutilerpoq 1. februar 1998 sunniuteqassallunilu nioqqutissanut akit-suuteqarfiusumut ullormi atuutilerfiani kingusinnerusukkulluunniit eqqunneqartunut.

Inatsisartut inatsisaat nr. 9, 6. november 1997-imeersoq^[vi] piffissaq atuutilerfissaq pillugu ima aalajangersagaqarpoq:

 

§ 2

 

Inatsisartut inatsisaat ullormi 10. november 1997-imi atuutilissaaq.

 

Inatsisartut inatsisaat nr. 8, 21. oktober 1997-imeersoq^[vii] piffissaq atuutilerfissaq pillugu ima aalajangersagaqarpoq:

 

§ 2

 

Inatsisartut inatsisaat ingerlaannartumik atuutilerpoq.

 

Inatsisartut inatsisaat nr. 16, 30. oktober 1998-imeersoq^[viii] piffissaq atuutilerfissaq pillugu ima aalajangersagaqarpoq:

 

§ 2

 

Inatsisartut inatsisaat ulloq 1. januar 1999 atortuulissaaq.

 

Inatsisartut inatsisaat nr. 5, 6. oktober 1999-imeersoq^[ix] piffissaq atuutilerfissaq pillugu ima aalajangersagaqarpoq:

 

§ 2

 

Inatsisartut inatsisaat ingerlaannaq atuutilerpoq.

 

Inatsisartut inatsisaat nr. 10, 11. november 2000-imeersoq^[x] piffissaq atuutilerfissaq pillugu ima aalajangersagaqarpoq:

 

§ 2

 

Inatsisartut inatsisaat atuutilissaaq ulloq 1. januar 2001.

 

Inatsisartut inatsisaat nr. 13, 7. november 2003-meersoq (Sikaritsit tupallu allat akitsuutaannik qaffaaneq)^[xi] piffissaq atuutilerfissaq pillugu ima aalajangersagaqarpoq:

 

§ 2

 

Inatsisartut inatsisaat nr. 14, 2. november 2006-imeersoq. (Akileraaruserinerup qitiusumiit ingerlanneqalernerata kinguneranik allannguutit aamma nakkutilliinermut maleruagassat erseqqissaateqarfigineri)^[xii] piffissaq atuutilerfissaq pillugu ima aalajangersagaqarpoq:

 

§ 11

 

Inatsisartut inatsisaat 1. januar 2007-imi atortuulissaaq.

 

Inatsisartut inatsisaat nr. 8, 19. oktober 2007-imeersoq (Akitsuutinik qaffaaneq)^[xiii] piffissaq atuutilerfissaq pillugu ima aalajangersagaqarpoq:

 

§ 2

 

Inatsit 19. oktober 2007-imi atuutilerpoq.

 

Inatsisartut inatsisaat nr. 17, 22. november 2011-imeersoq (Akitsuutinik qaffaaneq)^[xiv] piffissaq atuutilerfissaq pillugu ima aalajangersagaqarpoq:

 

§ 2

 

Inatsisartut inatsisaat 1. januar 2012-imi atuutilissaaq.

 

Inatsisartut inatsisaat nr. 21, 23. november 2015-imeersoq (Akitsuutinik qaffaaneq kiisalu snusit, sukuluut qummoroortartullu akitsuutaat)^[xv] piffissaq atuutilerfissaq pillugu ima aalajangersagaqarpoq:

 

§ 2

 

Inatsisartut inatsisaat saqqummiunneqarnermini atortuulissaaq.

 

Inatsisartut inatsisaat nr. 2, 25. maj 2016-imeersoq (Erngup puiaasamiittup imigassallu koffeinimik akullit akitsuutaat kiisalu kingumut atuutilersitsinermik atorunnaarsitsineq.)^[xvi] piffissaq atuutilerfissaq pillugu ima aalajangersagaqarpoq:

 

§ 2

 

Inatsisartut inatsisaat 1. juni 2016-imi atuutilissaaq.
  Imm. 2.  Nioqqutissanik eqqussuinermi akitsuutit pillugit Inatsisartut inatsisaata allanngortinneqarneranik Inatsisartut inatsisaat nr. 21, 23. november 2015-imeersumi § 1, imm. 1, nr. 2, 9, litra c aamma d, aamma nr. 27-imi nioqqutissat taaneqartut eqqunneqarnerinut akitsuut, piffissami 20. august-imit 23. november 2015-imut akitsuuteqartussaasimappata, taakkuninnga eqqussinermi akitsuut atuutissanngilaq.
  Imm. 3.  Imm. 2-mi taaneqartut akitsuuteqartussaasut akiliisimappata, akileraartarnermut ingerlatsiviup akitsuutit akilerneqarsimasut utertissavai. Akileraartarnermut ingerlatsiviup utertitsinissamut piumasarisinnaavaa, akitsuuteqartussaasup akitsuutinik akiliisimaneranut naatsorsuutit akiliutillu uppernarsaataanik takutitsinissaa. Aningaasat utertinneqartut ernialersorneqassanngillat.

 

Inatsisartut inatsisaat nr. 23, 18. november 2019-imeersoq (Akitsuutinik qaffaaneq akitsuutinillu nutaanik atuutilersitsineq)^[xvii] piffissaq atuutilerfissaq pillugu ima aalajangersagaqarpoq:

 

§ 2

 

Inatsisartut inatsisaat inatsisip nalunaarutigineqarnerata aqaguani atuutilissaaq, taamaattorli takuuk imm. 2.
  Imm. 2.  Siunnersuummi nr. 8 § 1, imm. 1, nr. 20-mut tunngasoq aatsaat ulloq 1. januar 2021-mi atuutilissaaq.

 

Inatsisartut inatsisaat nr. 12, 21. novembari 2022-meersoq (Akitsuummik atorunnaarsitsineq, naalagaaffiillu pisortaasa pisortatigoortumik tikeraarnerannut il.il. atatillugu qamutit motoorillit eqqunneqarneranni akitsuummik atorunnaarsitsineq)^[xviii] piffissaq atuutilerfissaq pillugu ima aalajangersagaqarpoq:

 

§ 2

 

Inatsisartut inatsisaat ulloq 1. januar 2023 atuutilerpoq.

 

Inatsisartut inatsisaat nr. 60, 20. novembari 2023-meersoq (Puulukit nersutaatillu neqaasa akitsuutaannik atorunnaarsitsineq aamma Nioqqutissanik

eqqussuineq annissuinerlu pillugit Inatsisartut inatsisaata allannguutaasa malitsigisaannik

allannguinerit)^[xix] piffissaq atuutilerfissaq pillugu ima aalajangersagaqarpoq:

 

§ 2

 

Inatsisartut inatsisaat ulloq 1. januar 2024 atuutilissaaq.

 

Inatsisartut inatsisaat nr. 33, 4. juni 2024-meersoq (Akitsuutinik appartitsineq atorunnaarsitsinerlu)^[xx] piffissaq atuutilerfissaq pillugu ima aalajangersagaqarpoq:

 

§ 2

 

 

 

Aningaasaqarnermut Akileraartarmullu Naalakkersuisoqarfik, ulloq 12. juli 2024

 

 

Nikolai Sten Christensen (atsior.)

Naalakkersuisoqarfimmi pisortaq

 

 

/ Morten Wenzel Selvejer (atsior.)