§ 1

Nioqqutissanik eqqussuinermi akitsuutit pillugit Inatsisartut inatsisaanni nr. 19, 30. oktober 1992-imeersumi, ilaatigut Inatsisartut inatsisaatigut nr. 3, 3. marts 1994-imeersukkut kingullermillu Inatsisartut inatsisaatigut nr. 2, 27. maj 1997-imeersukkut allanngortinneqartumi, makku allannguutigitinneqassapput:

1. § 3, imm. 1, nr. 5 atorunnaarsinneqarpoq.

2. § 8, imm. 1 imatut oqaasertalerneqassaaq:
"Unioqqutitsineq akitsuutip nalingata marloriaataanit annerusumik akiliisitsinermik kingune-qassangatinneqanngippat aammalu arsaarinnissuteqartoqassappat, tak. § 9, imm. 2, Akileraartarnermi Pisortaqarfiup unioqqutitsisoq nalunaarfigisinnaavaa suliassaq eqqartuussinertaqanngitsumik naammassineqarsinnaasoq unioqqutitsisoq unioqqutitsisimalluni nassuerpat piareersimallunilu akiliisitsissutissatut nalunaarutigineqartup, tak. § 4, piffissap aalajangersimasup, qinnuteqarnikkut sivitsorneqarsinnaasup iluani akilernissaanut aammalu nioqqutissat, tak. § 9, imm. 2, arsaarinnissutigineqarnissaannut akuersippat."

3. § 8, imm. 2 imatut oqaasertalerneqassaaq:
"Imm. 2. Umiarsuarni timmisartuniluunniit nunanut allanut angalasartuni inuttaasunut, inunnullu Kalaallit Nunaanni najugaqavissuunngitsunut tunngatillugu Akileraartarnermi Pisortaqarfik akiliisitsissutissanut akitsuutillu akilerneqarnissaannik aammalu arsaarinnissuteqartoqassanersoq, tak. § 9, imm. 2, aalajangiigallarsinnaavoq. Aalajangiigallarfígineqartoq aalajangiinerup nalunaarutigineqarneraniit ullut 14-it qaangiutsinnagit eqqartuussisunut suliassan-ngortitsisinnaavoq. Aalajangiinermi eqqartuussivitsigut periarfíssat piffissarititaasullu pineqartumut erseqqissaatigineqassapput. Suliassap eqqartuussisunut suliassanngortinneqarnera Akileraartarnermi Pisortaqarfimmit isumagineqassaaq. Eqqartuussivimmut suliassanngortitsinermi Akileraartarnermi Pisortaqarfíup aalajangigai pineqartup malissavai eqqartuussivitsi-gut aalajangiisoqarserlugu."

4. § 8, imm. 4 imatut oqaasertalerneqassaaq:
"Imm. 4. Qanoq iliuuseqartoqaqqissanngilaq:
1) akiliisitsissutissatut aalajangigaq piffissaagallartillugu akilerneqarpat, imaluunniit aalaja-ngenieqarnermi kingorna akiliisitsiniarnikkut akilersinneqarpat, aammalu
2) nioqqutissat arsaarinnissutigineqarpata, tak. § 9, imm. 2."

5. § 9, imm. 2 imatut oqaasertalerneqassaaq:
"Imm. 2. Nioqqutissat § 1, imm. 1, nr. 3-mi aammalu 7-imiit 10-mut taaneqartut, imaluunniit nioqqutissat peqanngippata taakku aningaasanngorlugit nalingat, tamatigut arsaarinnissutigineqartassapput."

§ 2

Inatsisartutinatsisaatullormi 10. november 1997-imi atuutilissaaq.

Namminersornerullutik Oqartussat, ulloq 6. november 1997

Jonathan Motzfeldt

/

Daniel Skifte