§ 1

Nioqqutissanik eqqussuinermi akitsuutit pillugit Inatsisartut inatsisaanni nr. 19, 30. oktober 1992-imeersumi, kingullermik Inatsisartut inatsisaatigut nr. 16, 30. oktober 1998-imeersukkut allanngortinneqartumi makku allannguutigitinneqarput:

1. § 1, imm. 1, nr. 7-imi "0 kr. 88 øre" allanngortinneqarpoq ima: "0 kr. 97 øre" aamma "1 kr. 06 øre" allanngortinneqarpoq ima: "1 kr. 17 øre".

2. § 1, imm. 1, nr. 8-mi "1 kr. 51 øre" allanngortinneqarpoq ima: "1 kr. 66 øre".

3. § 1, imm. 1, nr. 9-mi "333 kr. 42 øre" allanngortinneqarpoq ima: "366 kr. 76 øre" aamma "788 kr. 65 øre" allanngortinneqarpoq ima: "867 kr. 52 øre".

4. § 1, imm. 1, nr. 10-mi "0 kr. 33 øre" allanngortinneqarpoq ima: "0 kr. 36 øre".

5. § 1, imm. 1, nr. 21 ima oqaasertaqassaaq:
"a) Inuit biilii: Akitsuut aalajangersimasoq 50.000 koruuniusoq kiisalu fakturami akiata ilaata 50.000 koruuninit annerusup, kisiannili 150.000 koruuninit annerunngitsup 100 pct.-ia, akiatalu sinnerata 125 pct.-ia akilerneqassapput.
b) Biilit assartuutit allallu: Akitsuut aalajangersimasoq 50.000 koruuniusoq akilerneqassaaq. Tamatuma saniatigut biilip assartuutip 4 t.-it inorlugit oqimaassusillip, fakturami akiata ilaa 50.000 koruuninit annerusoq 50 pct.-imik akitsuuserneqassaaq.
c) Biilit nassiussanik assartuutitut qularutissaanngitsumik ilusilersorneqarlutillu sananeqarsimasut, aammalu aquttup issiaviata saniani ataasiinnarmik marluinnarnilluunniit ilaasoqarsinnaasutut sananeqarsimasut, kiisalu biilit usisaatillit, lastbiilit bussillu litra b-mi ilaatinneqarput.
d) Biilinik nioqquteqartup Akileraartarnermi Pisortaqarfik siumut paasiniaavigisinnaavaa biili litra a imaluunniit b naapertorlugu akitsuusigassaanersoq.
e) Biili litra b naapertorlugu akitsuusertinneqarsimasoq litra a malillugu akitsuusertinneqassaaq akitsuusiinermi tunngavigineqarsimasut atuukkunnaarsimappata. Akitsuut eqqussinermiit akiliinissap tungaanut qaammammut 2 pct.-imik ernialersorneqassaaq."

6. § 1, imm. 1-imi normutut nutaatut ilanngunneqassaaq: 25. "Vandscooterit.......ataaseq 30.000 kr."

§ 2

Inatsisartut inatsisaat ingerlaannaq atuutilerpoq.

Namminersornerullutik Oqartussat, ulloq 6. oktober 1999

Jonathan Motzfeldt

/

Josef Motzfeldt