§ 1

Nioqqutissanik eqqussuineq annissuinerlu pillugit Inatsisartut inatsisaanni nr. 18, 30. oktober 1992-imeersumi, Inatsisartut inatsisaatigut nr. 3, 13. maj 1993-imeersukkut, Inatsisartut inatsisaatigut nr. 3, 3. marts 1994-imeersukkut, Inatsisartut inatsisaatigut nr. 16, 3. november 1994-imeersukkut aamma Inatsisartut inatsisaatigut nr. 8, 6. november 1997-imeersukkut allanngortinneqartumi makku allannguutigitinneqarput:

1. Inatsimmi tamarmi oqaaseq: "Akileraartarnermut Pisortaqarfik" allanngortinneqarpoq ima: "akileraaruseriffik".

2. § 24, atorunnaarsinneqarpoq.

3. § 29, imm. 1, imatut oqaasertaqassaaq:
"Suliffeqarfiit umiarsuartigut timmisartutigullu angalasunik assartuussisartut, imaluunniit angalassissutip ingerlatitsisua, nakkutilliinerup suliarineqarnissaanut pisariaqartinneqarlutik paasissutissiinerit aamma takussutissiisinnaanermut pisussaaffeqartitsineq, matumani ilanngullugit angallassissutip suussusaanik paasissutissiissallutik, inuttat, ilaasut aamma taakku nassataasa nalunaarsorneqarnerinik paasissutissat aammalu usigisat pillugit paasissutissiinerit pisussaaffigivaat, taamatuttaarlu usiisiviit, init aammalu ilitsiviit takuneqarnissaannut, ammarneqarnissaannut iserfigineqarnissaannullu periarfissiissallutik. Akileraaruseriffiup eqqartuussivinnit aalajangiinertaqanngitsumik takusaqarumalluni, ammaaqqusilluni imaluunniit tamakkua iserfigineqannginnissaanik peqqusilluni piumasaqarsinnaavoq taakkuninngalu misissuilluni".

4. § 29-imi, imm. 2-tut nutaatut ilanngunneqassaaq:
"Imm. 2. Imm. 1-imi suliffeqarfiit taaneqartut aamma suliffeqarfiit imm. 1-imi suliffeqarfinnik taaneqartunut ininik atuisinnaatitsisut, akileraaruseriffiup sutigulluunniit peqqusineratigut pisussaaffeqarput nakkutilliinermut atatillugu paasissutissanik pisariaqartinneqartunik sunilluunniit tunniussissallutik. Akileraaruseriffiup taamaasiornikkut piumasarisinnaavaa qarasaasiatigut paasissutissanik toqqaannartumik elektroniskiusunik takusaqarummalluni aallersinnaanissaminik".

Imm. 2-miit imm. 4-mut tamatuma kingorna imm. 3-imiit imm. 5-inngussapput.

5. § 45 imatut oqaasertaqassaaq:
"§ 45. Kinaluunniit aalajangersakkani § 1, § 29, imm. 1, 2 aamma 4, § 30, imm. 1-imiit imm. 3-mut, § 32, imm.2 aamma § 34-imi malinninngitsoq akiliisitsinikkut pineqaatissinneqassaaq.
Imm. 2. Kinaluunniit § 29, imm. 5 malillugu peqqussummik malinninngitsoq akiliisitsinikkut pineqaatissinneqarsinnaavoq".

6. § 33, § 34, §36 aamma § 43 atorunnaarput.

 

§ 2

Nioqqutissanik eqqussuinermi akitsuutit pillugit Inatsisartut inatsisaanni nr. 19, 30. oktober 1992-imeersumi, ilaatigut Inatsisartut inatsisaatigut nr. 10, 11. november 2000-imeersukkut aammalu kingullermik Inatsisartut inatsisaatigut nr. 13, 7. november 2003-meersukkut allanngortinneqartumi makku allannguutigitinneqarput:

1. Inatsimmi tamarmi oqaaseq: "Akileraartarnermut Pisortaqarfik" allanngortinneqarpoq ima: "akileraaruseriffik".

2. § 1, imm. 1, nr. 21, litra e-mi, aamma § 1, imm. 1, nr. 26, litra e-mi: "2 pct." allanngortinneqarpoq ima: "1 pct.".

 

§ 3

 

Pappiaqqanik nalilinnik naqissusiinermi akitsuut pillugu Inatsisartut inatsisaanni nr. 8, 31. oktober 1987-imeersumi, ilaatigut Inatsisartut inatsisaatigut nr. 14, 30. oktober 1992-imeersukkut allanngortinneqartumi, aamma kingullermik Inatsisartut inatsisaatigut nr. 2, 20. maj 1998-imeersukkut allanngortinneqartumi makku allannguutigitinneqarput:

1. Inatsimmi tamarmi oqaaseq: "Akileraartarnermut Pisortaqarfik" allanngortinneqarpoq ima: "akileraaruseriffik".

2. § 22a aamma § 23, imm. 3 aamma 4 atorunnaarsinneqarput.

 

§ 4

 

Eqquiniaasitsinermi akileraarutit pillugit Inatsisartut inatsisaanni nr. 7, 31. oktober 1987-imeersumi, ilaatigut Inatsisartut inatsisaatigut nr. 5, 9. april 1992-imeersukkut allanngortinneqartumi, Inatsisartut inatsisaatigut nr. 3, 12. juni 1995-imeersukkut aamma kingullermik Inatsisartut inatsisaatigut nr. 4, 27. marts 2006-imeersukkut allanngortinneqartumi makku allannguutigitinneqarput:

1. § 3, imm. 1-imi aamma 2-mi oqaaseq: "Akileraartarnermut Pisortaqarfik" allanngortinneqarpoq ima: "akileraaruseriffik".

2. § 3, imm. 5 atorunnaarsinneqarpoq.

 

§ 5

Umiarsualivimmiinnermut aamma umiarsuit takornarianik angallassissutit ilaasunik angallassinerannut akileraarutit pillugit Inatsisartut inatsisaanni nr. 20, 30. oktober 1992-imeersumi, kingullermik aamma Inatsisartut inatsisaatigut nr. 3, 27. marts 2006-imeersukkut allanngortinneqartumi makku allannguutigitinneqarput:

1. Inatsimmi tamarmi oqaaseq: "Akileraartarnermut Pisortaqarfik" allanngortinneqarpoq ima: "akileraaruseriffik".

2. § 7, § 8 aamma § 9 atorunnaarsinneqarput.

 

§ 6

 

Qamutit motoorillit akileraarutaat pillugit Inatsisartut inatsisaanni nr. 3, 16. juni 1987-imeersumi, kingullermik aamma Inatsisartut inatsisaatigut nr. 7, 11. november 2004-meersukkut allanngortinneqartumi makku allannguutigitinneqarput:

1. § 6, imm. 1-imiit 3-mut oqaaseq: "Akileraartarnermut Pisortaqarfik" allanngortinneqarpoq ima: "akileraaruseriffik".

 

§ 7

Aningaasanik ikisilluni pinnguaatinut akileraarut pillugu Inatsisartut inatsisaanni nr. 3, 17. maj 1990-imeersumi, kingullermik aamma Inatsisartut inatsisaatigut nr. 15, 7. november 2003-meersukkut allanngortinneqartumi makku allannguutigitinneqarput:

1. § 14, imm. 2-mi oqaaseq: "Akileraartarnermut Pisortaqarfik" allanngortinneqarpoq ima: "akileraaruseriffik".

 

§ 8

Raajanut akitsuutit pillugit Inatsisartut inatsisaanni nr. 20, 25. oktober 1990-imeersumi, kingullermik aamma Inatsisartut inatsisaatigut nr. 19, 11. december 2003-meersukkut allanngortinneqartumi makku allannguutigitinneqarput:

1. Inatsimmi tamarmi oqaaseq: "Akileraartarnermut Pisortaqarfik" allanngortinneqarpoq ima: "akileraaruseriffik".

2. § 10, imm. 1-imi peerneqarpoq:
", § 8, imm. 2 naapertorlugu pillaatitut ernialiunneqarsinnaasut ilanngullugit,".

3. § 8, imm. 2, § 10, imm. 2-miit 4-mut, § 11, § 12 aamma § 13, atorunnaarsinneqarput.

4. § 15, imm. 1-imi peerneqarpoq:
"kiisalu akitsuummut akiliinngitsoortitsisinnaallutik imaluunniit annikilliliisinnaallutik, pissutsit immikkut illuinnartut tamanna pisariaqartippassuk".

5. § 16 aamma § 17 atorunnaarsinneqarput.

 

§ 9

Pisassat akileqquneqartarnerannik akiliisitsiniartarnermillu kommunit suleqatigiinnerat pillugu Inatsisartut inatsisaanni nr. 4, 12. maj 2005-imeersumi makku allannguutigitinneqarput:

1. Inatsimmi tamarmi oqaaseq: "Akileraartarnermut Pisortaqarfik" allanngortinneqarpoq ima: "akileraaruseriffik".

 

§ 10

Pisortanut akiitsut akilersinniarneqartarnerat pinaveersaartinneqarnissaallu pillugit Inatsisartut inatsisaanni nr. 3, 2. maj 1996-imeersumi, Inatsisartut inatsisaatigut nr. 3, 12. maj 2005-imeersukkut allanngortinneqartumi makku allannguutigitinneqarput:

1. § 5 imatut oqaasertalerneqarpoq:
"§ 5. Akileraarutinut akiliutaavallaarsimasut utertinneqarneranni kommunit utertitsivigineqartup akileraarutinut, utertitassanngorlugit ikiorsiissutinut, pilersuisussaatitaanermut akilersuutinut siumoortumik tunniunneqartartunut aammalu kommunit inuussutissarsiutitigut suliffeqarfinnut aningaasatigut attartortissimasaannut akilerneqartussanngoreersimagaluartunut akiligassarisaanut naapertuuttunik ilanngartuisinnaatitaapput.
Imm. 2. Akileraaruseriffiup ilanngartuisoqarsimanera akileraartartumut nalunaarutigissavaa.".

2. § 9-imi "Akileraartarnermut Pisortaqarfiup" allanngortinneqarpoq ima: "akileraaruseriffiup".

 

§ 11

Inatsisartut inatsisaat 1. januar 2007-imi atortuulissaaq.

Namminersornerullutik Oqartussat, ulloq 2. november 2006

Hans Enoksen

/

Josef Motzfeldt