§ 1

Nioqqutissanik eqqussuinermi akitsuutit pillugit Inatsisartut inatsisaanni nr. 19, 30. oktober 1992-imeersumi, Inatsisartut inatsisaatigut nr. 17, 22. november 2011-mi kingullermik allanngortinneqartumi makku allannguutigitinneqarput:

1.    § 1, imm. 1, nr. 2-mi allassimasoq ”29 kr. 00 øre” allanngortinneqarpoq ima: ”58 kr. 00 øre”.

2.    § 1, imm. 1, nr. 9, ima oqaasertaqassaaq:
”a)  Tupat aggukkat, cut plug, tupat aseqqorissut assigisaallu kiisalu
     tupat pujullit allat minnerpaamik 1,5 mm-imik silissusillit  . . . . . . . . . .kg.-mut 492 kr. 00 øre.
b)  Tupat pujullit allat  . . . . . . . . . . . . . . .  . . . . . . . . . . . . . . . . . . . . . . kg.-mut 1.165 kr. 00 øre.
c)   Sukuluut aamma snusit . . . . . . . . . . . . . . . . . . . . . . . . . . . . . . fakturami nalingisa 300%-iat.
d)   Tupat pujoqanngitsut allat. . . . . . . . . . . . . . . . . . . . . . . . . . .  fakturami nalingisa 300%-iat."

3.  § 1, imm. 1-imi normutut nutaatut ilanngunneqarpoq:
”27. Qummoroortartut  . . . . . . . . . . . . . . . . . . . . . . . . . . . . . . . .fakturami nalingisa 100%-iat.”

4.  § 5 ima oqaasertaqassaaq:
”§ 5.  Inatsisartut inatsisaannik matuminnga imaluunniit Inatsisartut inatsisaat manna naapertorlugu aalajangersagaasunik unioqqutitsisoqarpat unioqqutitseriaraluartoqarpalluunniit, aki­liisitsisoqarnera akiliisitsisoqannginneraluunniit apeqqutaatinnagu, iluanaarutit pigisallu Kalaallit Nunaanni pinerluttulerinermik inatsimmi kapitali 37 malillugu arsaarinnissutigineqarsinnaapput.
  Imm. 2.  Imm. 1 naapertorlugu arsaarinnissutit Landskarsimut pisassanngortinneqassapput, soorluttaaq akiliisitsissutit § 4 naapertorlugu angissusilerneqartut Landskarsip pisassarigai.”

5.  § 8, imm. 3, ima oqaasertaqassaaq:
”Imm. 3.  Pineqaatissiissuteqarnissamut unnerluussuteqartarnermut aalajangersakkat Kalaallit Nunaannut eqqartuussisarnermik inatsimmi kapitali 38-miittut nalunaaruteqartarnermut imm. 1-imi taaneqartumut tunngatillugu atorneqarsinnaapput.”

§ 2

Inatsisartut inatsisaat saqqummiunneqarnermini atortuulissaaq.

Namminersorlutik Oqartussat, ulloq 23. november 2015

Knud Kristiansen