Kapitali 1

Nioqqutissat akitsuutaat

§ 1. Akitsuuteqarfiusumut nioqqutissanik eqqussinermi, takuuk nioqqutissanik eqqussuineq annissuinerlu pillugit Inatsisartut inatsisaat nr. 18, 30. oktober 1992-imeersumi § 6, landskassemut nakkartussanik makku akitsuutaassapput:

Nr. 1. Sukkunik nioqqutissiat suulluunniit, tamatumani ilaallutik sirup aamma glukose kg.-mut 5 kr. 31 øre,

Nr. 2. Sukkulaatit sukkulaatinillu nioqqutissiat suulluunniit (cacao pinnagit), lakridsit lakridsinillu nioqqutissiat suulluunniit, marcipanit marcipaninillu nioqqutissiat suulluunniit, karamelit, bonbonsit, sukkuaqqat assigisaallu, sukkullit sukkoqanngitsullu kg.-mut 29 kr. 00 øre

Nr. 3. Imigassat ethanolimik akullit ima imallit:

a) 2,25-3,09 volumenpct. literimut ....... 2 kr. 95 øre,

b) 3,10-4,09 volumenpct. literimut ....... 6 kr. 42 øre,

c) 4,10-5,09 volumenpct. literimut ...... 17 kr. 04 øre,

d) 5,10-7,09 volumenpct. literimut ...... 23 kr. 87 øre,

e) 7,10-9,09 volumenpct. literimut ...... 34 kr. 22 øre,

f) 9,10-12,09 volumenpct. literimut ..... 48 kr. 06 øre,

g) 12,10-15,09 volumenpct. literimut .... 65 kr. 84 øre,

h) 15,10-18,09 volumenpct. literimut .... 85 kr. 42 øre

i) 18,10-22,09 volumenpct. literimut ... 109 kr. 56 øre

j) 22,10-26,09 volumenpct. literimut ... 138 kr. 68 øre

k) 26,10-30,09 volumenpct. literimut ... 170 kr. 22 øre,

1) 30,10-35,09 volumenpct. literimut ... 207 kr. 35 øre,

m) 35,10-45,09 volumenpct. literimut ... 267 kr. 17 øre

n) 45,10-60,09 volumenpct. literimut ... 366 kr. 53 øre,

o) 60,10-100,00 volumenpct. literimut .. 436 kr. 92 øre

Nr. 4. Imeruersaatit, sodavandit, limonadet imeruersaatillu kulsyretallit, ethanolimik akoqanngitsut literimut 4 kr. 00 øre

Nr. 5. Imeruersaatiliassat kulsyretallit, imeruersaasiornermi automatini assigisaannilu sanaassiat literimut 28 kr. 80 øre

Nr. 6. Imeruersaatit suulluunniit puui, tamatumani ilaallutik imeruersaatiliassat puui, taamaallaat pinnagit immuinmit nioqqutissiat puui kiisalu puiaasaaqqat Kalaallit Nunaanni puiaasaaqqanik utertitsisarnikkut atoqqinneqartartut,

a) 0,25 literi tikillugu imaqarsinnaasoq ataaseq .......................................... 1 kr. 00 øre

b) 0,25 literi sinnerlugu imaqarsinnaasoq ataaseq ...................................... 2 kr. 00 øre,

Nr.7. Sikaat, sikaavaqqat cigarellollu,

a) 3 gr. taannalu ataallugu oqimaassusillit ataaseq 0 kr. 74 øre,

b) 3 gr. sinnerlugu oqimaassusillit  ataaseq 0 kr. 89 øre

Nr. 8. Sikaritsit  ataaseq 1 kr. 27 øre

Nr. 9. Tupat,

a) tupat aggukkat, cut plug, tupat aseqqorissut assigisaallu, kiisalu tupat allat minnerpaamik 1,5 mm-imik silissusillit  kg.-mut 280 kr. 01 øre

b) allat kg.-mut 662 kr. 31 øre

Nr. 10. Imusivissat, immertariaannaat ilanngullugit ataaseq 0 kr. 28 øre,

Nr. 11. Kaffit kaffeeqqat kaffiliassallu kg.-mut 6 kr. 00 øre,

Nr. 12. Tiit, tiiliassallu allat kg.-mut 6 kr. 60 øre,

Nr. 13. Savat savaaqqallu neqaat taakkunanngalu nioqqutissiat. Nutaat, nillataartitat, qerititat, tarajortikkat, taratsumi aatsitaniittut, panertut imaluunniit pujuukkat, nioqqutissat allattorsimaffianni 0204.10.00.0-imiit 0204.43.00.0 ilanngullugu allassimasut kiisalu nioqqutissat allattorsimaffianni ukunani inissisimasut, 0206.80.99.0, 0206.90.99.0 aamma 0210.90.11.0, 0210.90.19.0 aarama 0210.90.60.0 . kg.-mut 25 kr. 00 øre,

Nr. 14. Nersussuit neqaat taakkunanngalu nioqqutissiat,

a) nutaat nillataartitalluunniit, nioqqutissat allattorsimaffianni kapitali 02,01-imiittut kg.-mut 10 kr. 00 øre.

b) qerititat, nioqqutissat allattorsimaffianni kapitali 02.02-mi allassimasut kiisalu nioqqutissat allattorsimaffianni 0210.20.10.0-imi aamma 0210.20.90.0-imi allass imasut kg.-mut 6 kr. 75 øre,

Nr. 15. Puulukit neqaat taakkunanngalu nioqqutissiat, a) nutaat, nillataartitat qerititalluunniit, nioqqutissat allattorsimaffianni kapitali 02.03-mi allassimasut kg.-mut 2 kr. 25 øre,

b) tarajortikkat, taratsumi aatsitaniittut, panertitat imaluunniit pujuukkat, nioqqutissat allattorsimaffianni 0210.11.11.0-imiit 0210.19.90.0 ilanngullugu kiisalu 0210.90.31.0-imiit 0210.90.39.9 ilanngullugu allassimasut kg.-mut 3 kr. 25 øre,

Nr. 16. Timmissat neqaat nutaat, nillataartitat imaluunniit qerititat, nioqqutissat allattorsimaffianni kapitali 02.07-imi allassimasut, ilanngunnagilli tinguit, nioqqutissat allattorsimaffianni makkunani allassimasut, 0207.31.00.0, 0207.39.90.0, 0207.50.10.0 aamma 0207.50.90.0 kg.-mut 3 kr. 50 øre

Nr. 17. Nioqqutissat allat nr. 13-imiit 16-imut allassimasut, piariikkat imaluunniit aqerlortikkat,

a) savaaqqat savallu neqaannit nioqqutissiat, nioqqutissat allattorsimaffianni makkunani allassimasut, 1602.10.00.0, 1602.90.71.0.10 aanutia 1602.90.79.0.10  kg.-mut 25 kr. 00 øre.

b) nersussuit neqaannit nioqqutissiat, nioqqutissat allattorsimaffianni makkunani allassimasut, 1602.10.00.0 kiisalu 1602.50.10.1-imiit 1602.50.90.9 ilanngullugu aamma 1602.90.61.0 kiisalu 1602.90.69.0-imi kg.-mut 4 kr. 00 øre,

c) puulukit neqaannit nioqqutissiat, nioqqutissat allattorsimaffianni makkunani allassimasut, 1602.10.00.0 kiisalu 1602.41.10.1-imiit 1602.49.90.0 ilanngullugu kiisalu 1602.90.51.0-imi kg.-mut 2 kr. 00 øre.

d) pølsit suulluunniit, tamatumani ilaallutik tingummit aammillu pølsiliat, nioqqutissat allattorsimaffianni kapitali 16.01-imi allassimasut kg.-mut 3 kr. 00 øre.

e) tinguiranit nioqqutissiat, nioqqutissat allattorsimaffianni 1602.20.10.0-imi aamma 1602.20.90.0-imi allassimasut  kg.-mut 2 kr. 50 øre.

f) timmissanit nioqqutissiat, nioqqutissat allattorsimaffianni 1602.10.00.0-imi kiisalu 1602.31.11.0-imiit 1602.39.90.0 ilanngullugu allassimasut kg.-mut 3 kr. 50 øre.

Nr. 18. Tipigissaatit, pinnersaatit eqqiluisaarnermullu atortut, makkuli pinnagit: qaqorsaatit, kigutigissarnermut atortut, nutsanut quligutit qaqorsaataannallit, unernut tipigissaatit, taratsut uffarnermut atortut, nakkalatsiterutit kiisalu naalungiarsunnik paaqqinninnermi atortut fakturami nalingisa 38 %-iat.

Nr. 19. Knallertit, innarluutillit knallertii inunnik isumaginninnermi pisortat aqqutigalugit piniarneqarsimasut pinnagit ataaseq 2.530 kr. 00 øre.

Nr. 20. Snescooterit EF-ip EFTA-llu avataanneersut, nunanillu allanit, Kalaallit Nunaata akitsuutitaqanngitsumik niuerfiginissaanik isumaqatigiissuteqarfigisimasaasa avataaneersuneersut fakturami nalingisa 5 %-iat.

Nr. 21. Inuit biilii:

Benzinatortut   fakturami nalingisa 50 %-iat, minnerpaamilli 50.000 kr.

Dieselitortut     fakturami nalingisa 35 %-iat, minnerpaamilli 35.000 kr.

Qamutit motoorillit allat:

Benzinatortut     ataaseq 50.000 kr.

Dieselitortut      ataaseq 35.000 kr.

Tamatuma saniatigut inuit biiliinut EF-ip, EFTA-p avataaneersunit nunanillu allanit Kalaallit Nunaata akitsuutitaqanngitsumik niuerfiginissaanik isumaqatigiissuteqarfigisimasaasa avataaneersuneersut ........................... fakturami nalingisa 5 %-iat,

Nr. 22. Nuutit, makkulu immiussiffigineqarsimasut immiussiffigineqarsimanngitsullu: kassettebåndit, videobåndit, videonit cd-nillu nuusiat suulluunniit fakturami nalingisa 30 %-iat

Nr. 23. Videonik pinnguaatit pinnguaatillu allat fjernsynimi, qarasaasiami monitorimiluunniit atorneqarsinnaasut, kiisalu prograramit taarserneqarsinnaasut suulluunniit fakturami nalingisa 30 %-iat,

Nr. 24. Automatit pinnguaatit assigisaallu, tamatumani ilaallutik pinnguaatit eqquissutaasinnaasut eqquissutaasinnaanngitsullu fakturami nalingisa 50 %-iat

Imm. 2. Nioqqutissat imm. 1-imi pineqartut nalunaarutigineqarlutillu akitsuusertinneqartassapput nioqqutissanik eqqussuineq annissuinerlu pillugit Inatsisartut inatsisaanni aalajangersakkat malillugit.

§ 2. Nioqqutissat akitsuusigassat anniseqqinneqartussatut naatsorsuussat akitsuusernagit eqqunneqarnissaat akuersissutigineqars innaavoq.

Imm. 2. Akitsuuserneqartussaanngitsunut ilaanngillat:

a) nioqqutissat umiarsuarni timmisartuniluunniit Kalaallit Nunaanni nalunaarsorneqarsimasuni imaluunniit nunanit allanit attartorneqarsimasuni atugassatut taquassatulluunniit naatsorsuussat, taakku nunat tamalaat akornanni aalajangersimasumik ilaasartaatitut aammalu nassiussanik assartuutitut ingerlaarfeqanngippata, kiisalu

b) nioqqutissat umiarsuarnut assigisaannullu Kalaallit Nunaanni nalunaarsorneqarsimasunut aammalu nunanit allanit attartorneqarsimasunut, inuttaannut ilaasuinulluunniit akitsuuteqarfiup avataani tuniniagassatut naatsorsuussat.

Imm. 3. Nioqqutissat § 1, imm. 1, nr. 3-mi aammalu 7-miit 10-mut taaneqartut taamaallaat akitsuusernagit anniseqqinneqarsinnaapput nunat allamiut umiarsuaannut timmisartuinullu pisussaaffiit pillugit nunat tamalaat akornanni isumaqatigiissutit malillugit.

Imm. 4. Angallat nioqqutissanik akitsuusigassanik 500 koruunit sinnerlugit akitsuuteqartussanik usilik akitsuuteqarfiup iluani naammattoorneqarpat, imm. 2, b)-mi taaneqartutut tuniniagassatut naatsorsuussatut isigineqassapput, taamaattoqannginnera qularnaatsumik uppernarsarneqars innaanngippat.

Kapitali 2

Akitsuuserneqartussaanngitsut

§ 3. Akitsuuserneqartussaanngitsut makkuupput:

1) Qamutit motoorillit, takuuk § 1, imm. 1/ nr. 21,

a) qatserutitut annaassiniutitullu immikkut sananeqarsimasut taamatuinnarlu atorneqartut,

b) ambulancetut toqusunullu assartuutitut iiranikkut sananeqarsimasut taamatuinnarlu atorneqartut,

c) sulinermi immikkut atugassatut sananeqarsimasut, sananeqaamminni assartugassanik inunnilluunniit aqqusinermi assartuutissatut naatsorsuussaanngitsut,

d) maskinat sulinermi atortut traktorillu,

e) naalagaaffiit allat aallartitaqarfiinit konsuuleqarfiinilluunniit sulisunit tikisitanit pigineqartut.

2) Nioqqutissat,

a) danskit sakkutuuisa imarsiortut umiarsuaannut, ukiumut qaammatit arfineq-pingasut inorlugit Kalaallit Nunaanniittunut tunineqarlutillu taakkunani atorneqartut,

b) nunat allat aallartitaqarfiini konsuuleqarfiiniluunniit sulisunut tikisitanut tunineqartut taakkunanngalu atorneqartut,

c) nunat allat naalagaaffiisa umiarsuaanniitiinnarneqartut.

3) Taqussat pisariaqartitallu allat, umiarsuarnit timmisartunilluunniit, akitsuuteqarfiup avataaneerlutik tikittunit nassarneqartut umiarsuarmilu timmisartumiluunniit, umiarsuup timmisartulluunniit akitsuuteqarfimmut akitsuuteqarfimmilluunniit angalanerani akitsuuteqarfimmiinneranilu atugassatut naatsorsuutigineqartut, nakkutilliisitaasunit umiarsuup timmisartulluunniit qanoq ittuussusaa, sulisut ilaasullu amerlassusaat aammalu akitsuuteqarfimmiinnissaata sivisussusaa tunngavigalugit naanunaginartutut isigineqartut. Akitsuuteqanngisitsineq umiarsuarnut timmisartunullu § 2, imm. 2, a)-mi taaneqartunut atuutinngilaq.

4) Nioqqutissat misiligutit, nassiussisoq akileraartarnermi pisortanit akuersissummik pisimappat.

5) Nuunnermi angalanermilu nassatat, § 1, imm. 1, nr. 22-mi 23-milu taaneqartut, inuussutissarsiutiginissaat siunertaralugu eqqunneqanngitsut, piginnittumillu Kalaallit Nunaata avataaniinnermini sivikinnerpaamik qaammatini arfinilinni pigineqareersimasut atorneqareersimasullu.

Kapitali 3

Pineqaatissiinerit

§ 4. Inatsisartut inatsisaannik matuminnga imaluunniit Inatsisartut inatsisaat manna naapertorlugu aalajangersagaasunik unioqqutitsineq unioqqutitseriaraluarnerluunniit akiliisitsinermik kinguneqarsinnaavoq. Akiliisitsissutip angissusilerneqarnissaani maluginiarneqartassaaq aningaasatigut iluanaarutaasimasup iluanaarutissatulluunniit siunertarineqarsimasup annertussusia. Aammattaaq apeqqutaatinneqartassaaq unioqqutitsinerup annertussusia.

Imm. 2. Piaaraluni mianersuaalliorujussuarluniluunniit nioqqutissanik anngiortumik eqqussanik tuniniaasoq allatulluunniit tunniussisoq, pisisoq allatulluunniit pissarsisoq, tigusisoq, angallassisoq paarisaqartorluunniit imm. 1-imi taaneqartutut pineqaatissinneqartassaaq.

Imm. 3. Nioqqutissanik akitsuusigassanik akitsuuteqarfiup avataani imaluunniit piffinni, nioqqutissanik eqqussuineq annissuinerlu pillugit Inatsisartut inatsisaanni nr. 18, 30. oktober 1992-imeersumi § 19, iram. 2 naapertorlugu tamakkiisumik ilaannakortumilluunniit akitsuuteqarfiunngitsuni, nalunngilluinnaraluarlugu nioqqutissat taakku akitsuuteqartinngitsoortinniarneqassasut, tuniniaasoq tunniussisorluunniit imm. 1-imi taaneqartutut pillaammik akiliisinneqassaaq.

Imm. 4. Imm. 1-3 malillugit pineqaatissiinerit nioqqutissat akitsuutaannut akiliisussaatitaanermut atorunnaarsitsisinnaanngillat.

Imm. 5. Suliffeqarfik sinnerlugu unioqqutitsisoqarpat unioqqutitseriartoqarpalluunniit, suliffeqarfiup piginnittua imm. 1-3 malillugit akisussaatinneqarsinnaavoq, naak piginnittoq piaaraluni mianersuaalliorluniluunniit unioqqutitsinermut pisuutinneqars innaanngikkaluartoq.

Imm. 6. Piginneqatigiiffiit, peqatigiiffiit assigisaalluunniit unioqqutitsippata unioqqutitseriaraluarpataluunniit, piginneqatigiiffik peqatigiiffilluunniit imm. 1-3 malillugit akisussaatinneqarsinnaavoq.

Imm. 7. Kommune kommunelluunniit sullisseqataaffia unioqqutitsippat unioqqutitseriaraluarpalluunniit, kommune kommunelluunniit sullisseqataaffia imm. 1-3 raalillugit akisus saatinneqarsinnaavoq.

§ 5. Inatsisartut inatsisaannik matuminnga imaluunniit Inatsisartut inatsisaat manna naapertorlugu aalajangersagaasunik unioqqutitsisoqarpat unioqqutitseriaraluartoqarpalluunniit, akiliisitsisoqarnera akiliisitsisoqannginneraluunniit apeqqutaatinnagu, iluanaarutit pigisallu Kalaallit Nunaanni pinerlunnermut inatsimmi kapitali 31 malillugu arsaarinnissutigineqarsinnaapput.

§ 6. Umiarsuit timmisartulluunniit akitsuuteqarfimmut tikittut nioqqutissanik akitsuusigassanik, usit nalunaarsorfianni ilanngunneqarsimanngitsunik, nassataqarpata taakkulu Akileraartarnermi Pisortaqarfimmut nalunaarutigineqarsimanngippata, nioqqutissat piginnittuminnit tuniniagassatut anngiortumik eqqunneqartutut isigineqassapput, taamaattoqannginnera qularnaatsumik uppernarsarneqars innaanngippat.

Imm. 2. Angallat akitsuuteqarfiup iluani nioqqutissanik akitsuusigassanik 500 koruunit sinnerlugit akitsuuteqartussanik usilik naammattoorneqarpat, tamanna tuniniaanissamik siunertaqarluni anngiortumik eqqusseriaraluarnertut isigineqassaaq, taamaattoqannginnera qularnaatsumik uppernarsarneqarsinnaanngippat.

§ 7. Angallatit nioqqutissanik akitsuusigassanik anngiortumik eqqussinermi eqqusseriaraluarnermiluunniit imaluunniit akitsuuteqarfiup iluani nioqqutissanik anngiortumik eqqussanik angallassinermut atorneqarsimasut, Akileraartarnermi Pisortaqarfimmit qinnutigineqarpat politiinit tigummineqarallarsinnaapput akitsuutinut, pillaatitut sullissinermilu aningaasartuutinut akiligassat, piginnittup ingerlatsisulluunniit sulisut allalluunniit sullissisut pisuussutigisaat, akilerneqarserlugit qularnaveeqquserneqarserlugilluunniit. Suliap naammassineqarneraniit qaammatit marluk qaangiutsinnagit akiligassat akilerneqanngippata angallatip tuniniarneratigut akiitsut akilersinneqarsinnaapput.

Imm. 2. Tigumminnikkallarsinnaaneq taamaallaat pisinnaavoq akiligassanut qularnaveeqqutitut piumasarineqarpat. Angallat anngiortumik il.il. eqqussinermi atorneqartoq ingerlatitsisumit tillitaasimappat tigummigallarneqarsinnaanngilaq.

§ 8. Unioqqutitsineq akitsuutip nalingata marloriaataanik annerusumik akiliisitsinermik kinguneqassangatinneqanngippat, Akileraartarnermi Pisortaqarfiup unioqqutitsisoq nalunaarfigisinnaavaa, pineqartoq pisuusutut nassuerpat, piffissaatitaasorlu, qinnuteqarnikkut sivitsorneqarsinnaasoq, qaangiutsinnagu akiliisinnaassuseqarpat suliassaq eqqartuussinertaqanngitsumik naammassineqarsinnaasoq.

Imm. 2. Umiarsuarni timmisartuniluunniit nunanut allanut angalasartuni inuttaasunut, inunnullu Kalaallit Nunaanni najugaqavissuunngitsunut tunngatillugu Akileraartarnermi Pisortaqarfik pillaatitut akiliisitsissutissanut akitsuutinullu tunngasunik aalajangiigallarsinnaavoq. Aalajangiigallarfigineqartoq, aalajangiinerup nalunaarutigineqarneraniit ullut 14-it qaangiutsinnagit, eqqartuussisunut suliassanngortitsisinnaavoq. Aalajangiinermi eqqartuussivitsigut periarfissat piffissarititaasullu pineqartumut erseqqissaatigineqassapput. Suliassap eqqartuussisunut suliassanngortinneqarnera Akileraartarnermi Pisortaqarfimmit isumagineqassaaq. Eqqartuussivimmut suliassanngortitsinermi Akileraartarnermi Pisortaqarfiup aalajangigai pineqartup malissavai, eqqartuussivitsigut aalajangiisoqarserlugu.

Imm. 3. Kalaallit Nunaanni eqqartuussisarnermi inatsimmi kapitali 5-imi pineqaatissiissuteqarnissamut unnerluussuteqartarnermut aalajangersagaq imm. 1-imi nalunaaruteqartarnermut taaneqartumut tunngatillugu atorneqarsinnaavoq.

Imm. 4. Akiliisitsissut piffissaq eqqorlugu akilerneqarpat aalajangerneqarnermiluunniit kingorna akiliisitsissutigineqarpat allatut malersorneqaqqissanngilaq.

§ 9. Nioqqutissat anngiortumik eqqussinermi eqqusseriaraluarnermiluunniit nassatarineqartut Akileraartarnermi Pisortaqarfimmit imaluunniit Akileraartarnermi Pisortaqarfik sinnerlugu politiinit tiguneqarallartassapput. Nioqqutissat anngiortumik eqqussat nioqqutissalluunniit allat akitsuutaat pisortanut akilinngitsoorneqartut akilinngitsoorneqariaraluartulluunniit, pisortanit taaneqartunit tigummineqarallartussanngussapput tigusarineqarlutilluunniit, eqqartuussisarnermi inatsimmi arsaarinnissutaasariaqartunut maleruagassat aalajangerneqarsimasut tunngavigalugit.

Imm. 2. Nioqqutissat § 1, imm. 1, nr. 3-mi aammalu 7-imiit 10-mut taaneqartut tamatigut arsaarinnissutigineqartassapput.

Imm. 3. Akitsuutinut pillaatitullu akiliutissat, sullissinermilu aningaasartuutit akiligassat akilerneqareerpata, nioqqutissanik eqqussuinermi maleruagassat nalinginnaasut tunngavigalugit nioqqutissat tigummigallarneqarsimasut arsaagaasumut inummulluunniit allamut utertitsiffigineqartussamut utertinneqassapput. Tamannali nioqqutissanut § 1, iinm. 1, nr. 3-mi aammalu 7-imiit 10-mut taaneqartunut atuutinngilaq. Suliap qaammairani inaarneqarfiata naaneraniit qaammatit marluk qaangiutsinnagit nioqqutissat aaneqanngippata Akileraartarnermi Pisortaqarfimmit akitsorterussinikkut nalunaarutigineqareersimasukkut Kalaallit Nunaanni ileqquusut malillugit tuniniarneqassapput. Nioqqutissat Akileraartarnermi Pisortaqarfiup isumaa naapertorlugu atorsinnaanngitsut naleqanngitsulluunniit piffissarititap qaangiunneratigut nakkutigineqaqqissaartumik suujunnaarsinneqassapput. Akitsorterussinikkut isertitanit pisortanut sullissinermi, tigummisaqarallarnermi tuniniaanermilu aningaasartuutit akilerneqassapput, taavalu eqqussinermi akitsuutinut pillaatitullu akiliisitsissutit taakkualu suliarineqarnerini aningaasartuutit akilerneqassallutik. Akitsorterussinermiit ukioq ataaseq qaangiutsinnagu piginnittoq saaffiginnippat, tunineqartunillu piginnittuunerminik uppernarsaasinnaappat tuniniaanermi sinneqartoorutaasimasinnaasut piginnittumut tunniunneqassapput.

Kapitali 4

Aalajangersakkat atulersitsisuusut ikaarsaarutaasullu

§ 10. Inatsisartut inatsisaat raanna ullormi 1. januar 1993-imi atuutilissaaq.

Imm. 2. Inatsisartut inatsisaata matuma atuutilerneratigut nioqqutissanik eqqussuineq, eqqussuinermilu akitsuutit pillugit Inatsisartut inatsisaat nr. 1, 6. maj 19 8 9-imeersoq atorunnaars inneqarpoq.

Imm. 3. Maleruagassat, Inatsisartut inatsisaat imm. 2-mi taaneqartoq tunngavigalugu aalajangersarneqarsimasut atuutiinnassapput, inatsit manna imaluunniit Inatsisartut inatsisaatigut allatigut aalajangersakkatigut taarserneqarserlugit atorunnaarsinneqarserlugilluunniit.

Namminersornerullutik Oqartussat, ulloq 30. oktober 1992.

 Lars Emil Johansen

/

Emil Abelsen