Ukiumut aningaasanut inatsiseqarfiusumut 2003-mut Inatsisartut aningaasaliissutinut inatsisigigallagaat pillugu Inatsisartut inatsisaata allanngortinneqarneranik Inatsisartut inatsisaat nr. 1, 22. januar 2003-meersoq.
§ 1.
Ukiumut aningaasanut inatsiseqarfiusumut 2003-mut Inatsisartut aningaasaliissutinut inatsisigigallagaanni nr. 6-imi, 17. oktober 2002-meersumi, 2003-mut Inatsisartut aningaasaliissutinut inatsisigigallagaata allanngortinneqarnera pillugu Inatsisartut inatsisaatigut nr. 7-ikkut, 17. december 2002-mi allanngortinneqartumi makku allannguutigitinneqassapput:
§ 1-imi, imm. 2-mi ilanngunneqassaaq:
"13) Piffissami 22. januar 2003-mit 30. april 2003-mut uuliamut tapiissutinut aningaasartuutit 2,1 mio. kr.-it angullugit."
§ 2.
Inatsisartut inatsisaat 22. januar 2003-mi atuutilerpoq.
Namminersornerullutik Oqartussat, ulloq 22. januar 2003
Hans Enoksen/
Augusta Salling
Isumaliutissiissut (Aappassaaneerinninneq)
Aappassaaneerinninnermut allannguutissatut siunnersuut (akuerineqanngitsoq)