21. januar 2003

EX 2003/13

 

Ukiumut aningaasanut inatsiseqarfiusumut 2003-mut Inatsisartut aningaasaliissutinut inatsisigigallagaat pillugu Inatsisartut inatsisaata allanngortinneqarneranik

Inatsisisartut inatsisissaattut siunnersuut pillugu

Inatsisartut Aningaasaqarnermut Ataatsimiititaliaata

ISUMALIUTISSIISSUTAA

aappassaaneerinissamut saqqummiunneqartoq

 

Inatsisartut Aningaasaqarnermut Ataatsimiititaliaat suliarinninnermini ukuninnga inuttaqarpoq:

 

Inatsisartuni ilaasortaq Per Rosing-Petersen, Siumut, siulittaasoq
Inatsisartuni ilaasortaq Jakob Sivertsen, Atassut, siulittaasup tullia
Inatsisartuni ilaasortaq Ole Thorleifsen, Siumut
Inatsisartuni ilaasortaq Josef Motzfeldt, Inuit Ataqatigiit
Inatsisartuni ilaasortaq Per Skaaning, Demokraatit

Inatsisartut Aningaasaqarnermut Ataatsimiititaliaanni amerlanerussuteqartut, tassaasut Siumut Atassullu, siunnersuut Inatsisartunit akuersissutigineqaqqullugu inassuteqarput.

Inatsisartut Aningaasaqarnermut Ataatsimiititaliaanni ikinnerussuteqartut, tassaasut Inuit Ataqa-tigiit Demokraatillu, siunnersuutip Inatsisartunut saqqummiunneqaqqaarnermini iluserisaanut isumaqataanngillat, oqaatigalugulu ataatsimiititaliap siunnersuummik suliarinninnissaanut pif-fissaliunneqartup iluani ataatsimiititaliaq periarfissaqarsimanngitsoq siunnersuutip siullermeerlugu oqaluuserineqarnerani ajornartorsiuteqarfittut ilaatinneqartut erseqqinnerusumik naliliiviginissaannut.

Tamanna tunngavigalugu ikinnerussuteqartut illersorneqarnerpaasinnaasutut isigisimavaat allan-nguutissatut siunnersuummik saqqummiussisoqarnissaa, tamatumalu kingorna Aningaasaqarnermut Ataatsimiititaliap akuersineratigut aatsaat aningaasaliineq piviusunngortinneqassalluni. Taamaalilluni ataatsimiititaliaq ajornartorsiutit qulaani taaneqartut sukumiisumik pisariaqarneratut nalilersuiffiginissaanut periarfissinneqassaaq.

Tamatuma peqatigisaanik ikinnerussuteqartut Naalakkersuisut kaammattussavaat kingusinnerpaamik 2003-mut aningaasanut inatsisissatut siunnersuutip siullermeerlugu suliarineqarneranut atatillugu Inatsisartunut nassuiaammik saqqummiusseqqullugit. Nassuiaammut ilaatinneqassapput sinerissamut qanittumi aalisarnerup akilersinnaasumik ingerlanneqarnissaanut ajornartorsiutaasut qanoq iluarsiivigineqarnissaannut Naalakkersuisut suliniutissaat, tassunga ilanngullugu sinerissamut qanittumi aalisarnerup ilusiliivigineqarnerata naleqqussarneqarneranik suliaq sumut killinnersoq.

Taamatut oqaaseqarluni Inatsisartut Aningaasaqarnermut Ataatsimiititaliaata suliassaq Inatsisartuni aappassaaniigassanngortippaa.

 

	Per Rosing-Petersen Siumut, siulittaasoq
Jakob Sivertsen Atassut, siulittaasup tullia		Ole Thorleifsen Siumut
Josef Motzfeldt Inuit Ataqatigiit		Per Skaaning Demokraatit