21. januar 2003

EX2003/13

 

Ukiumut aningaasanut inatsiseqarfiusumut 2003-mut Inatsisartut aningaasaliissutinut inatsisigigallagaat pillugu Inatsisartut inatsisaata allanngortinneqarneranik

Inatsisisartut inatsisissaattut siunnersuut pillugu

 

Inatsisartut Aningaasaqarnermut Ataatsimiititaliaanni ikinnerussuteqartut, tassaasut Inuit Ataqa-tigiit aamma Demokraatit, siunnersuutip aappassaaneerneqarnissaanut allannguutissatut siunnersuummik saqqummiussaat

 

§ 1-mut tunngatillugu

1. nr. 13, § 1, imm. 2-mut ilanngunneqartoq, ima oqaasertalerneqassaaq:
"13) Oliamut tapiissutinut aningaasartuutit, Inatsisartut Aningaasaqarnermut Ataatsimiititaliaannit akuersissutigineqartut, piffissami 22. januar 2003-mit 30. april 2003-p tungaanut 2,1 mio. kr. tikillugit."

 

Nassuiaatit

Allannguutissatut siunnersuutip kingunerissavaa, oliamut tapiissutitut aningaasartuutit akilerneqarnissaat Aningaasaqarnermut Ataatsimiititaliap akuersuteqarneranik tunngaveqartinneqassasoq.