Matumuuna Namminersornerullutik Oqartussat kommunillu inissiaataannik attartortittakkanik inissiatut imaluunniit illutut nammineq pigisatut tigusisarneq pillugu Inatsisartut peqqussutaat  nr. 12, 19. november 2007-imeersoq, Inatsisartut inatsisaat nr. 26, 17. november 2017-imeersoq, Inatsisartut inatsisaat nr. 15, 27. november 2018-imeersoq aamma Inatsisartut inatsisaat nr. 66, 6. december 2024-imeersoq malillugit allannguutit ilanngullugit, nalunaarutigineqarpoq.

 

Atuuffissaa il.il.

 

  § 1. Una peqqussut inuk attartortoq pineqartillugu Namminersorlutik Oqartussat kommuunillu inissiaataannik attartortittakkanik agguataarinermut tigusinermullu atuutsinneqassaaq, taamaattorli tak. imm. 2 aamma § 3.

  Imm. 2. Imm. 1 taamaallaat inissiaatinut attartortittakkanut, Naalakkersuisut imaluunniit kommunalbestyrelsip inissiatut imaluunniit illutut nammineq pigisatut agguataarneqarsinnaasutut tiguneqarsinnaasutullu aalajangersimasaannut atuutissaaq.

 

  § 2. Namminersorlutik Oqartussat kommunillu inissiaataat attartortittakkat, tak. § 1, imm. 1, tiguneqarsinnaapput:

1)  Inissiatut nammineq pigisatut, inissiaateqarfimmi attartortittakkat ataaseq sinnerlugu amerlassuseqarpata.

2)  Illutut nammineq pigisatut, inissiaateqarfimmi attartortittagaq ataasiuppat.

 

  § 3.  Peqqussut atuutsinneqassanngilaq:

1)  Inissianut atorfimmut atatillugu inigineqartussatut immikkoortitanut.

2)  Inissianut siunertanut aalajangersimasunut imaluunniit sulisorisat ilaannut atugassiaasunut.

3)  Namminersorlutik Oqartussani pisortaatitanut inissianut imaluunniit utaqqiisaasumik inissianut.

4)  Inissianut inissiaqarfinni sulisunut Namminersorlutik Oqartussani imaluunniit kommunimi atorfeqartitaasunut atugassianut.

5)  Inissianut innarluutilinnut imaluunniit angallarluttunut immikkut atugassiatut sananeqarsimasunut aaqqissugaasunulluunniit.

6)  Inissianut iluarsartuussinermut isaterinermullu atatillugu Namminersorlutik Oqartussat kommunilluunniit inisseeqqiffissanik pisariaqartitsinerat naammassiniarlugu atorneqartunut.

7)  Inissianut kommunalbestyrelsit isumaginninnermi inissaqartitsinissaannut atugassiaasunut.

8)  Inissianut najugaqarfittut atorneqarnermit allaanerusumut atorneqartunut.

9)  Ilulissani, Aasianni, Sisimiuni, Nuummi aamma Qaqortumi ilaqutariinnut ataasiakkaanut illut aamma illut affarleriit.

  Imm. 2.  Pisuni immikkut ittuni Naalakkersuisut kommunalbestyrelsiluunniit aalajangersinnaapput, inissiat imm. 1-imi nr. 5-imi taaneqartut ataasiakkaat peqqussummi matumani pineqartunut ilaatinneqassasut.

 

Namminersorlutik Oqartussat kommuunillu attartortittagaasa pigisatut inissianngortissinnaanerat.

 

  § 3 a. Namminersorlutik Oqartussat inissiaatai attartortittakkat nammineq pigisatut Naalakkersuisunit inissianngortinneqarsinnaapput.

  Imm. 2. Inissiatut nammineq pigisatut allanngortinneqareerneratigut, tak. imm. 1, Naalakkersuisut inissiaatinut ataasiakkaanut piginnittutut pisinnaatitaaffeqarluni pisussaaffeqarlunilu piginneqatigiifflmmut piginneqataasutut inississapput.

 

  § 3 b.  Kommunip inissiaatai attartortittakkat nammineq pigisatut kommunalbestyrelsimit inissianngortinneqarsinnaapput.

  Imm. 2. Inissiatut nammineq pigisatut allanngortinneqareernerisigut, tak. imm. 1, kommunalbestyrelsi inissiaatinut ataasiakkaanut piginnittutut pisinnaatitaaffeqarluni pisussaaffeqarlunilu piginneqatigiifflmmut piginneqataasutut inississapput.

 

  § 3 c. Inissiat namminerisamik pigisat § 3 a-mi imaluunniit § 3 b-mi pineqartut, allanngortitsereernerup kingorna attartortutut inissisimasut tuniniaanikkut tigusisinnaaneranik neqeroorflgineqassapput. § 6 aamma §§ 11-12 taamaaqataanik atuutissapput.

 

  § 3 d.  Inissiani attartortittakkani attartortittakkanik inissiatut nammineq pigisatut allanngortitsinerni, attartortup inissiaq attartukkani pigisutut tigorusunngippagu attartorneqartoq allanngortinnagu ingerlatiinnarneqassaaq.

  Imm. 2. Inissiani attartortittakkani inissiat allat inissiatut nammineq pigisatut allanngortinneqarpata, attartortumut attartornermi atugassarititaasut, tak. imm. 1, allanngortinneqassanngillat.

  Imm. 3. Ileqqorissaarnissaq pillugu malittarisassani aalajangersakkat, piginneqatigiilluni inissiaatillit peqatigiifflannit akuerineqartut, attartortunut illuummiiginnartunut, pisussaafflliipput.

 

  § 3 e.  Inissiat suli pisiarineqanngitsut § 3 a-mut imaluunniit 3 b-mut tunngasut, tamanut ammasumik tuniniaanikkut tunineqassaaq, illup nalingata niuffafflmmi nalilerneratigut taamaattorli minnerpaamik 7.000 kr./m² illup annertussusaa tamakkiisoq, tak. taamaattorli imm. 2-3.

  Imm. 2.  Naalakkersuisut Inatsisartut Aningaasaqarnermut akileraartarnermullu ataatsimiititaliaanit allakkatigut akuerineqarnermikkut niuernermi nalinganit akikinnerusumik aamma 7.000 kr/m²-imut akikinnerusumik inimik tuniniaasinnaallutillu tunisaqarsinnaapput.

  Imm. 3.  Kommunalbestyrelsi Naalakkersuisunit allakkatigut akuerineqarnermikkut niuernermi nalinganit akikinnerusumik aamma 7.000 kr./m²-imut akikinnerusumik inimik tuniniaasinnaallutillu tunisaqarsinnaapput.

  Imm. 4.  Naalakkersuisut kommunalbestyrelsilu tamanut ammasumik inimik tuniniaasariaqanngilaq, inissianillu attartorneqanngitsunik attartortitsisoqarsinnaavoq, tak. § 3 d, tamanna inissianut inoqarflnni pineqartunut inissiat niuerflmmi nalinganut annaasaqaataasinnaappata. Allamut attartortitsineq taamaallaat atugassarititaasut piffissamut killiligaasut tunngavigalugit aamma qaammatit 12-ikkaarlugit pisinnaavoq, qaammatit 6-ikkaarlugit sivitsuisarnissaq periarfissaqarluni.

 

Namminersorlutik Oqartussat kommunillu inissiaataannik attartortittakkanik pisineq

 

  § 4.  Namminersorlutik Oqartussat kommunilluunniit inissiaataanni attartortittakkani attartortoq inissiamik attartukkaminik inissiatut imaluunniit illutut nammineq pigisatut tigusinissaminik qinnuteqarsinnaavoq. Qinnuteqaat Naalakkersuisunut imaluunniit kommunalbestyrelsimut nassiunneqassaaq, tassungalu qinnuteqartup tunisinermi akigititaasup ilaata sinneruttup aningaasalersornissaanut periarflssaqarneranik aningaaserivimmiit nalunaarut pisussaafflliinngitsoq ilanngunneqassaaq, tak. § 14, imm. 1.

 

  § 5.  Inissiamik attartortittakkamik inissiatut nammineq pigisatut qinnuteqaat akuerineqarpat, Naalakkersuisut imaluunniit kommunalbestyrelsip inissiaammi inissiat attartortittakkat inissianut nammineq pigisanut agguataassavai, kiisalu qinnuteqartup piginneqatigiilluni inissiaatillit peqatigiifflannik pilersitsinissaanik aammalu piginnittut peqatigiifflata malittarisassaanik suliaqarneranut ikiuutissalluni.

  Imm. 2.  Naalakkersuisut inissiaammi inissiat attartortittakkat agguataarneqarnissaannik maleruagassanik sukumiinerusunik aalajangersaasinnaapput, taakkununnga ilanngullugit nalunaarsuineq piginnittunullu immikkut ittumik piumasarisat.

 

  § 6.  Inissiaateqarfimmi inissiat attartortittakkat inissianut nammineq pigisanut agguataarneqareerpata, Naalakkersuisut imaluunniit kommunalbestyrelsip makku qinnuteqartumut nassiutissavai:

1)  Qinnuteqartup inissiamik attartortittakkamik najukkaminik inissiatut nammineq pigisatut tigusisinnaaneranut allakkatigut neqeroorut.

2)  Piginnittut peqatigiiffiat pillugu paasissutissat aamma malittarisassat assilineri.

3)  Tunisinissamut tamakkiisumut pilersaarusiaq, inissiami nammineq pigisami agguaqatigiisitsinissamut kisitsisitalik.

4)  Inissiap nammineq pigisap sananeqarneranut nassuiaatinut paasissutissat, tak. ilanngussaq 1.

5)  Inissiap nammineq pigisap niuernermi nalinganut paasissutissat.

6)  Najugaqarfimmi imaluunniit ingerlatsinermut aserfallatsaaliuinermullu immikkoortortami, inissiap attartortittakkap attuumassuteqarfigisaani ukiumi pineqartumi ingerlatsinermut missingersuutit.

7)  Najugaqarfimmi imaluunniit ingerlatsinermut aserfallatsaaliuinermullu immikkoortortami, inissiap attartortittakkap attuumassuteqarfigisaani naatsorsuutit akuerisat kingulliit.

8)  Akiliisussatut pisussaaffiit imaluunniit piginnittunut immikkut ittumik piumasarisat nalunaarsorneqarsimasinnaasut, tigusinerup kingorna inissianut nammineq pigisanut attuumassuteqartussatut nalilerneqartut pillugit paasissutissat.

  Imm. 2.  Tigusinissamik neqeroorut Naalakkersuisut imaluunniit kommunalbestyrelsip allakkatigut neqeroorutaata nassiutereernerani qaammatit pingasut qaangiutsinnagit akuerineqassaaq.

  Imm. 3.  Inissiaateqarfimmi inissiat attartortittakkat inissianut nammineq pigisanut agguataarneqareerpata, Naalakkersuisut imaluunniit kommunalbestyrelsip attartortutut sinneruttunut uku nassiutissavaat:

1)  Inissiamik attartortittakkamik najukkaminnik inissiatut nammineq pigisatut tigusisinnaanerat pillugu nalunaarut.

2)  Piginnittut peqatigiiffiat pillugu paasissutissat aamma malittarisassat assilineri.

 

  § 7.  Attartortup inissiamik attartukkaminik inissiatut nammineq pigisatut tigusinissamut periarfissaminik atuinissani kissaatiginngikkuniuk:

1)  Inissiaammi inissiamik attartortuuinnarsinnaavoq.

2)  Naalakkersuisut imaluunniit kommunalbestyrelsip illoqarfimmi najukkami inissiamik attartortittakkamik allamik neqeroorutaa akuerisinnaavaa, tamanna inissianik attartortitsisarneq pillugu peqqussummi periarfissaqarpat.

3)  Inissiat attartortittakkat allat inissiatut nammineq pigisatut allanngortinneqarpata, attartortumut attartornermi atugassarititaasut, tak. imm. 1, allanngortinneqassanngillat.

  Imm. 2.  Inissiaateqarfimmi inissianik nammineq pigisassanik agguataariffiusumi attartortuuinnartussamut piginnittut peqatigiiffiata malittarisassaani torersaarnissamut aalajangersakkat atuuttussaapput.

 

  § 8.  Attartortup inissiamik attartukkaminik inissiatut nammineq pigisatut tigusisinnaanini pillugu periarflssinneqarsimasup kingusinnerusukkut pifflssap qanorluunniit ilinerani inissiamik tigusisinnaanini atorsinnaavaa, tamannali atuutissanngilaq inissiamik attartortittakkamik allamik neqeroorut akuersaarsimappagu.

 

  § 9. Inissiaammi inissianik nammineq pigisassanik agguataarifflusumi inissiaq attartortittagaq inoqanngitsoq Namminersorlutik Oqartussanit imaluunniit kommunimit pigineqartoq inissianik attartortitsisarneq pillugu Inatsisartut peqqussutaanni maleruagassat naapertorlugit innersuunneqanngippat, Naalakkersuisut imaluunniit kommunalbestyrelsip inissiaq attartortittagaq inoqanngitsoq tamanut ammasumik tuniniaanikkut tunisinnaavaa. Pisinermut atatillugu aningaasartuutissat tamarmik pisisumit akilerneqassapput.

  Imm. 2. Tamanut ammasumik tuniniaanermi § 11 atorneqassanngilaq.

 

  § 10.  Inissiamik attartortittakkamik illutut nammineq pigisatut tigusinissamik qinnuteqaat akuerineqarpat, Naalakkersuisut imaluunniit kommunalbestyrelsip makku qinnuteqartumut nassiutissavai:

1)  Qinnuteqartup inissiamik attartortittakkamik najukkaminik illutut nammineq pigisatut tigusisinnaaneranut allakkatigut neqeroorut.

2)  Inissiap nammineq pigisap sananeqarneranut nassuiaatinut paasissutissat, tak. ilanngussaq 1.

3)  Illup nammineq pigisap niuernermi nalinganut paasissutissat.

4)  Akiliisussatut pisussaaffiit imaluunniit piginnittunut immikkut ittumik piumasarisat nalunaarsorneqarsimasinnaasut, tigusinerup kingorna illumut nammineq pigisamut attuumassuteqartutut nalilerneqartut pillugit paasissutissat.

  Imm. 2.  Tigusinissamik neqeroorut Naalakkersuisut imaluunniit kommunalbestyrelsip allakkatigut neqeroorutaata nassiutereernerani qaammatit pingasut qaangiutsinnagit akuerineqassaaq.

 

Pisinermi akiusoq

 

  § 11. Nammineq inissiartaarnermi tunisinermi akigitinneqartumut naapertuuttumik niuernermi akigititaasut tunngavigineqassapput.

  Imm. 2. Inissiani attartorneqarsinnaasuni attartortut pingasunit amerlanerusunilluunniit attartortoqartuni, tunisinermi akigitinneqartoq 20 %-inik akikillineqassaaq. Sumiifflmmi pigisanut aalaakkaasunut qularnaveeqqusiussanut realkredit-imit taarsigassarsisinnaannginnermik allagaqaammik uppernarsaatissaqarnermi tunisinermi akigititaq 30 %-inik akikillineqassaaq.

  Imm. 3.  Aggualussinermut tigusinermullu aningaasartuutinut tamanut matussutissatut, taakkununnga ilanngullugit nalilersuinermut, siunnersorneqarnermut, eqqartuussissuserisoqarnermut aamma piginnittunngornermut akiliutissanut aningaasartuutinut, tunisinermi akigititaq 50.000 koruuninik ilaneqassaaq.

 

  § 12.  Illuutip massakkut niuerflnni nalinga illuutinut nalilersuinerit illuutit aalaakkaasut najugaqarflssatut pisiarisarnerannut tuniniartarnerannullu Kalaallit Nunaanni suliaqartunik illuutinut sullissisartunit ilisimasalinnit naatsorsuifflgineqassaaq.

 

Akit nikingassutaannut qularnaveeqqusiissut

 

  § 13.  Pisisoq tunisinermi akigititaasumit akikilliliifflgineqartillugu, tak. § 11 imm. 2, Naalakkersuisut inissiamut nammineq pigisamut akit nikingassutaannut qularnaveeqqusiissummik nalunaarsuissapput, taannalu tunisinermi akiusup akikillisaanerup amerlaqataanik nalilerneqassaaq.

  Imm. 2.  Pisisoq tunisinermi akigititaasumit akikilliliifflgineqartillugu, tak. § 11 imm. 2, kommunalbestyrelsi inissiamut nammineq pigisamut akit nikingassutaannut qularnaveeqqusiissummik nalunaarsuissapput, taannalu tunisinermi akiusup akikillisaanerup amerlaqataanik nalilerneqassaaq.

  Imm. 3.  Akit nikingassutaannut qularnaveeqqusiissut, Naalakkersuisut kommunilluunniit taarsigassarsiarititaannut qularnaveeqqusiissutip akilereernerani akilerneqartussatut inissisimavoq.

  Imm. 4. Akit nikerarnerinut qularnaveeqqusiussaqarluni taarsigassarsiat tunisinermi akigititaasup 20 %-ii tiguneqarneraniit ukiut tallimat ernialersugaanatillu akilersuutitaqassanngillat. Qularnaveeqqutip ukiut 15-it ingerlanerani ukiumut 1/15- eriaammik nalikilliisoqartassaaq aamma nalikilliliinerup ingerlanerata naanerani nalunaarsorneqarunnaassalluni.

  Imm. 5. Tunisinermi 30 %-inik akimut qularnaveeqqut akigitinneqartumut taarsigassarsiat ukiuni qulini erniaqaratillu akilersugassaassanngillat. Tamatuma kingorna qularnaveeqqut ukiut 15-it ingerlanerani ukiumut 1/15-eriaammik nalikillisinneqartassaaq aamma nalikilliliinerup ingerlanerata naanerani nalunaarsorneqarunnaassalluni.

  Imm. 6.  Toqusoqarnerani, averusernermi avinnermiluunniit piginnittut paarlaannerat eqqaassanngikkaanni, piginnittut paarlaanneranni qularnaveeqqut akilerneqartussanngorluni atorunnaartaassaaq.

  Imm. 7. Qularnaveeqqutissat isumakkeerutaasinnaaneri pillugit Naalakkersuisut malittarisassaliorsinnaapput.

 

Pisortanit taarsigassarsiat, qularnaveeqqusiineq akiligassanngortitsisarnerlu

 

  § 14. Attartortup inissiamik attartukkaminik inissiatut illutulluunniit nammineq pigisatut tigusineranut atatillugu, attartortoq tunisinermut akiusup 40 %-ia tikillugu Namminersorlutik Oqartussanit kommunimilluunniit taarsigassarsitinneqarnissaminik piumasaqarsinnaavoq. Namminersornerullutik Oqartussat kommuniluunniit tunisinermut akiusup sinneranut aningaasalersueqataasinnaanngillat.

  Imm. 2.  Taarsigassarsiat ukiuni 20-ni erniaqaratillu akilersugassaassanngillat, tamatumalu kingorna taarsigassarsiatut angeqqatigiinnik annertussusilerlugit, ukiumut Nationalbankip erniarititaa 3 %-inik ilallugu erniaqartinneqarlutik ukiuni 15-ini akilersugassanngortinneqassallutik.

  Imm. 3.  Realkredit aqqutigalugu qularnaveeqqusiilluni inoqarflmmilu pineqartumi aalajangersimasumik illumik taarsigassarsititsisoqarsinnaannginneranik uppernarsaasiisoqarpat imm. 1 tunngavigalugu tunisinermi akigitinneqartup 50 %-iata naleqqataanik aningaasat attartukkat amerlineqarsinnaapput. Akigitinneqartup 50 %- iata naleqataanik attartortitassat ukiuni qulini erniaqartinneqaratillu akilersugassaanngillat, ukiut taakkua qaangiunneranni assigiimmik akilersuilluni ukiut 20-t sinnerlugit Nationalbankip erniaritittagaa procentinik pingasunik ilallugu akilersugassanngussallutik.

 

  § 14 a.  Namminersorlutik Oqartussat kommunillu inissiaataanni ilaqutariinnut ataasiakkaanut illut aamma illut affarleriit attartortittagai, Namminersorlutik Oqartussanit imaluunniit kommuninit pigineqartut, 275.000 kr-nillu ataallugit niueqatigiinnikkut akeqartinneqartumi, qinnuteqartoqarneratigut niueqatigiinnermi akigititaasup tamakkiisumik akiliuteqarnikkut imaluunniit akilersuinissamut isumaqatigiissusiortoqarneratigut tiguneqarsinnaavoq, tak. imm. 2. Qinnuteqaat Naalakkersuisunut kommunalbestyrelsimulluunniit nassiunneqassaaq pisiarinissaanullu aningaaserivimmiit pituttuisuunngitsumik nalunaarummik ilaqartinneqassalluni, tassani aningaaseriviup inissiap pisiarinissaanut akissaqartinnneqarnera nalunaarutigissavaa.

  Imm. 2.  Attartortup annerpaamik 275.000 koruunit tamakkerlugu akigititaq akilersinnaanngippagu, illuummik pisinermi naafferarlugit akilersuinissamut isumaqatigiissusiortoqarsinnaavoq. Naafferaalluni akilersuinermut aaqqissuussineq amerlanerpaamik qaammatit 60-it sinnerlugit ingerlasinnaassanngilaq, annikinnerpaamillu qaammammut 4.000 koruuninik naafferaalluni akilersuisoqartassalluni. Akiliummut ernialersuisoqaranilu akitsuusersuisoqassanngilaq.

  Imm. 3.  Imm. 2 naapertorlugu naafferaalluni akilersuinermut aaqqissuussinermik eqquutsitsisoqarsinnaanngippat, ukiumoortumik 3 %-imik ernialerlugit nationalbankip erniaritittagai ilanngullugit naatsorsuisoqartassaaq. Erniarititat akiligassap sinneranut naatsorsorneqartassaaq qaammammut akilersorneqartartussamik.

  Imm. 4.  Imm. 1-2 naapertorlugit pisinermi peqqussummi § 11, imm. 2-4 aamma §§ 13-

16 atuutinngillat.

 

  § 14 b.  Taarsigassarsisup taarsigassarsiani maanna naliusut malillugit sioqqutsilluni akilersinnaavai.

  Imm. 2.  Taarsigassarsisup taarsigassarsiani sioqqutsilluni akilerpagit, akiitsut sinneri ullormi qinnuteqaatip tunniunneqarflani ernialiinermi erniaritinneqartoq Naatsorsueqqissaartarflup kingullermik pifflssamut qaammatinut 12-inut atuisunut akigititanut naleqqataanik 1 procentpointimik ilallugu allanngortitsinera naatsorsuifflgineqartoq atorlugu utertitsinissaq aalajangersarneqassaaq.

  Imm. 3.  Akiitsut sinneri taarsigassarsisup allakkatigut inaarilluni akiliinissaq pillugu noqqaaneraniit aamma taarsigassarsiani pifflssamut ernialersuifflunanilu akilersuifflusussaanngitsumut sinneruttumut kingumut naatsorsorneqassapput, taamaattorli taarsigassarsiat tunniunneqarneranniit siusinnerpaamik ukiunut tallimanut.

 

  § 14 c.  Piffissap tigusiffiup nalaani § 3 c, imm. 1-mut attuumassutilimmik nammineq pigisamik inissiarsisoq 30-nik inorlugilluunniit ukioqarsimappat, pisortanit aningaasaliifflgineqarnissaminut pisinnaatitaaffeqarpoq, pisinermi akigititap niuerflmmi nalinga sipporsimanngippagu, tak. § 12. Aalajangersakkat § 11 aamma § 14 malillugit pisortanit aningaasalersorneqarnissaq naatsorsorneqassaaq.

  Imm. 2.  Piffissap tigusiffiusup nalaani inissiamik imaluunniit illumik nammineq piginnittunut imaluunniit piginneqataasunut taarsigassarsisitsisoqarsinnanangilaq. Pisisup tigusinermi nalaani inissiamik imaluunniit illumik nammineq piginnittuunani imaluunniit piginneqataanani pisisup ilumoorluinnarluni nalunaarutigissavaa.

 

  § 14 d.  Namminersorlutik Oqartussanut imaluunniit Kalaallit Nunaanni kommuuninut qularnaveeqqusiinermut allagartat aamma akiitsunut allagartat Illuliortiternernut aningaasalersuisarneq pillugu Inatsisartut peqqussutaannut uunga imaluunniit siusinnerusukkut Namminersorlutik Oqartussat kommuunillu inissianik attartortittagaannik inissiamik piginnittutut imaluunniit illumik piginnittutut tigusisarneq pillugu inatsisaasimasut naapertorlugit tunniunneqartut kaaviiaartitsinermut, qularnaveeqqusiisarnernut imaluunniit akiligassaqarfimmiit malersugaanissamut atorneqarsinnaanngillat.

 

  § 15.  Namminersorlutik Oqartussat kommunilluunniit taarsigassarsiarititaat inissiap illulluunniit nammineq pigisap qularnaveeqqusiunneratigut qularnaarneqassapput.

Taarsigassarsiat, inissiaq illuluunniit nammineq pigisaq qularnaveeqqusiullugu tunisinermi akiusup sinneranut aningaasalersuutissatut taarsigassarsiarititat akilereernerini akilerneqartussatut ataqqillugit inissisimassapput.

 

  § 16. Piginnittut nikinneri pillugit Inatsisartut peqqussutaat una naapertorlugu Naalakkersuisut kommunalbestyrelsilu inissianik imaluunniit illunik piginnittut taarsigassarsianik tapiiffigitissimasut allanngoraangata tamatigut ilisimatinneqartassapput. Taarsigassarsiat taarsigassarsisup nikinnerani akilerneqassapput, tamanna Inatsisartut inatsisaat una naapertorlugu piginnittut nikinnerini inuit namminiussusillit taarsiaqareersimanngikkaangata.

  Imm. 2. Piginnittut nikinnerini tamani pisortat taarsigassarsisitsinerani taarsigassarsiat angissusiata 15 %-iatut angitigisumik piginnittut nikinnerannut akiliutissaq akilerneqartassaaq. Pisortat taarsigassarsisitsineranik tigusinermut piumasarineqarpoq piginnittut nikinneranni akiliutip akilerneqarnissaa.

  Imm. 3.  Piginnittut nikinnerini, niuernermi aningaasartuutit missiliussat tapiliunneri ilanngaatigalugit pisinermi akip 90 %-iinik annerpaamik aningaasartaqartut taarsigassarsiat katinneri pisisumit tiguneqartut taarsigassarsinermi ataqqineqassapput.

  Imm. 4. Piginnittut nikinnerat pillugu paasissutissiisussaatitaaneq, tak. imm. 1, pisisumiillunilu tunisisumiippoq.

  Imm. 5.  Piginnittut nikinnerat pillugu paasissutissiissut pissaaq, tunniussinissamik pituttorsimasumik isumaqatigiissusiornermit kingusinnerpaamik sapaatip akunnerata ataatsip qaangiunnerani.

 

  § 16 a.  Namminersorlutik Oqartussanut kommunimullu taarsigassarsiat akiligassanngussapput, ima pisoqarpat:

1)  Qularnaveeqqusiussaqarluni taarsigassarsinermi piumasaqaatigineqartut malinneqanngippata.

2)  Taarsigassarsisup inissiaq illersorneqarsinnaasumik aserfallatsaalisimanngippagu, aamma Naalakkersuisunit imaluunniit kommunalbestyrelsimit akiligassarsisitsisup qularnaveeqqusiissutinik qulakkeerinnissimanngitsoq aserfallatsaaliisimannginneq uppernarsippagu.

3)  Taarsigassarsisup inissiaq ikuallattoornissamut illullu ajoqusersinnaaneranut sillimmasersimanngippagu.

4)  Inissianik attartortitsisarneq pillugu Inatsisartut peqqussutaanni ineqarnermut akiliutit angissusilerneqartarnerannut pillugu aalajangersakkanut akerliusunik inissiamik taarsigassarsisoq attartortitsippat.

5)  Inissiaq taarsigassarsisumut imaluunniit attartortumut taassumalu inoqutigiivinut najugaqarflssatut atornagu siunertanut allanut tamakkiisumik ilaannakortumilluunniit atorneqarpat. Taamaattoq inuussutissarsiuutit minnerusut namminersortut taarsigassarsisumit imaluunniit attartortumit taassumalu inoqutigiivinit ingerlanneqartut mininneqarput.

6)  Pisoq aamma tunisisoq piginnittup nikinnera paasissutissiissutiginngippassuk, tak. § 16, imm. 1, 4 aamma 5.

  Imm. 2.  Imm. 1, nr. 4 taamaaqataanik atorneqassaaq inissiaq inatsisitigut pisinnaatitaasumut pisussaatitaasumullu attartortinneqarpat.

 

  § 16 b.  Illumut taarsigassarsiat allanngorpata, piginnittullu nikinngippata Naalakkersuisut taarsigassarsiaareersunut illuutip Naalakkersuisunit tunniunneqartup niuerflnni nalingata pisortani taarsigassarsiarineqartut illuummi qularnaveeqqusiinikkut qularnaarneqartut 90 %-iannik annerpaamik ilanngaafflginerinut ataqqinninnermut tulleriiaarinermullu uppernarsaasinnaavoq, taamaattoq tak. imm. 3

  Imm. 2.  Illumut taarsigassarsiat allanngorpata, piginnittullu nikinngippata kommunalbestyrelsi taarsigassarsiaareersunut illuutip kommunalbestyrelsimit tunniunneqartup niuerflnni nalingata pisortani taarsigassarsiarineqartut illuummi qularnaveeqqusiinikkut qularnaarneqartut 90 %-iannik annerpaamik ilanngaaffiginerinut ataqqinninnermut tulleriiaarinermullu uppernarsaasinnaavoq, taamaattoq tak. imm. 3.

  Imm. 3.  Taamaattoq illuutinut ukiut 20-t sinnerlugit pisoqaassusilinnut taarsigassarsiaareersut illuutip niuerflnni nalingata 80 %-iannut angissusilerneqarsinnaapput, matumani illuummi qularnaveeqqusiinikkut pisortani taarsigassarsiarineqartut inerneranni ilanngaateqarnikkut.

  Imm. 4.  Naalakkersuisuniit kommunalbestyrelsiniillu ataqqinninnermut tulleriiaarinermullu uppernarsaanissaani illuummut akiligassanngortut allat kingusinnerusukkut assinganik tulleriiaarinermik uppernarsaasimanersut apeqqutaassaaq.

  Imm. 5.  Illuutip pisoqaassusaa illuummut atuinissamut akuersissutaagallartumut ulluliunneqartoq atorlugu naatsorsorneqassaaq.

  Imm. 6.  Illuutip massakkut niuerfinni nalinga illuutinut nalilersuinerit illuutit aalaakkaasut najugaqarfissatut pisiarisarnerannut tuniniartarnerannullu suliaqartunik illuutinut sullissisartunit ilisimasalinnit naatsorsuiffigineqassaaq. Illuutinut nalilersuinerit ataqqinninnissamut tulleriiaarinermillu uppernarsaanissaanut qinnuteqaatit kingusinnerpaamik ullut 30-it sioqqullugit suliarineqareersimassapput.

 

Atuutilerneranut aalajangersakkat

 

  § 17.  Peqqussut 1. januar 2008-imi atuutilerpoq.

  Imm. 2.  Tamatumunnga peqatigitillugu atorunnaarsinneqarput:

1)  Namminersornerullutik Oqartussat kommunillu inissiaataasa attartortittakkat pigisatut inissianngortissinnaanerat pillugu Inatsisartut peqqussutaat nr. 5, 21. maj 2002-meersoq.

2)  Namminersornerullutik Oqartussat kommunillu inissiaataat attartortittakkat sorliit pigisatut inissianngortinneqarsinnaannginnerat pillugu Namminersornerullutik Oqartussat nalunaarutaat nr. 25, 11. september 2002-meersoq.

  Imm. 3.  Namminersornerullutik Oqartussat kommunillu inissiaataasa attartortittakkat teknikikkut aningaasatigullu naliliivigineqartarnerat pillugu Namminersornerullutik Oqartussat nalunaarutaat nr. 9, 12. maj 2003-meersoq, Namminersornerullutik Oqartussat kommunillu inissiaataasa attartortittakkat pigisatut inissianngortissinnaanerat pillugu Inatsisartut peqqussutaanni nr. 5-imi, 21. maj 2002- meersumi § 7, imm. 4 tunngavigalugu suliarineqarsimasoq, peqqussut manna allalluunniit tunngavigalugit maleruagassanik aalajangersaanikkut taarserneqarnissami atorunnaarsinneqarnissamiluunniit tungaanut atuutiinnassaaq.

 

Inatsisartut inatsisaanni nr. 26 af 17. november 2017-imeersoq (Ilulissani, Aasianni, Sisimiuni, Nuummiaamma Qaqortumi Namminersorlutik Oqartussat ilaqutariinnut ataasiakkaanut illuutaannik aamma illuutaannik affarleriinnik ilaatitsinnginneq kiisalu tamakkiisumik akiliuteqarluni tigusisinnaanissamut periarfissaq)^[1] atuutsitsilernissamut aalajangersakkamik matuminnga imaqarpoq:

 

§ 2

 

Inatsisartut inatsisaat ulloq 1. januar 2018 atuutilerpoq.

 

Inatsisartut inatsisaanni nr. 15 af 27. november 2018-imeersoq (Taarsigassarsianik sioqqutsilluniakiliisarneq)^[2] atuutsitsilernissamut aalajangersakkamik matuminnga imaqarpoq:

 

§ 2

 

Inatsisartut inatsisaat ulloq 1. marts 2019 atuutilerpoq.

 

Inatsisartut inatsisaanni nr. 66 af 6. december 2024-imeersoq (Inissianik attartortittakkanik pigisatut inissianngortitsineq, kaaviaartitsinissamut inerteqqut, piffissaq sioqqullugu taarsigassarsianik akiliineq il.il.)^[3] atuutsitsilernissamut aalajangersakkamik matuminnga imaqarpoq:

 

§ 2

 

Inatsisartut inatsisaat ulloq 1. januar 2025 atuutilerpoq.

  Imm. 2.  Taarsigassarsiat allannguutissatut siunnersuutip atuutilernissaatasioqqullugu, taamaattoq siusinnerpaamik taarsigassarsiap tunniunneraniit ukiuttallimat kingornagut, nassiunneqartut siusissukkut akilernissaannut qinnuteqaat § 14 b atuukkallartoq tunngavigalugu suliarineqassapput aalajangiiffigineqarlutillu.

Inatsisartut peqqussutaannut ilanngussaq 2 atorunnaassaaq.

 

 

Ineqarnermut Attaveqaasersuutinullu Naalakkersuisoqarfik, ulloq marts-ip 25.-at, 2025

 

 

Ruth Lindhardt (atsior.)

Departementschef

 

 

/Embla Kristjánsdóttir (atsior.)