Tarnimikkut napparsimasunik nammineersinnaajunnaarsitsisarneq allatigullu pinngitsaaliissummik iliuuseqartarneq pillugit Inatsisartut inatsisaanni nr. 11, 12. juni 2019-imeersumi § 10, imm. 3, naapertorlugu aalajangersarneqarput:

Kapitali 1

Nakorsamik aggersaaneq

  § 1.  Tarnimikkut napparsimasunik nammineersinnaajunnaarsitsisarneq allatigullu pinngitsaaliissummik iliuuseqartarneq pillugit Inatsisartut inatsisaanni § 8, imm. 1 naapertorlugu inuup qaniginerpaasai pingaarnerit aalajangersakkamik tamatuminnga atuinermi tassaapput, aapparisaq, inooqat, angajoqqaat, meeqqat inersimasut inuillu pineqartup inoqutigisaanut ilaasut. Pineqartoq peqqinnissaqarfiup immikkoortortaqarfiisa ilaanni uninngappat, unitsitsinissaq siunertaralugu peqqinnissaqarfimmut attaveqarnissamut pisussaaffik sulisuniippoq.

  § 2.  Qanigisaasut allalluunniit peqqinnissaqarfimmut saaffiginninngippata § 1 naapertorlugu politiit tamatumunnga pisussaaffeqarput.

Kapitali 2

Nakorsamit uppernarsaammik ilusilersuineq

  § 3. Pinngitsaaliissummik unitsitsisoqassappat, nakorsaq nappaatip suusinnaaneranik, napparsimasup tarnimigut pissusaa aamma pissutsit nakorsap tarnimikkut napparsimasunik nammineersinnaajunnaarsitsisarneq allatigullu pinngitsaaliissummik iliuuseqartarneq pillugit Inatsisartut inatsisaanni § 7, nr. 1 naapertorlugu katsorsartittariaqarnermut imaluunniit § 7, nr. 2 naapertorlugu navianassutsimik takussutissat pillugit piumasaqaatit naammassineqarsimanerisa taperserneqarnera pillugu nakorsaq nakorsamit uppernarsaammik allagaqassaaq.

  Imm. 2.  Nakorsamit uppernarsaat unitsitsinissaq pineqartoq siunertaralugu, nakorsap nammineq misissuineranik tunngaveqassaaq.

  Imm. 3.  Misissuineq naammassippat nakorsamit uppernarsaat erngertumik suliarineqassaaq.

  Imm. 4.  Pinngitsaaliissummik unitsitsisoqarnissaa siunertaralugu nakorsamit uppernarsaat nakorsap politiinut tunniutissavaa imaluunniit nassiutissavaa.

Kapitali 3

Pinngitsaalissummik unitsitsineq

  § 4. Pinngitsaaliissummik unitsitsinissap isumagineqarnissaa politiit aalajangiivigissavaat.
  Imm. 2.  Imm. 1 naapertorlugu pinngitsaaliissummik unitsitsinissamik aallartitsisoqarnissaanik aalajangiisup tarnimikkut napparsimasunik nammineersinnaajunnaarsitsisarneq allatigullu pinngitsaaliissummik iliuuseqartarneq pillugit Inatsisartut inatsisaat naapertorlugu piumasaqaatit naammassineqarsimanersut misissussavai, tassunga ilanngullugit tarnimikkut napparsimasunik nammineersinnaajunnaarsitsisarneq allatigullu pinngitsaaliissummik iliuuseqartarneq pillugit Inatsisartut inatsisaat naapertorlugu periaaseq malinneqarsimanersoq aammalu pinngitsaaliilluni unitsitsinissamut tunngavissatut paasissutissat pisariaqartinneqartut nakorsamit uppernarsaammut ilanngunneqarsimanersut misissussallugit.

  § 5. Ingerlaannaq unitsitsinissaq pisariaqanngippat politiit Dronning Ingridip Napparsimmavissuani tarnikkut nappaatilinnut immikkoortortaqarfik isumaqatigiissuteqarfigissavaat sumi pinngitsaaliissummik unitsitsineq pissanersoq qaqugulu pinngitsaaliissummik unitsitsineq pissanersoq. 

  Imm. 2.  Peqqinnissaqarfiup immikkoortortaqarfiisa ilaanni ingerlaannaq pinngitsaaliilluni unitsitsisoqassappat qaqugukkut nuussisoqarnissaa naatsorsuutigineqarnera pillugu Dronning Ingridip Napparsimmavissuani tarnikkut nappaatilinnut immikkoortortaqarfik piaarnerpaamik attaveqarfigineqassaaq.

  § 6. Tarnimikkut napparsimasunik nammineersinnaajunnaarsitsisarneq allatigullu pinngitsaaliissummik iliuuseqartarneq pillugit Inatsisartut inatsisaanni § 7, nr. 1, naapertorlugu pinngitsaaliissummik unitsitsisoqarpat, nakorsap unitsitsisup napparsimasumik misissuineranut atatillugu pinngitsaaliissummik unitsitsisoqanngippat, pinngitsaaliissummik unitsitsinissap qaqugu pinissaa pillugu, politiit nakorsamut unitsitsisumut ilisimatitsissapput.  Pinngitsaaliissummik unitsitsinissap qaqugu pinissaa aalajangiivigineqarniariarpat, piaarnerpaamik ilisimatitsissutigineqassaaq.

  Imm. 2.  Pinngitsaaliissummik unitsitsinermi nakorsaq unitsitsisoq sapinngisamik peqataassaaq. Tarnimikkut napparsimasunik nammineersinnaajunnaarsitsisarneq allatigullu pinngitsaaliissummik iliuuseqartarneq pillugit Inatsisartut inatsisaanni §§ 3 aamma 4 naapertorlugit nakorsaq napparsimasumik ilitsersueqqissaaq, pinngitsaaliissummillu unitsitsinissamut piumasaqaatit eqquutsinneqarnerat misissussallugu.

  § 7. Pinngitsaaliilluni unitsitsinermi tarnimikkut napparsimasunik nammineersinnaajunnaarsitsisarneq allatigullu pinngitsaaliissummik iliuuseqartarneq pillugit Inatsisartut inatsisaanni § 7, nr. 2-mi navianassutsimut tunngasoq ullumi unnuamilu ataatsimi kingullermi pisimanersoq aamma pinngitsaaliilluni unitsitsinermi tarnimikkut napparsimasunik nammineersinnaajunnaarsitsisarneq allatigullu pinngitsaaliissummik iliuuseqartarneq pillugit Inatsisartut inatsisaanni § 7, nr. 1, katsorsaanissamut tunngasoq, pinngitsaaliilluni unitsitsineq ullunik arfineq-marlunnik sioqqullugu pisimanersoq politiit nakkutigissavaat, takuuk tarnimikkut napparsimasunik nammineersinnaajunnaarsitsisarneq allatigullu pinngitsaaliissummik iliuuseqartarneq pillugit Inatsisartut inatsisaanni § 9, imm. 3.

  Imm. 2.  Pinngitsaaliilluni unitsitsinermi tarnimikkut napparsimasunik nammineersinnaajunnaarsitsisarneq allatigullu pinngitsaaliissummik iliuuseqartarneq pillugit Inatsisartut inatsisaanni § 9, imm. 3-mi piffissaliussat malinneqarsimanngippata aatsaat nutaamik nakorsamit napparsimasoq misissorneqarsimappat aamma unitsitsinissamut papilissat nutaat suliarineqarsimappata aatsaat pinngitsaalilluni unitsitsisoqarsinnaavoq.

  § 8. Pinngitsaaliissummik unitsitsineq Inatsisartut inatsisaanni § 5, imm. 3, naapertorlugu, pisariaqanngitsumik kanngutsatsitsisoqaqqunagu akornuseeqqunaguluunniit, sapinngisaq tamaat qajassuartumik malunnaarsaartumillu ingerlanneqassaaq.

  Imm. 2.  Politiit peqataasut sapinngisaq naapertorlugu inuinnartut atisaqassapput.

  Imm. 3.  Napparsimasoq politiit biiliinut ilaatinneqassappat sapinngisaq tamaat inuinnaat biilii suliffimmi atorneqartartut atorlugit ingerlanneqassaaq.

  § 9. Pinngitsaaliissummik unitsitsinnginnermi sapinngisaq tamaat napparsimasup qanigisaa ataaseq arlallilluunniit, pinngitsaaliissummik unitsitsinissaq pillugu politiinit ilisimatinneqassapput.

  Imm. 2.  Napparsimasup najugaqataa/najugaqatai imal. najugaqarfia/najugaqarfii sapinngisaq tamaat isumaqatigalugit pinngitsaaliissummik unitsitsisoqassaaq.

  Imm. 3.  Imm. 1 naapertorlugu pinngitsaaliissummik unitsitsinnginnermi ilisimatitsisoqarsinnaasimanngippat, napparsimasup qanigisaa ataaseq arlallilluunniit pinngitsaaliissummik unitsitsineq pillugu, politiinit piaarnerpaamik tamatuminnga ilisimatinneqassapput.

Kapitali 4

Napparsimasup unitsinneqarnera

  § 10. Dronning Ingridip Napparsimmavissuani tarnikkut nappaatilinnut immikkoortortaqarfimmi pinngitsaaliissummik uninngaviusussami nakorsaanerup pinngitsaaliilluni unitsitsinermi tarnimikkut napparsimasunik nammineersinnaajunnaarsitsisarneq allatigullu pinngitsaaliissummik iliuuseqartarneq pillugit Inatsisartut inatsisaanni § 10, imm. 2, naapertorlugu pinngitsaaliissummik unitsitsinermi piumasaqaatit eqquutsinneqarsimanersut aalajangiivigissavai. Nakorsaanerup peqannginnerani tarnikkut nappaatilinnut immikkoortortami nakorsaq alla aalajangiisinnaavoq. Taama pisoqartillugu 24 tiimit qaangiutsinnagit aalajangiussaq nakorsaanerup isummerfigisassavaa.

  Imm. 2.  Pinngitsaaliilluni unitsitsineq tarnimikkut napparsimasunik nammineersinnaajunnaarsitsisarneq allatigullu pinngitsaaliissummik navianassuseq pillugu iliuuseqartarneq pillugit Inatsisartut inatsisaanni § 7, imm. 1, nr. 2 naapertorlugu pisimappat napparsimasoq peqqinnissaqarfimmit ingerlaannaq tiguneqassaaq.

  Imm. 3.  Pinngitsaaliilluni unitsitsineq tarnimikkut napparsimasunik nammineersinnaajunnaarsitsisarneq allatigullu pinngitsaaliissummik iliuuseqartarneq pillugit Inatsisartut inatsisaanni § 7, imm. 1, nr. 1, katsorsaanissamut tunngasoq, naapertorlugu pippat napparsimasoq piaarnerpaamik aamma kingusinnerpaamik ullut arfineq-marluk nakorsap napparsimasumik misissuinerata kingorna nakorsamit unitsitsisumit tiguneqassaaq.

Kapitali 5

Atuutilersitsinermut atorunnaarsitsinermullu aalajangersakkat

  § 11. Nalunaarut 26. april 2024-mi atuutilerpoq.

  Imm. 2.  Peqatigitillugu nalunaarutit uku atorunnaarsinneqassapput:

1)  Pinngitsaaliissummik unitsitsinermi periutsit pillugit Namminersorlutik Oqartussat nalunaarutaat nr. 17, 2. december 2013-imeersoq.

2)  Tarnimikkut nappaatilinnik nammineersinnaajunnaarsitsinermut allatigullu pinngitsaaliissummik iliuuseqarnermut atatillugit ilisimatitsineq maalaaruteqarsinnaanermillu ilitsersuineq pillugit Namminersorlutik Oqartussat nalunaarutaat nr. 16, 2. december 2013-imeersoq.

Namminersorlutik Oqartussat, 23. april 2024

Agathe Fontain (atsior.)

Peqqissutsimut Naalakkersuisoq

/ Nike Berthelsen (atsior.)