§ 1. Umiarsuit Kalaallit Nunaanni umiarsualivinnut nunalittut akileraarummik landskassemut akiliisassapput.

§ 2. § 1 naapertorlugu makku akileraarummik akiliisussaanngillat:

1) Angallatit aalisariutit Kalaallit Nunaanni angerlarsimaffeqartutut nalunaarsorneqarsimasut.

2) Nunat allamiut angallataat aalisariutit Kalaallit Nunaanni aalisarnermik suliffeqarfinnit attartorneqartut.

3) Umiarsuit Kalaallit Nunaanni angerlarsimaffeqartutut nalunaarsorneqarsimasut 200 bruttoton-imit (BRT/BT-mit) minnerusumik angissuseqartut.

4) Sorsuutit danskinit nunanillu allanit pigineqartut kiisalu danskit nunallu allat naalagaaffiisa umiarsuaataat.

5) Umiarsuit Namminersornerullutik Oqartussanit, Kalaallit Nunaanni kommunemit imaluunniit danskit naalagaaffiannit pigineqartut attartorneqartulluunniit.

6) Umiarsuit aseruatitersimasut usimik allagartaat malillugit umiarsualivimmut pineqartumut nunalittussaanngikkaluartut.

7) Umiarsuit taamaallaat pujorsiutiminnik aaqqiiniarlutik, nakorsamik atorfissaqartitsillutik, inuttatik nikissallugit, napparsimasunik, toqusunik umiusimasunik, imaani umiarsuarmut ikisaminnik imaluunniit ilisimasortamik niusiartorlutik umiarsualivimmut nunalinniartut.

8) Umiarsuit taamaallaat ilisimasassarsiornermut imaluunniit ikiuiniarnermut atorneqartartut.

9) Umiarsuit nunaqarfinnik isorliunerusunillu pilersuinermi aalajangersimasunik ingerlaarfeqartut.

§ 3. Akileraarut naatsorsorneqassaaq bruttoton-imut (BRT/BT-imut) ataatsimut akit uku naapertorlugit:

1) umiarsuit ilaasartaatit  nal.ak. 24-t aallartinneri tamaasa 0 kr. 70 øre,

2) angallatit aalisariutit Danmarkimi, Savalimmiuni nunaniluunniit allani angerlarsimaffeqartutut nalunaarsorneqarsimasut  nal.ak. 24-t aallartinneri tamaasa 0 kr. 70 øre,

3) umiarsuit nassiussanik angallassisartussatut sananeqars imasut sap.ak. aallartinneri tamaasa 20 kr. 00 øre,

4) umiarsuit allat nal.ak. 24-t aallartinneri tamaasa 5 kr. 00 øre.

Imm. 2. Umiarsuit imm. 1, nr. 3-mi taaneqartut, nassiussanik usilersortut usingiartulluunniit aammattaaq akileraarut akilertassavaat bruttoton-imut (BRT/BT-imut) ataatsimut sap.ak. aallartinneri tamaasa 20 kr. 00 øre.

§ 4. Naatsorsuinissamut tunngaviusussap naatsorsornerani bruttoton-imut imaluunniit bruttoregisterton-imut ilivitsumut qaninnermut airanut akunnaalliisoqassaaq.

§ 5. Akileraarutinut akiligassaq umiarsuup nmiarsualivimmut nunalinnerani akiligassanngussaaq.

Imm. 2. Akileraarutinut akiligassaq Akileraartarnermi Pisortaqarfiiranut kingusinnerpaamik akilerneqassaaq umiarsuup aallalernerani.

Imm. 3. Umiarsuit umiarsualiviiranut ataatsimut arlalinnulluunniit aalajangersimasumik nunalittartut imm. 2-mi aalajangersakkanit allaanerusumik akiliuteqarnissaat pillugu Akileraartarnermi Pisortaqarfimmik isumaqatigiissuteqartoqarsinnaavoq.

§ 6. Umiarsuup akileraarutinut akiligassaasa annertussusaat naatsorsorneqarsinnaanngippat Akileraartarnermi Pisortaqarfik missingersuussinikkut akileraarutinut akiliutissamik angissusiliisinnaavoq.

§ 7. Akileraarutinut akiligassaq piffissaagallartillugu akilerneqanngippat, ullormit piffissaagallartillugu akiliiffissamit kingullermiit qaammatip aallartinneri tamaasa ernianik 2 pct.-iusunik akiliisoqartassaaq, minnerpaamilli 500 koruuninik.

§ 8. Inatsisartut inatsisaat una naapertorlugu Akileraartarnermi Pisortaqarfiup aalajangiinera pillugu nalunaaruiranik tigusinerup kingorna sap.ak. sisamat qaangiutsinnagit aalajangiineq Naalakkersuisunut naammagittaal1iuutigineqars innaavoq.

Imm. 2. Naalakkersuisut aalajangiinerat qaammatit pingasut qaangiutsinnagit eqqartuussisunut ingerlateqqinneqars innaavoq.

§ 9. Pisortat oqartussaasut kiisalu umiarsuit naalagaat, umiarsuaatileqatigiit, tuniniaatitat, isumaqatigiissitsiniartut, nassiussanik aaqqissuillutillu ingerlatitsisartut il.il. qinnuigineqarnermikkut Akileraartarnermi Pisortaqarfimmut paasissutissanik sunilluunniit Akileraartarnermi Pisortaqarfiup Inatsisartut inatsisaat una naapertorlugu nakkutilliinerminut aalajangiinissaminulluunniit atorfissaqartitaanik nalunaaruteqartussaapput.

§ 10. Akileraarutinut akiligassap akilerneqarnissaanut Inatsisartut inatsisaat una naapertorlugu umiarsuaatilik, piginnittoq, atuisoq, assartuisoq imaluunniit pisortaasoq akisussaapput.

§ 11. Umiarsuit akileraarutinut aammalu akiliisitsissutinut akiligassaat kiisalu suliamut atatillugu aningaasartuutit akiitsoriligaat akilerneqarserlugit imaluunniit akilerneqarnissaat qularnaveeqquserneqarserlugu Akileraartarnermi Pisortaqarfiup qinnuteqarneratigut politiinit tigummineqarallarneqarsinnaapput. Tamanna qaammatit marluk qaangiutinnginnerini pinngippat umiarsuup tuniniarneratigut akiitsut akilersinneqarsinnaapput.

Imm. 2. Tigumminnikkallarsinnaaneq taamaallaat pisinnaavoq akiligassanut qularnaveeqqutitut piumasarineqarpat. Umiarsuaq ingerlatitsisuminit tillitaasimappat tigumraigallarneqarsinnaanngilaq.

§ 12. Inatsisartut inatsisaata atuutsinnissaanut Naalakkersuisut maleruagassiorsinnaapput aammalu umiarsuit ilaasa akileraarutinik akiliinnginnissaannik oqilisaaffigineqarnissaannilluunniit aalajangersagaliorsinnaallutik.

Imm. 2. Immikkut ittunik pissutissaqartoqartillugu Naalakkersuisut akileraarutinik akiliinngitsoortitsillutilluunniit oqilisaaffiginnissinnaapput.

§ 13. Naalakkersuisut Akileraartarnermi Pisortaqarfik piginnaatissinnaavaat pisortat oqartussaasuinik allanik allanilluunniit peqqusinissaanut, Akileraartarnermi Pisortaqarfik suleqatigalugu taassumalu ilitsersuinera naapertorlugu, Inatsisartut inatsisaat una naapertorlugu Akileraartarnermi Pisortaqarfimmut pisussaaffiliunneqarsimasunik pisinnaatitaaffiliunneqarsimasunillu isumaginninnissaannik.

§ 14. Kinaluunniit piaaraluneerluni mianersuaalliorujussuarluniluunniit makku pillugit akiliisinneqarsinnaavoq:

1) akileraarutit naatsorsorneqarnissaannut taakkualu nakkutigineqarnissaannut atugassanik eqqunngitsumik paasinerlunneqarsinnaasumilluunniit paasissutissiisoq imaluunniit paasissutissanik nipangiussiinnartoq, imaluunniit

2) akileraarutinut tunngavissap missingersuussinikkut angissusilerneqarsimasup nalunaarutigineqarneraniit angissusiliinerup appasippallaarneranik nalunaarummik tigusinermiit kingusinnerpaamik sap.ak. sisamat qaangiunnerini Akileraartarnermi Pisortaqarfimmut ilisimatitsinngitsoq.

Imm. 2. § 9-mi aalajangersakkamik malinnikkumanngitsoq akiliisinneqarsinnaavoq.

Imm. 3. Inatsisartut inatsisaata matuma kingunerisaanik maleruagassiornikkut kinaluunniit maleruagassiani aalajangersakkanik piaaraluneerluni mianersuaalliorujussuarluniluunniit unioqqutitsisoq akiliisinneqarsinnaavoq.

Imm. 4. Aktieselskabit, anpartsselskabit/ andelsselskabit, piginneqatigiillutik umiarsuaatileqatigiit assigisaalluunniit unioqqutitsippata piginneqatigiiffik akiliisinneqarnissamut akisussaatinneqarsinnaavoq.

§ 15. Naalakkersuisut imaluunniit Naalakkersuisut tamatumunnga piginnaatitaata Inatsisartut inatsisaanni matumani aalajangersakkanik unioqqutitsisoq nalunaarfigisinnaavaat suliassap eqqartuussinertaqanngitsumik naammassineqarsinnaaneranik, unioqqutitsisup unioqqutitsinini nassuerutigippagu akiliisitsissullu nalunaarummi taaneqartoq piffissaq aalajangersimasoq, qinnuteqarnikkullu sivitsorneqarsinnaasoq, nallertinnagu akilerumallugu akuersippat.

Imm. 2. Nalunaarummut imm. 1-imi taaneqartumut tunngatillugu aalajangersakkat Kalaallit Nunaanni eqqartuussisarnermi inatsimmi kapitali 5-imi, unnerluussinermik imaqartut aammattaaq atuupput.

Imm. 3. Akiliisitsissut piffissaq eqqorlugu akilerneqarpat imaluunniit aalajangiunneqarnermi kingorna akiliisitsiniarnikkut akilersinneqarpat qanoq iliuuseqaqqittoqas sanngilaq.

§ 16. Inatsisartut inatsisaat ullormi 1. januar 1993-imi atuutilissaaq.

Namminersornerullutik Oqartussat, ulloq 30. oktober 1992.

Lars Emil Johansen

/

Emil Abelsen