§ 1. Kalaallit Nunaanni pigisamik aalaakkaasumik tunisaqarnnermi uppernarsaatit, pigisap aalaakkaasup pisiarinerani akiata 1,5 %-ia akitsuuserrneqartassaaq, minnerpaamilli nalinginnaasumik niuernermi nalinga akitsuuserneqartassalluni.

 

§ 2. Umiarsuarmik, 80 bruttoregistertonsitut atsigisumik annermilluunniit tunisaqarnermi uppernarsaatit, umiarsuup tunineranni akiata 1,5 %-ia akitsuuserneqartassaaq, minnerpaamilli nalinginnaasumik niuernermi nalinga akitsuuserneqartassalluni. Bruttotonnage kisimi uuttorneqarsimappat, taanna 80-iussaaq annerussalluniluunniit.

Imm. 2. Immikkoortoq 1 naapertorlugu umiarsuup tuninerani uppernarsaatit taamaallaat akitsuaserneqartassapput:

1) umiarsuaq, Umiarsuit Nalunaarsorsimaffianni Kalaallit Nunaanni najugaqartutut nalunaarutigineqarsimappat imaluunniit Kalaallit Nunaanni nalunaarsorsimanissaa siunertaralugu pisaarineqarsimappat, imaluunniit

2) umiarsuaq Kalaallit Nunaanni najugaqartumit, Kalaallit Nunaanni atorneqartussatut pisiarineqarsimappat

 

§ 3. Selskabini, peqatigiiffinni assigisaannilu, § 2-mi taaneqartumik umiarsuarmik pigisaqartut, piginneqatigiissutinik, anpartinik, aktianik assigisaannillu tunisaqarpata, umiarsuup nalinginnaasumik niuernermi nalingata ilaanut piginnegatigiissut tunineqartog selskabip il.il. aningaasaataanut tamarmiusunut naleqquttoq 1,5 %-imik akitsuuserneqassaaq.

Imm. 2. Selskabini il.il., § 1-imi taaneqartumik pigisamik aalaakkaasumik piginninnissamik, attartortitsisarnissamik allatulluunniit ingerlatsinissamik pingaarnerutillugu siunertaqartuni, piginneqatigiissutinik il.il. tunisaqarnermi pigisap aalaakkaasup nalinga taamatuttaaq akitsuuserneqassaaq, piginneqatigiissutinut ataasiakkaanut il.il. najugaqartussaanermik aalajangersaasoqarsimanngippat.

Imm. 3. Immikkoortoq 1 aamma 2 naapertorlugit akitsuutip qanoq akilerneqartarnissaanut Naalakkersuisut sukumiinerusunik maleruagassiorsinnaapput.

 

§ 4. Pialuutinik, tamatumani ilaallutik umiarsuit angallatillu nuannaariartaatit, tunisaqarnermi uppernarsaatit, pisinermi akiusup 1,5 % - ianik akitsuuserneqassapput, aningaasat, uppernarsaatip pilersinneqarneraniit qaammatit 3-t qaangiutsinnagit akiligassat ilanngaatigereerlugit.

Imm. 2. Akiligassaqarnermut uppernarsaatit, imm. 1-imi pialuutinik taaneqartunik pisisup tunisisumut akiligassaqarnerminut uppernarsaatai, uppernarsaatip nalingata 1,5 % - ianik akitsuuserneqassapput, akiligassat uppernarsaatip pilersinneqarneraniit qaammatit 3-t qaangiutsinnagit akilerneqanngippata. Taamatuttaaq akiligassaqarnermut uppernarsaatit, pisisup inummut pingajuusumut akiligassaqarnerminut uppernarsaatai akitsuuserneqassapput, taarsigassarsiat taakku imm. 1-imi taaneqartunut pialuutinik pisinermi ilanngullugit akiliutigineqarsimassappata.

Imm. 3. Immikkoortoq 1 naapertorlugu tunisaqarnermi uppernarsaammik aamma immikkoortoq 2 naapertorlugu akiligassaqarnermut uppernarsaammik pilersitsisoqarpat, akiligassaqarnermut uppernarsaatip akitsuutissaa tassaaginnassaaq akitsuutissap naatsorsorneqarsimasup tunisinermi akitsuut uppernarsaammut akitsuummit anneruppat, annerussutaa.

Imm. 4. Uppernarsaat, immikkoortoq 1 imaluunniit 2 naapertorlugu taamaallaaat akitsuuserneqarsinnaavoq,

1) pialuut Kalaallit Nunaanni tunniunneqarpat imaluunniit

2) pialuut Kalaallit Nunaanni najugaqartumit Kalaallit Nunaanni atorneqartussatut pisaarineqarsimappat.

Imm. 5. Nioqqutissanik, pisisup nioqqutigisaanik pisinermi uppernarsaatit immikkoortoq 1 aamma 2 naapertorlugit akitsuuteqartussaanngillat.

 

§ 5. Pantebrev-it qularnaveeqqusiissutitullu uppernarsaatit (skadesløsbreve), tassa pigisaq aalaakkaasoq, umiarsuaq pialuutilluunniit qularnaveeqqusiullugit pilersinneqartut, nalingat 1,5 %-imik akitsuuserneqassapput, erniat taakkulu pi lersinnerini aningaasartuutaasut ilanngunnagit.

Imm. 2. Pigisaq aalaakkaasoq qularnaveeqqusiullugu uppernarsaasiat taamaallaat akitsuuteqartussaapput, pigisaq aalaakkaasoq Kalaallit Nunaanni inissisimappat.

Imm. 3. Umiarsuaq, 5 bruttoregistertons-itut atsigisoq taassumanngaluunniit anginerit imaluunniit - bruttotonnage kisimi uuttorneqarsimappat - taanna 5-iuguni annerulluniluunniit, qularnaveeqqusiullugit uppernarsaasiat taamaallaat akitsuuserneqarsinnaapput,

1) umiarsuaq, Umiarsuit Nalunaarsorsimaffianni Kalaallit Nunaanni najugaqartutut nalunaarutigineqarsimappat imaluunniit Kalaallit Nunaanni najugaqartussatut nalunaarsorsimanissaa siunertaralugu pissarsiarineqarsimappat, imaluunniit

2) umiarsuaq Kalaallit Nuaanni najugaqartumit pigineqarpat Kalaallit Nunaannilu atorneqarpat imaluunniit Kalaallit Nunaanni atorneqarnissaa siunertaralugu pisaarineqarsimappat.

Imm. 4. Pialuutit, tamatumani ilaalluni umiarsuaq mikinerusoq, qularnaveeqqusiullugit uppernarsaasiat taamaallaat akitsuuteqartinneqarsinnaapput,

1) qularnaveeqqusiissut Kalaallit Nunaanniippat imaluunniit

2) qularnaveeqqusiissut Kalaallit Nunaanni najugaqartumit pigineqarpat Kalaallit Nunaannilu atorneqarnissaa siunertaralugu pisiarineqarsimappat.

 

§ 6. § 4-mi taaneqartunik pialuutinik tunisinermut atatillugu, uppernarsaasiortoqarpat § 4 aamma § 5 naapertorlugit akitsuuteqartussaasunik, akitsuutit tamarmiusut pisinermi akiusup 1,5 %-ianit annerusinnaanngillat. Uppernarsaat, oqaaseqatigiinni siullerni maleruagassaq tunngavigalugu akitsuuserneqanngitsoq millisitamilluunniit akitsuuserneqarsimasoq, uppernarsaatit allat akitsuutaannut paasissutissanik imaqassaaq.

 

§ 7. Pigisaq aalaakkaasoq qularnaveeqqusiullugu inuup nammineq pantebrev-iliaa qularnaveeqqusiunneqarpat, tamatumunnga uppernarsaasiaq inuup nammineq pantebrev-iliaata nalingata 1,5 %-ianik akitsuuserneqassaaq, qularnaveeqqusiisoq Kalaallit Nunaanni najugaqartuuppat, inuullu nammineq pantebrev-iliaa § 5 naapertorlugu akitsuuserneqarsimanngippat.

 

§ 8. Uppernarsaatit, inummik, § 5-imi taaneqartoq pantebrev imaluunniit qularnaveeqqusiissutitut uppernarsaat (skadesløsbrev) naapertorlugu taarsigassarsianut akisussaassuseqalersitsisut akitsuuserneqassapput, inuup akisussaaffianut tunngatillugu pisussaaffimmik nutaamik pilersitsinermi maleruagassat naapertorlugit. Inuk akisussaassuseqartunut ilannguppat, akitsuut naatsorsorneqassaaq akisussaassuseqalerfiata annertussusaa tunngavigalugu, akisussaassuseqaqatigiit akisussaassutsimik qanoq atsigisumik tigummiaqarnerat naapertorlugu. Tamanna uppernarsaammi allassimassaaq. Uppernarsaammi akisussaassuseqaqatigiit ataasiakkaat qanoq atsigisumik akisussaassuseqarnersut allassimanngippat, akisussaassuseqaqatigiit tamarmik assigiimmik akisussaassuseqartutut isigineqassapput.

 

§ 9. Akitsuuteqartinneqassanngillat:

1) pantebrev-it aamma qularnaveeqqusiissutitut uppernarsaatit (skadesløsbreve), Kalaallit Nunaanni inissialiornermi ikiorsiissutit pillugit Inatsisartut peqqussutaanni kapitali II imaluunniit kapitali V naapertorlugu ineqarnermut ikiorsiissuteqartarnermut ataatsimiititaliamut sananeqarsimasut,

2) pigisamik aalaakkaasumik tunisaqarnermi uppernasaatit, Kalaallit Nunaanni inissialiornermi ikiorsiissutit pillugit Inatsisartut peqqussutaanni kapitali II imaluunniit kapitali V naapertorlugit ineqarnermut ikiorsiissuteqartarnermut ataatsimiititaliamut sananeqarsimasut,

3) pantebrev-it aamma qularnaveeqqusiissutitut uppernarsaatit (skadesløsbreve), inuutissarsiutinut tapersiinermut ataatsimiititaliaq pillugu Inatsisartut peqqussutaat naapertorlugu inuutissarsiutinut tapersiinermut ataatsimiititaliamut sananeqarsimasut,

4) inuup nammineq pantebrev-iliai kiisalu inuup nammineq pantebrev-iliaata qularnaveeqqusiunneqarnerani uppernarsaatit, inuup nammineq pantebrev-iliaa taamaallaat atorneqarpat inuutissarsiutinut tapersiisarneq pillugu Inatsisartut peqqussutaat naapertorlugu inuutissarsiutinut tapersiinermut ataatsimiititaliamut akisussaassutsinik qulakkeerinermut,

5) inuutissarsiornermut tapersiisarneq pillugu Inatsisartut peqqussutaat naapertorlugu pigisat aalaakkaasut, umiarsuit imaluunniit pialuutit inuutissarsiornermut tapersiisarnermut ataatsimiititaliamut tunineranni uppernarsaatit.

Imm. 2. Uppernarsaatit immikkoortoq 1, nr. 1, 3 aamma 4-mi taaneqartut ineqarnermut imaluunniit inuutissarsiornermut tapersiinermut ataatsimiititaliamut pinnagit allanut pigineqartussatut qularnaveeqqutitulluunniit tunniunneqarpata, uppernarsaatit § 6 naapertorlugu akitsuuserneqassapput, immikkoortoq 1-imi maleruagassaq apeqqutaatinnagu.

 

§ 10. Akitsuuserneqassanngillat:

1) Kalaallit Nunaanni Namminersornerullutik uqartussat, Kalaallit Nunaanni kommunep, qallunaat naalagaaffiata naalagaaffiulluunniit takornartap akornanni pigisanik nalilinnik niuernermi uppernarsaatit,

2) Kalaallit Nunaanni Namminersornerullutik Oqartussat imaluunniit Kalaallit Nunaanni kommuneqarfiit arlaata taarsigassarsineranut atatillugu uppernarsaatit pilersinneqartut.

 

§ 11. Uppernarsaatit, aappariinnit imaluunniit inunnit taamatut inooqatigiissunit pilersinneqartut akitsuuteqanngillat, uppernarsaatit avinnermut, averusernermut, inooqatigiikkunnaarnermut assigisaannulluunniit atatillugu pilersinneqarsimappata, aammalu inunnut namminernuinnaq pisinnaatitaaffinnik pisussaatitaaffinni lluunniit taamaallaat pilersitsisoqarpat.

 

§ 12. Uppernarsaatit, §-ini 9, 10 imaluunniit 11- mi pineqartut ilassuserneqassapput akitsuuserneqartussaannginnerannik allassimasumik. Taamatut allassimasaq pineqartumut oqartussaasunit atsiorsimassaaq. Uppernarsaatinut § 11-mi pineqartunut ilassut aappariinnit atsiorneqassaaq.

 

§ 13. Uppernarsaat pilersinneqarnermini akitsuuserneqartussanngussaaq. Uppernarsaat pisisumit tunisisumillu piffissani assigiinngitsuni atsiorneqarsimaguni, atsiuinermi siullermi akitsuuserneqartussanngussaaq.

 

§ 14. Uppernarsaat akitsuuserneqartussaasoq akitsuuserneqartussanngornerminit sap. akunneri arfineq-pingasut qaangiutsinnagit akitsuuserneqassaaq.

Imm. 2. Uppernarsaat akitsuuserneqartussaasoq Umiarsuit Nalunaarsorsimaffiannut imaluunniit Kalaallit Nunaata Landsret-ianut nalunaarutigineqannginnermini akitsuuserneqassaaq.

 

§ 15. Uppernarsaammi akitsuuserneqartussaasumi piginneqatigiit pisinnaatitaaffimminnut akitsuummik akiliinissaminnut pisussaapput. Taamatuttaaq piginneqatigiit arlaata alla sinnerlugu atsiorsimaguni atsiukkami akitsuutaata akilernissaa akisussaaffigaa.

 

§ 16. Akitsuut koruuninut ilivitsunut ammut akunnaallineqassaaq.

 

§ 17. Uppernarsaatip akitsuuteqartussaaneranut aalajangiisuuvoq pisinnaatitaaffik, uppernarsaammut attuumassuteqartoq. Uppernarsaatip qanoq taagorneqarnera qanorluunniit isikkoqarnera uppernarsaatip akitsuuteqartussaaneranut attuumassuteqanngillat.

Imm. 2. Uppernarsaat pisinnaatitaaffinnut arlalinnut namminersortunut attuumassuteqarpat, pisinnaatitaaffiit tamarmik immikkut akitsuuserneqassapput.

 

§ 18. Uppernarsaatinut siusinnerusukkut pilersinneqarsimasunut tapiliussat akitsuuteqartussaapput, uppernarsaatinut ataasiakkaanut maleruagassat naapertorlugit.

 

§ 19. Pisinnaatitaaffimmi piginneqatigiit pisinnaatitaaffimmut nutaamik uppernarsaasiorunik nutaanngitsumut taartaasussamik, uppernarsaatip nutaap akitsuutissaa tassaavoq uppernarsaatip siulliup akitsuutaata qaffassutissaa, taartaasussamik sananermi uppernarsaammi siullermi aalajangersakkat atorneqaannarsimappata.

 

§ 20. Uppernarsaat ima sananeqaateqarpat, periarfissanik arlalinnik qinigassaqarluni, taava akitsuut naatsorsorneqassaaq, periarfissaq annerpaamik akitsuusiisussaq atorlugu.

 

§ 21. Kisitsit akitsuusigassaq uppernarsaammi allassimanngippat, akitsuummik akiliisussat akitsuusigassaq sapinngisamik eqqortoq nalunaarutigissavaat.

Imm. 2. Akitsuummik akiliisussat akitsuusigassaq nalunaarutiginngippassuk imaluunniit akitsuusigassaq annikippallaartoq nalunaarutigippassuk, Akileraartarnermi Pisortaqarfiup tamanna missiliuussinikkut aalajangersinnaavaa.

 

§ 22. Akileraartarnermi Pisortaqarfiup akitsuummik akiliisussat piumaffigisinnaavai, piffissap aalajangersimasup iluani paasissutissanik, akitsuutip naatsorsorneqarnissaanut pisariaqartunik tunniussaqaqqullugit.

Imm. 2. Akileraartarnermi Pisortaqarfiup uppernarsaammik akitsuuteqartussaasumik tigummiaqartoq piumaffigisinnaavaa, piffissap aalajangersimasup iluani uppernarsaat tunniuteqqullugu.

Imm. 3. Paasissutissat imm. 1-imi taaneqartut imaluunniit uppernarsaatit imm. 2-mi taaneqartut piffissap aalajangersimasup iluani tunniunneqarsimanngippata Akileraartarnermi Pisortaqarfiup pineqartut ullormoortunik akiligassissinnaavai.

 

§ 23. Akileraartarnermi Pisortaqarfik uppernarsaatinik akitsuuserneqartussaasunik akitsuusiisuussaaq.

Imm. 2. Akileraartarnermi Pisortaqarfik akitsuuserneqartussaanermut akitsuutillu annertussusissaanut apeqqutinut aalajangiisuussaaq.

Imm. 3. Inatsit manna naapertorlugu Akileraartarnermi Pisortaqarfiup aalajangiineri sap. ak. sisamat qaangiutsinnagit Naalakkersuisunut naammagittaalliutigineqarsinnaapput.

Imm. 4. Naalakkersuisut aalajangiineri sap. ak. sisamat qaangiutsinnagit eqqartuussivinnut ingerlateqqinneqarsinnaapput.

 

§ 24. Naalakkersuisut, Naalakkersuisulluunniit tamatumunnga piginnaatitaanut, suliffeqarfîit namminersortut pisortanilluunniit ingerlanneqartut piginnaatinneqarsinnaapput akitsuusiisarnissamut.

 

§ 25. Akileraartarnermi Pisortaqarfiup uppernarsaatinut taamaatiinnarneqarsimasunut akitsuut utertissinnaavaa, pissutsit immikkut ittut atuutsillugit. Niuereeraluarluni niuerneq atorsinnaanngippat uppernarsaatit taamaatiinnarneqarsimasutut isigineqarsinnaapput.

Imm. 2. Akileraartarnermi Pisortaqarfik, uppernarsaatinik imm. 1-imi taaneqartunik akitsuuteqartussaagaluartunik akitsuutaalli akilerneqarsimanngitsunik akitsuusiinnginnissamik akuersissuteqarsinnaavoq.

 

§ 26. Naalakkersuisut, Naalakkersuisulluunniit tamatumunnga piginnaatitaat, inatsisip matuma ingerlanneqarnissaanut sukumiinerusunik maleruagassiorsinnaapput kiisalu akitsuuteqanngitsoortitsisinnaallutik imaluunniit akitsuummik millilerisinnaallutik, pissutsit immikkut ittut atuutsillugit.

 

§ 27. Akiliisinneqarsinnaavoq piaaraluni imaluunniit mianersuaalliorujussuarluni:

1) § 14-imik unioqqutitsisoq,

2) paasissutissanik eqqunngitsunik paatsoorutaasinnaasuni1luunniit paasissutissiisoq, pissutsinut makkununnga pingaaruteqartunik

a) uppernarsaatip akitsuuserneqarnissaanut,

b) akitsuusiinnginnissamut aalajangiinissamut,

c) akitsuutit utertinneqarnissaannut,

3) uppernarsaatinik akitsuuserneqartussaasunik, Akileraartarnermi Pisortaqarfiup tunniuteqqusimasaanik tigummiaqarani eqqunngitsumik nalunaartoq.

Imm. 2. Inatsisip matuma kingunerisaanik malittarisassiani, akiliisitsinissamut pineqaatissiissutissat aalajangersarneqarsinnaapput.

Imm. 3. Selskabit, peqatigiiffiit assigisaalluunniit unioqqutitsippata, selskabi akiligassiissummut akisussaatinneqarsinnaavoq.

Imm. 4. Kommune imaluunniit kommunet arlaliullutik ingerlatsiviat unioqqutitsippat, kommune kommunelluunniit arlallit ingerlatsitsiviat akiligassiissummut akisussaatinneqarsinnaapput.

 

§ 28. Naalakkersuisut, Naalakkersuisulluunniit tamatumunnga piginnaatitaanit, inatsimmi matumani aalajangersakkanik unioqqutitsisoq nalunaarfigineqarsinnaavoq, suliassaq eqqartuussinertaqanngitsumik ingerlanneqarsinnaasoq, unioqqutitsisoq unioqqutitsinerminik nassuerpat, akiligassiissutigineqartorlu paasissutissiissummi allassimasoq piffissap aalajangersimasup, qinnuteqarnikkut sivitsorneqarsinnaasup, iluani akilerumassappagu.

Imm. 2. Nalunaarutiginninnermut, imm. 1-imi taaneqartumut atatillugu inatsisinik atortitsinermut inatsimmi aalajangersakkani unnerluutiginninnermut allassimasut atuutissapput.

Imm. 3. Akiligassiissutigineqartoq piffissaagallartillugu akilerneqarsimappat imaluunniit akiligassiissutigineqareernermini akilersinneqarpat, qanoq iliuuseqartoqaqqissanngilaq.

 

§ 29. Inatsisartut inatsisaat ingerlaannaq atuutilissaaq, atuutissallunilu uppernarsaatinut 31. oktober 1987-imi kingusinnerusukkulluunniit pilersinneqartunut. Inatsit aamma atuuppoq uppernarsaatinut 31. oktober 1987-ip siornagut pilersinneqartunut Umiarsuillu Nalunaarsorsimaffiannut imaluunniit Kalaallit Nunaata Landsret-ianut 14. november 1987-imi kingusinnerusukkulluunniit nalunaarutigineqartunut. Taamattorli inuup nammineq pantebrev-iliaanut 31. oktober 1987-ip siornagut pilersinneqarsimasunut inatsit uppernarsaatinut, 31. oktober 1987-imi tamatumaluunniit kingornagut nalunaarutigineqartunut atuuppoq.

 

 

Namminersornerullutik Oqartussat, oktoberip 31-anni 1987

 

 

Jonathan Motzfeldt

/

Emil Abelsen