Kalaallit Nunaanni suliffissarsiuussisarneq pillugu Inatsisartut peqqussutaanni nr. 11-mi 16. december 1988-imeersumi § 5, imm. 4 aamma § 8, imm. 3 aamma Kalaallit Nunaanni suliffissarsiortut killilersimaarnissaat pillugu Inatsisartut inatsisaanni nr. 27-mi 30. oktober 1992-imeersumi § 6 inun. 4 aamma § 8 naapertorlugu makku aalajangersarneqarput:

§ 1. Atorfik matuma ataani atorfiit taaneqartut iluanniittoq Kalaallit Nunaanneersumik imaluunniit immikkut Kalaallit Nunaannut attuumassutilimmik inuttalersinnaanngikkaanni sulisitsisoq pisussaavoq sulisussamik avataaneersumik atorfinitsitsinissamut imaluunniit sulisitsinissamut akuersissummik qinnuteqassalluni. Atorfinnut makkununnga nunami umiarsuarnilu assartuutini atorfinitsitsinissanut akuersissut atorfinitsitsinnginnermi qinnutigineqarsimassaaq:
1) Atorfinnut suliamik ilinniagaqarsimanngitsunik inuttalerneqarsinnaasuni.
2)Atorfinnut suliassamut naapertuuttumik suliffiutilimmi ilinniagaqaqqaarluni, inuutissarsiutinut tunngaviusumik ilinniagaqaqqaarluni imaluunniit Siamasissumik Tunngaviusumik Ilinniartitaaneq atorlugu ilinniagaqaqqaarluni atorfiniffigineqarsinnaasuni.
3)Atorfinnut annerusumik soorlu inunnik isumaginnittussatut aamma isumaginninnermi siunnersortitut ilinniagaqaqqaarluni atorfiniffigineqarsinnaasuni.
4)Atorfinnut imarsiornerup tungaatigut annertunerusumik ilinniagaqaqqaarluni atorfiniffigineqarsinaasuni.

§ 2. Suliffissarsiuussisarfik aqqutigalugu konununalbestyrelsimut sulisussanik avataaneersunik atorfinitsitsinissamut imaluunniit sulisitsinissamut akuerineqarnissamik qinnuteqaat immikkut immersugassiaq atorlugu sulisitsisumit qinnuteqaatigineqassaaq.
Imm. 2. Qinnuteqarfissatut immersugassami paasissutissat makku allanneqassapput:
1)Sulliviup aqqa, sumiiffia sulisitsisutullu normua.
2)Suliap sumut tunngasuunera.
3)Atorfiup qinnutigineqartup taaguutaa imaatalu allaaserineqarnera.
4)Pisinnaassutsimut piukkunnassutsimullu piumasarineqartut.
5)Atorfeqartitaanissap imaluunniit sulisinneqarnissap aamma sapaatip akunneranut sulisarnissap sivisussusissaat.
6)Atorfininnissami aningaasartuutissat, ineqarnissaq akissarsianullu tunngassuteqartut pillugit paasissutissat.
7)Atorfiup Kalaallit Nunaanneersumit pineqarnissaa pillugu iliuuserisimasanik paasissutissat, tak. imm. 3.
8)Inuup atorfimmut atorfinitsinneqalersaartup, tamanna ilisimaneqalersimappat, aqqa.
9)Inuup atorfimmut atorfinitsinneqalersaartup Kalaallit Nunaannut attuumassutigisinnaasaa.
Imm. 3. Sulisartup Kalaallit Nunaanneersup qinnutaa sulisitsisup itigartissimaguniuk, tak. imm. 2 nr. 7, qinnuteqaat itigartitsinermut tunngaviliussamik imaqassaaq.

§ 3. Pisinnaassutsimut piukkunnassutsimullu piumasarineqartunik piumasai atorfiup imarpiaanut naapertuutissapput, suliassallu iluanni piumasarisaasunik qaangiisoqassanani.

§ 4. Sulisumik avataaneersumik atorfinitsitsinissamut imaluunniit sulisitsinissamut qinnuteqaat suliffissarsiuussisarfiup tiguguniuk sulisartumik Kalaallit Nunaanneersumik atorfimmut piukkunnaateqartumik imaluunniit sulisussamik Kalaallit Nunaannut immikkut ittumik attuumassuteqartumik atorfimmut innersuussisoqarsinnaanersoq misissussavaa, tak. inatsimmi § 4. Innersuussineq suliffissamik innersuussisarneq pillugu malittarisassatut aalajangersakkat naapertorlugit pissaaq.

§ 5. Kommunalbestyrelsip sulisumik avataaneersumik atorfinitsitsinissamik imaluunniit sulisitsinissamik akuerineqarnissamik qinnuteqaat itigartitsissutigissavaa atorfik sulisartumut Kalaallit Nunaanneersumut piukkunnaateqartumut innersuussutigineqarsinnaappat. Tamatumunnga peqatigitillugu suliffissarsiuussisarfiup sulisartoq pineqartoq sulisitsisumut innersuutissavaa.
Imm. 2. Kommunalbestyrelsi sulisussamik avataaneersumik atorfinitsitsinissamut sulisitsinissamulluunniit akuersissuteqassaaq, illoqarfimmi suliffissarsiuussisarfimmit imaluunniit Kalaallit Nunaanni suliffissarsiuussisarfinnit allanit sulisussamik Kalaallit Nunaanneersumik imaluunniit Kalaallit Nunaannut immikkut ittumik attuumassutilimmik piukkunnartumik pisinnaassusilimmik innersuussisoqarsinnaanngippat.
Imm. 3. Kommunalbestyrelsip akuersissut piffissamut killilerneqassasoq kissaatigippagu, tak. inatsimmi § 6 imm. 2, tamanna akuersissutikkut nalunaarutigineqassaaq.
Imm. 4. Itigartitsissut akuersissulluunniit immersuiffissiakkut immikkut tassunga atugassiaasukkut sapinngisamik piaarnerpaamik kingusinnerpaamillu qinnuteqaatip suliffissarsiuussisarfimmit tiguneqarneraniit ullut 14-it qaangiutinnginneranni nalunaarutigineqas-
saaq.

§ 6. Sulisussamik avataaneersumik ajoquseriataarnermut, ajutoornernut imaluunniit qinnuteqartup pisussatut naatsorsuutigereersinnaanngisaanut, aamma aaqqiigasuarnissamik iluarsaassigasuarnissamilluunniit pisariaqartitsilluinnarnermut atatillugu sulisussamik qinnuteqartoqarpat tamatumunnga itigartitsissut akuersissulluunniit suliffissarsiuussisarfiup qinnuteqaammik tigusineraniit kingusinnerpaamik ullut marluk qaangiunneranni nalunaarutigineqassaaq.
Imm. 2. Qinnuteqartup nammineerluni qinnuteqaat nal. 12.00 nallertinnagu suliffissarsiuussisarfimmut tunniussimappagu itigartitsissut akuersissulluunniit aqaguani nal. 10.00 nallertinnagu nalunaarutigineqarsimassaaq.

§ 7. Qinnuteqaat § 6-imi iliuuserineqartartut malillugit suliarineqassasoq kissaatigigaanni tamanna qinnuteqartup allaganngorlugu qinnuteqaammini erseqqissumik nalunaarutigissavaa.
Imm. 2. Kommunalbestyrelsip qinnuteqaat § 6 imm. 1 malillugu suliarineqartussatut naatsorsuutiginngippagu tamanna qinnuteqaatip suliffissarsiuussisarfimmit tiguneraniit kingusinnerpaamik ullut marluk qaangiunneratigut qinnuteqartumut nalunaarutigineqassaaq. Qinnuteqaat nal. 12.00 sioqqullugu suliffissarsiuussisarfimmut qinnuteqartumit tunniunneqarsimappat aqaguani nal. 10.00 nallertinnagu akineqassaaq.

§ 8. § 5-imi imm. 4-mi, § 6-imi aamma § 7-imi imm. 2-mi akissuteqarnissamut killissarititat eqqortinneqanngippata qinnuteqartup qinnutigisimasani akuerineqarsimasutut naatsorsuutigisinnaavaa.

§ 9. Sulisussamik avataaneersumik atorfinitsitsinissamut imaluunniit sulisoqarnissamut akuersissut piffissamik qinnutigisamut qaangiisinnaanngilaq.
Imm. 2. Atorfimmut ataavartumik atorfigitikkusutamut akuersissut piffissamut aalajangersimasumik sivisussusilimmut atuuttussanngortinneqarsinnaavoq, tak. inatsimmi § 6 imm. 1. Patsisissaatitaasoq tassaavoq akuersissutip atuuffiani qularnaallisinneqarsinnaassasoq siunissami sulisussat pineqarsinnaasut allanngornissaat.
Imm. 3. Akuersissut piffissamut aalajangersimasumut sivisussusilimmik atuuttussanngortitaq qinnuteqaqqinnikkut sivitsorneqarsinnaavoq.

§ 10. Sulisitsisoq kommunalbestyrelsip inatsisip § 6-ia naapertorlugu aalajangigaanik Naalakkersuisunut naammagittaalliuuteqarniaruni naammagittaalliuutini allakkat puuannut "sulinissamut akuersissut"-mik nalunaaqqutsikkamut ikillugu Naalakkersuisunut nassiutissavaa.

§ 11. Suliffissarsiuussisarfiup qinnuteqaatit aamma akuersissutit tunniussat kiisalu suliffissarsiortut suliffissarsisarnerat tunuartarnerannillu nalunaarutaasartut nalunaarsussavai. Aanunattaaq suliffissarsiuussisarfiup suliffissanik ilisimaarinninnini kiisalu pisortat ingerlatsiviinik allanik suleqateqarnini tunngavigalugu alaatsinaassavaa inatsisip aalajangersagai malinneqarnersut.

§ 12. Suliffissarsiuussisarfiup sulisitsisut paasissutissanik makkuninnga paasiniaaffigisinnaavai:
1)suliap imaanik pisinnaasassanillu, matumani aamma sulliviup suleriaasiinik, piffissamik suliffiusartumik, pissutsinik akissarsianut ineqartitsinermullu tunngassuteqartunik,
2) sulisoqassuseq sulisinnaasunillu pisariaqartitsineq, matumani aamma piginnaassutsit agguataarneqarnerat,
3)sulisorisat Kalaallit Nunaanneersut, matumani aamma sulisartut Kalaallit Nunaannut immikkut ittumik attuumassuteqartut, avataaneersullu agguataarsimanerat, aamma
4)suliffeqanngitsunut suliffissarsiortunut siusinnerusukkut suliffiusimasinnaasuni suliap taamaatinneqarsimaneranut pissutaasoq.

§ 13. Suliffissarsiuussisarfiup sulisussanik avataaneersunik atorfinitsitsiumalluni qinnuteqaatit naatsorsuusiorlugit Isumaginninnermut Suliffeqarnermullu Pisortaqarfimmut nalunaarutigisassavai. Aamma suliffissarsiuussisarfiup suliffissanik neqeroorutit nalunaarusiorsinnaavai.
Imm. 2. Suliffissarsiuussisarfiup suliffissarsiorlutik saaffiginnittut sulisinnaasullu sunik suliaqartarnerannik katitigaanerat kiisalu suliat suunerannik agguataarinerit sulliviillu angissusii naatsorsuusiorsinnaavai. Naatsorsuusiat assilinera Isumaginninnermut Suliffeqarnermullu Pisortaqarfimmut nassiunneqassaaq.
Imm. 3. Isumaginninnermut Suliffeqarnermullu Pisortaqarfiup imm. 1-imi aamma imm. 2-mi nalunaarutigineqartussatut taaneqartut najoqqutassaat aalajangersaavigissavai.

Atortuulersitsineq

§ 14. Nalunaarut manna atortuulersinneqarpoq 1. september 1993 aallarnerfigalugu.
Imm. 2. Tamatumunnga peqatigitillugu kommunini suliffissarsiuussisarneq suliffissarsiortullu killilersimaarneqarnissaat il.il. pillugit NamminersornerullutikOqartussat Nalunaarutaanni nr. 40-mi 18.september 1990-imeersumi §§ 8-18 atorunnaarsinneqarput.

Namminersornerullutik Oqartussat, ulloq 26. august 1993.

Henriette Rasmussen

Nukákuluk Kreutzmann