§ 1

Umiarsualivimmiinnermut aamma umiarsuit takornarianik angallassissutit ilaasunik angallassinerannut akileraarutit pillugit Inatsisartut inatsisaanni nr. 20, 30. oktober 1992-imeersumi, kingullermik Inatsisartut inatsisaatigut nr. 2, 21. maj 2002-meersukkut allanngortinneqartumi makku allannguutigitinneqarput:

1. § 1-imi imm. 1–ip kingorna immikkoortutut nutaatut ilanngunneqarpoq:
"Imm. 2. Umiarsuit ilaasunik angallassissutit, ilaasunik nalinginnaasunik takornarianillu angallassillutik ingerlaartut akileraarummik imm. 1-imi pineqartumik akiliissanngillat. Akerlianilli akilerneqassaaq angalanernut Danmarkimiit, Savalimmiuniit nunanilluunniit allaniit aaqqissuunneqartunut billetsimik pisisimasunut akileraarut tamarmiusoq ilaasumut ataatsimut 450 kr.-iusoq.".

Imm. 2 aamma 3 matuma kingorna tassaalerput imm. 3 aamma 4.

2. § 1, imm. 2, oqaaseqatigiit aappaanni pingajuannilu allassimasut"ilaasumut ataatsimut 300 kr.-iusoq" ima allanngortinneqassapput: "ilaasumut ataatsimut 450 kr.-iusoq.".

3. § 5, imm. 4, ima oqaasertaqalerpoq:
"Imm. 4. Umiarsuit, matumani aamma umiarsuit ilaasunik angallassissutit § 1, imm. 2-mi taaneqartut umiarsualivimmut ataatsimut arlalinnulluunniit nunalittartut imm. 2-mi aalajangersakkanit allaanerusumik akiliuteqarnissaat pillugu Akileraartarnermut Pisortaqarfimmik isumaqatigiissuteqartoqarsinnaavoq.".

Inatsisartut inatsisaat atuutilissaaq ulloq 1. april 2006-imiit.

/

Josef Motzfeldt