Pilersuineq, angalaneq, angallassineq, allakkerineq il.il. pillugit Kalaallit Nunaanni inatsimmi nr. 469-imi, ulloq 6. november 1985-imeersumi §§-it 1, 9 aamma 13; Innaallagiaq, imeq kiallu, qatserisartoqarneq, umiarsualiviit, aqqusernit, nalunaarasuaatikkut atassuteqarneq il.il. pillugit Kalaallit Nunaannut inatsimmi nr. 943-mi, ulloq 23. december 1986-imeersumi §§-it 1, 4 aamma 13, kiisalu erngup nukinganit isumalluutissat pillugit Kalaallit Nunaannut inat-simmi nr. 1075-imi, ulloq 22. december 1993-imeersumi §§-it 1 aamma 2 naapertorlugit aalajangersarneqarput:

Kapitali 1

Siunertaq nassuiaatillu

§ 1. Nukissamik pilersuineq inuiaqatigiit aningaasaqarnerannut akilersinnaanerpaaq avatangiisinullu ajunnginnerpaaq, kiisalu nukissamik pilersuinermi uuliamik isumalluuteqarnerup annikillisarneqarnissaa peqqussummi siunertaapput.

Imm. 2. Nukissamik pilersuinerup aaqqissuunneqarnera, imm. 1-imi siunertat taaneqartut naapertorlugit akilersinnaanerpaanissaa nukimmillu sipaarfiunissaa, nukimmik pilersuinerup isumannaannerpaanissaa, nukimmik pilersitsinerup pilersuinerullu pissarsiaqarnarnerpaan-ngornissaa, aammalu minguinnerusumik nukissiornissaq anguniarlugit pisassaaq.

§ 2. Peqqussummi uani nukissamik pilersuineq ima paasineqassaaq:

1) uuliap nunameersup, uuliamit nunameersumit atortussiat aammalu gassit ikumasinnaasut avataanit eqqussorneqarnerat, angallanneqarnerat, siammarterneqarnerat kiisalu toqqortarine-qarnerat,

2) innaallagissap innaallagissiorfinni pilersinneqarnera, nassiunneqarnera siammarneqarneralu

3) innaallagissiorfinnit kiassaateqarfmutigisunit, ataatsimoorussamik kiassaateqarfinnit inissiarsuillu kiassaateqarîiinit 0,25 MW-imit annerusumik kiassaasinnaasunit aammalu eqqakkanik ikuallaavinnit kiaap pilersiortorneqarnera,

4) nukissiorfinnit kiassaateqarfiutigisunit, ataatsimoorussamik kiassaateqarfinnit, eqqakkanik ikuallaavinnit, suliffissuarnit aammalu nunap kissaanik kiassaateqarfinnit imermik aalamilluunniit uunnatamik ingerlatitseqqittarneq siammarterinerlu,

5) inissiaqarfiit kiassarneqarnerat aamma

6) inissiaqarfiit imermik kissartumik pilersorneqarnerat.

Imm. 2. Peqqussut manna ukunani atuutinngilaq:

1) sumiiffinni illersornissamut atorneqartuni aamma

2) qallunaat-amerikamiut sakkutooqarfiini Kalaallit Nunaata illersorneqarnissaa pillugu isuma-qatigiissut 27. april 1951-imeersoq naapertorlugu pilersinneqarsimasuni, taamaattoq tak. inatsimmi nr. 943-mi 23. december 1986-imeersumi § 9.

Kapitali 2

Oqartussaasut suliffeqarfiillu

§ 3. Ukioq allortarlugu Naalakkersuisut Inatsisartunut saqqummiunneqartussamik nukissa-qarniarnikkut ingerlatsineq pillugu nassuiaasiortassapput. Nassuiaat nukimmik pisariaqartitsinerup nukimmillu pilersuinermi periarfissat allanngoriartornerata naliliivigineqarneranik, kiisalu nukissat assigiinngitsut naleqquttumik pissarsiarineqartarnissaat atorneqartarnissaallu pillugu anguniagassanik pilersaarutinillu imaqartassaaq.

Imm. 2. Nukissamut tunngatillugu pilersitsinerup, pilersuinerup, siammarterinerup, atuinerup ilisimatusarnerullu allanngoriartorneri pillugit kisitsisinik paasissutissanik allanillu paasissutissanik Naalakkersuisut pissarsinissamut aqqutissiuisassapput.

§ 4. Atuisut innaallagissamik kiammillu pilersorneqarnerat Nukissiorfiit isumagissavaat, § 12 naapertorlugu.

Imm. 2. Kiisalu Naalakkersuisut erseqqinnersumik aalajangersagaat malillugit suliassat allat Nukissiorfiit isumagissavaat.

Imm. 3. Nukissiorîiit aqunneqarnerat aaqqissuussaanerallu aamma suliffeqarfmp Naalakkersuisullu akornanni pissutsit pillugit Naalakkersuisut malittarisassiortassapput.

§ 5. Sumiiffinni kommunit aggornerisa avataaniittuni suliassanik peqqussut manna malillugu Nukissiorfimmut suliassiissutigineqarsimasunik Naalakkersuisut suliffeqarfinnut allanut suliassiisinnaapput.

Imm. 2. Taamaattorli § 17 naapertorlugu nakkutilliisussaatitaaneq Nukissiorfiit suli isuma-gisassaraat.

§ 6. Naalakkersuisut Nukissiorfînnut suliffeqarfînnullu nukissamik pilersuisuusunut allanut niuernermi atugassarisat tunngavigalugit ikummatissanik imerpalasunik gassinillu ikuallajasunik il.il. pilersuilluni tamanut sullissinissamik pisussaafiliisinnaapput.

Kapitali 3

Nukissamik pilersuinermi sanaartukkanik il. il. akuersissutiginnittarneq

§ 7. Illoqarfinni nunaqarfinnilu innaallagissamik kiammillu pilersuineq pillugu Nukissiorfiit nuna tamakkerlugu pilersaarusiortassapput. Pilersaarusiornermi suut piumasaqaatigineqassanersut killissarititaassanersullu pillugit Naalakkersuisut aalajangersaassapput.

Imm. 2. Pilersaarusiorneq § 1-imi siunertat taaneqartut malillugit pisassaaq. Innaallagissamik kiammillu pisariaqartitsinerup matussuserneqarnissaanut periarfissat assigiinngitsut pilersaarusiornermi erseqqissaatigineqassapput, tassunga ilanngullugit nukissamik atuinermi ileqqaarnissamut periarfissat, innaallagissap kiaallu ataatsimut pilersinneqartarnerat, nukissamik ingerlaavartumik atuineq, nukissiorfinnik atuilluaraerulersitsineq kiisalu ikummatissanik avatangiisinut qajassuussinerusunik atuineq.

Imm. 3. Suliffeqarfiit allat nukissamik pilersuisuusut taamatut pilersaarusiornissamut Naa-lakkersuisunit peqquneqarsinnaapput, imaluuniit pilersaarusiornermut taamaattumut paasissutissanik atugassanik Nukissiorfinnut nalunaaruteqaqquneqarlutik.

§ 8. Pilersaarusiornermut atugassamik Nukissiorfiit illoqarfinnilu nunaqarfinni innaallagissamik kiammillu atuinermik nalunaarsuissapput, atuinerullu annertusiartornera naliliivigisassallugu.

Imm. 2. Naalakkersuisut paasisitsiniaanikkut, siunnersuinikkut, ileqqaarutissanullu aningaa-salersuinikkut § 7-imi aalajangersakkat malillugit pilersaarusiornermi iluaqutaasussaaneraraeqartunik suliffeqarfînnut pilersuisuusunut ileqqaarniaqqusisinnaapput.

§ 9. Nutaanik sanaartortoqassatillugu ataaniluuniit taaneqartunik atortunik pioreersunik annertuumik allanngortiterisoqassatillugu suliap aallartinnginnerani Naalakkersuisut akuersissuteqartassapput:

1) innaallagissamik kiammillu pilersitsiortorfíit il.il., tassunga ilanngullugit sanaartukkat nukissamik ingerlaavartumik atuiffiusut, kiassaateqarfiit 0,25 MW-imit annerusumik pilersit-siffiusut aamma

2) innaallagissamik, kiammik gassimillu ikumasinnaasumik nassiussuinermut siammarterinermullu aqqutit il.il.

Imm. 2. Pilersuiffîusumi atortut ingerlatsinerullu akuersissutigineqartarnerat pillugu Naalakkersuisutpiumasaqaasiortassapput.

Imm. 3. Erngup nukinga atorlugu nukissiorfiusuni imermik peqqumaasiviit atorneqarnissaannik akuersissummut ilaasassapput uumasut ingerlaarfigisartagaat, eqqissisimatitsinermut tunngasut aamma nunap pineqartup qanitaaniittunut tunngassuteqartut.

Imm. 4. Akuersissutiginnittarnerit pillugit Naalakkersuisut malittarisassiussapput, tamatumunnga ilanngullugit:

1) sanaartugassat suussusii erseqqinnerusumik taasat akuersissuteqarfigineqassanngillat sanaartukkat angissusii ilusiligaaneralluunniit eqqarsaatigalugit aamma

2) sanaartukkat pineqartut pillugit pilersaarusiornerup nalaani kommunit attuumassuteqartullu allat tusarniaavigineqassapput.

§ 10. Nukissaqarniarnikkut ingerlatsineq pineqartillugu Naalakkersuisut pilersuinermut atortunik § 9. imm. 1-imi taaneqartunik piginnittut naleqquttumik piffissaqartillugit peqqusinnaavaat:

1) § 7 malillugu pilersaarusiorneq naapertorlugu iluaqutaasussanik sanaartussasut,

2) nukik taaneqartoq atorneqartussanngorlugu pilersitsiortornermi atortuutiminnik aaqqissuusissasut aamma

3) nukiup atorneqartup iluaqutaanerpaaffia anguneqartussanngorlugu pilersitsiortornermut atortuutitik aaqqissuutissagaat.

§ 11. Nukissaqarniarnermik ingerlatsinermit isigalugu pisariaqarpat Naalakkersuisut siumut ilisimatitsereernikkut suliffeqarfmnik nukissamik pilersuisuusut erseqqinnerumik aalajangikkamik annertussusilinnik nukissamaasiveqarnissaanik peqqusinnaavaat.

Kapitali 4

Innaallagissamik kiammillu pilersuisussaatitaaneq il. il.

§ 12. Nukissiorfiit illoqarfinni nunaqarfinnilu pitsaasumik naammattumillu innaallagissamik kiammillu pilersuinissaminnut pisussaatitaapput. Suliffeqarfiit nukissamik pilersuisuusut allat innaallagissamik kiammilluuniit sumiiffimmi atuisunut, inissianut suliffeqarfimmulluuniit assigisaannullu pilersuisuusut atuisimimut pilersuisussaanermik assinganik pisussaaffeqarput.

Imm. 2. Pilersuiffiusup pissutsit qanoq ilinerini annertusineqarnissaa, kiisalu tamatumunnga aningaasartuutit matussuserneqarnissaat pillugit Naalakkersuisut piumasaqaasiortassapput.

Imm. 3. Nukissiorfiit qinnuigineqamermikkut pilersuiffiusut avataanni innaallagissamik pilersuinermut atortuliigallarsinnaapput, kommuni atuisulluuniit pineqartut tamatumunnga aningaasartuutinik matussuseeqqataappata.

§ 13. Nukissiorfiit aammalu innaallagissiorfîusunik piginnittut allat akornanni pissutsit pillugit, tassunga ilanngullugit suliffeqarfinni inuussutissarsiorfmsuni, ingerlatsiveqarfmni, inissiani il.il. atortut taamaallaat ajornartorsiornermi atorneqarnissaat pillugit Naalakkersuisut malittarisassiorsinnaapput.

Imm. 2. Ingerlaavartumik nukissiorfimmit innaallagissamik pilersuineq pillugu Naalakkersuisut aalajangiisinnaapput malittarisassiorsinnaallutilluuniit.

Imm. 3. Nukissiorfiit aamma eqqakkanik ikuallaavinnik kiassaateqarfinnillu piginnittut allat akornanni pissutsit pillugit Naalakkersuisut malittarisassiorsinnaapput.

§ 14. Innaallagissamik kiammillu pilersuinerup pitsaasunissaa isumannaatsuunissaalu pillugit isumannaatsuujuarnissaannut ilioriusissanik Nukissiorfiit suliaqassapput. Tassunga ilanngullugu Nukissiorfiit atortunut inuiaqatigiit soqutigisaannut pingaaruteqartunut pilersuinerup ingerlaavartuunissaa pillugu najoqqutassiussapput.

Imm. 2. Naalakkersuisut suliffeqarfinnik nukissamik pilersuisuusunik allanik ingerlataminnit pilersuineq pillugu taamaattunik malittarisassioqqusisinnaapput

Imm. 3. Kiisalu Nukissiorfiit makku pillugit aalajangersaassapput:

1) pilersuiffinni killilimmik innaallagissamik tunisiffiusinnaasuni atortut innaallagiatortut, aqqutit il.il. suut atorneqassannginnersut aamma

2) innaallagissamik annertuumik atuisuusut atukkamik annertussusianik malunnaatilimmik allanngortitsinissaminnik imaluuniit qanoq atuinermik agguataarneranik allanngortitsinissaminnik naammaginartumik piffissalerlugu nalunaaruteqartassasut.

Imm. 4. Aalajangersakkat qulaani taaneqartut Naalakkersuisunut akuerisassanngorlugit saqqummiunneqartassapput.

Kapitali 5

Kiammik pilersuineq pillugu aalajangersakkat immikkut ittut

§ 15. Sanaartukkat nutaat nukissamik pilersuivimmut aalajangersimasumut atassuserneqarnissaat Naalakkersuisut aalajangersinnaavaat.

Imm. 2. Sanaartukkat pioreersut piffissap aalajangersimasup iluani nukissamik pilersuivimmut aalajangersimasumut atassuserneqarnissaannik Naalakkersuisut aalajangiisinnaapput.

Imm. 3. Sanaartukkat pioreersut nukissamik pilersuiviusumi aalajangersimasumiiginnarnissaannik Naalakkersuisut aalajangiisinnaapput.

Imm. 4. Sanaartukkami nutaami pioreersumiluuniit kiassaariaatsit erseqqissumik taasat atorneqalinnginnissaannik Naalakkersuisut aalajangiisinnaapput.

§ 16. Innissiaqarfiit illuliorfigineqarsimasullu annertunerusut kiassarnerinik piginnittuunermik ingerlatsisussaanermillu Nukissiorfiit tigusinerat tunniussineralluuniit pillugit malittarisassanik, piffissaliussanik piumasaqaatinillu Naalakkersuisut aalajangiisinnaapput.

§ 17. Sanaartukkat makku sananeqarnissaat, aserfallatsaalineqarnissaat ingerlanneqarnissaallu pillugit Nukissiorfiit aalajangersaassapput:

1) kiassaateqarfíit 0,25 MW-imit annerusumik kialiortut,

2) kiaap aqqutai aamma

3) illulianut 0,25 MW sinnerlugu kiammik pisariaqartitsisunut kiaap agguataarneqarnissaanut kiammik nikerartitsiviit taakkulu namminneq iluanni atortut

Imm. 2. Imm. 1 malillugu aalajangersakkat malinneqarnersut Nukissiorfiit nakkutigisassaraat.

Imm. 3. Atortut taaneqartut ingerlanneqarnerallu piffissaliussap aalajangersimasup ingerlanerani allangortinneqarnissaat pillugu Nukissiorfiit peqqusisinnaapput.

Imm. 4. Imm. 1-imi aalajangersakkat taaneqartut atuutsinnginnissaannik Nukissioriit immikkut akuersissuteqarsinnaapput.

Kapitali 6

Nukissiat akiipilersuinermilupiumasaqaatit il.il. pillugitpiumasaqaatit

§ 18. Innaallagissamik kiammillu pilersuisuusunut, siammarterinermut atuisunullu assigiinngitsunut agguataakkanik innaallagissamik kiammillu pilersuinermi aningaasartuutit pillugit ukiumoortumik naatsorsukkanik Nukissiorfiit Naalakkersuisunut tunniussisassapput.

Imm. 2. Suliffeqarfiiit innaallagissamik kiammillu pilersuisuusut allat taamaattunik aamma naatsorsuisassapput malittarisassat erseqqinnerusut Naalakkersuisut aalajangigaat malillugit.

Imm. 3. Qanoq naatsorsuisoqartarnissaa pillugu Naalakkersuisut malittarisassiorsinnaapput.

§ 19. Nukimmut akigititat pilersuisunit tamaneersut atuutilersinneqannginneranni Naalakkersuisunut akuerisassanngorlugit saqqummiunneqassapput.

Imm. 2. Aalajangersagaq manna KNI A/S-ip Kalaallit Nunaanni ikummatissamik tamanut pilersuinerani akigititaasunut atuutinngilaq.

§ 20. Nukissiorfiit aammalu innaallagissiorfinnik kiassaateqarfinnillu piginnittut allat § 19-imi taaneqartunut tunniussisarnissamik piumasaqaatit il.il. suliarissavaat. Piumasaqaatit Naalakkersuisunut akuerisassanngorlugit saqqummiunneqassapput.

Imm. 2. Aalajangersagaq manna KNI A/S-ip Kalaallit Nunaanni ikummatissamik tamanut pilersuinerani piumasaqaataasunut atuutinngilaq.

§ 21. Nukissiorfiit kiammik innaallagissamilluuniit pilersitsiortorfiusunit siammaassiviusunillu allanit tigooraappata, tak. § 13, Nukissiorfîit ileqqaarutigisaat aallaavigalugit akiliutissat aalajangersarneqassapput. Naatsorsuisarneq pillugu Naalakkersuisut malittarisassiorsinnaapput.

Kapitali 7

Naammagittaalliortarneqpineqaatissiissutillu pillugit aalajangersakkat

§ 22. Suliffeqarfiit nukissamik pilersuisut §§-it 4, 5, 12, 14, 17 aamma 23 tunngavigalugit aalajangiineri Naalakkersuisunut naammagittaalliutigineqarsinnaapput.

Imm. 2. Naammagittaalliorsinnaaneq pillugu Naalakkersuisut malittarisassiorsinnaapput, tassunga ilanngunneqassapput piffissaliussat aamma pissutsit erseqqinnerusumik taasat naammagittaalliuutigineqarsinnaannginnissaat pillugit malittarisassat.

§ 23. Naalakkersuisut suliassanik peqqussumi uani taaneqartuni isumaginninnissaminnut atugassaminnik paasissutissanik pisariaqarsorisaminnik kommuninit, suliffeqarfmnit allanillu piumasaqarsinnaapput.

Imm. 2. Nukissiorfiit peqqussummi uani imminerminnut suliassiissutigineqarsimasut isumaginiarlugit paasissutissanik taamaattunik pissarsiniarsinnaapput.

Imm. 3. Kiisalu Nukissiorfiit § 17-imi taaneqartutut nakkutilliinissaminnut aammalu § 9 malillugu pilersaarusiornissaminnut atortussamik illutanut sumiiffinnullu pineqartunut pisariaqarfiatigut isersinnaanissaminnik piumasaqarsinnaapput.

§ 24. §§-inik 10, 11, 15, 17 aamma 23-imik unioqqutitsineq akiliisitsissutaasinnaavoq.

Imm. 2. Malittarisassani peqqussut una malillugu pilersinneqarsimasuni aalajangerneqarsinnaavoq unioqqutitsineq akiliisitsissutaasinnaasoq.

Imm. 3. Inatsisartut peqqussutaannik malittarisassanilluuniit tamanna malillugu aalajanger-sarneqarsimasuni unioqqutsinerit pillugit tulliuttut inuttut inatsisitigut pissusaaffeqartut akiliiitassanngortinneqarsinnaapput:

1) Aktiaateqarluni ingerlatseqatigiiffiit, piginneqatigiilluni ingerlatseqatigiiffiit assigisaalluniit

2) Kommunit kommunillu suleqatigiiffii

3) Naalaagaaffimmi oqartussaasut imaluunniit ingerlatsiveqarfîit, suliffeqarfiit, il.il. Namminersornerullutik Oqartussat ataanniittut.

§ 25. Utoqqarmiut Kangerluarsunnguanni imermit nukissiarineqarsinnaasup atornissaanik Nukissiorfinnut 14. november 1990-imi akuersissutiginninneq ingerlatiinnarneqassaaq.

Kapitali 8

Atuutilernera il.il.

§ 26. Inatsisartut peqqussutaat manna 1. januar 1998-imi atuutilerpoq.

Imm. 2. Peqatigitillugulu Grønlands Tekniske Organisationi pillugu Inatsisartut peqqussutaanni § 2, imm. 1, nr. 1 innaallagissamik kiammillu pilersuinermut tunngasoq aamma nr. 8 imermit nukissiorfinnut tunngasoq, kiisalu § 3, imm. 4 innaallagissap kiaallu akiisa allanngor-tinneqartarnerannut tunngasoq, atorunnaarsinneqarput.

Namminersornerullutik Oqartussat, ulloq 6. november 1997

Jonathan Motzfeldt

/

Mikael Petersen