Nukissamik pilersuineq pillugu Inatsisartut peqqussutaata allanngortinneqarnera pillugu Inatsisartut peqqussutaat (Atassusernermut akiliutinik akileeqqusinermut tunngaviusoq)
§ 1
Nukissamik pilersuineq pillugu inatsisartut peqqussutaat nr. 14, 6. november 1997-imeersumi imatut allannguisoqarpoq:
1.
§ 20-ip kingorna imatut ikkussisoqarpoq:
"§ 20a. Inuussutissarsiutigalugu suliffeqarfiit innaallagissamut immikkut ittumik appasissumik akiliuteqartartut inuussutissarsiutigalugu suliffeqarfiit pineqartut innaallagissamik pisinnaasamut sunniuteqaraangata atuiffiusumilu piginnaasatigut allilerineq pissutigalugu Nukissiorfinnut nutaanik sanaartornernut aningaasartuuteqartitsingaangata atassusernermut akiliummik Nukissiorfiit akileeqqusisassapput.
Imm. 2. Atassusernermut akiliutip naatsorsornissaanut akileqquneqarnissaanullu malittarisassanik Naalakkersuisut aalajangersaassapput."
§ 2
Inatsisartut peqqussutaat januaarip aallaqqaataani 2008-mi atortuulersinneqarpoq.
Namminersornerullutik Oqartussat, 15. november 2007
Hans Enoksen
/
Siverth K. Heilmann
-
PDF (0.04MB)
-
PDF (0.1MB)