§ 1. Aningaasanik ikisilluni pinnguaatit, una inatsit naapertorlugu akuersissuteqaqqaarluni ikkunneqarsinnaasut, tamarmik landskassemut akileraarutaasassapput.

Imm. 2. Inatsisartut inatsisaat atuutinngilaq sumiiffinnut, Kalaallit Nunaata illersorneqarnissaa pillugu isumaqatigiissut 27. april 1971-imeersoq naapertorlugu sakkutooqarfiusunut. Sumiiffinnut allanut, kommunet aggornerisa avataanniittunut pisussaaffiit, inatsit una naapertorlugu kommunalbestyrelsenut pisussaaffigitinneqartut, naalakkersuisunit isumagineqassapput.

§ 2. Aningaasanik ikisilluni pinnguaat, kikkunnit tamanit, peqatigiiffiit ilaasortaannit assigisaannilluunniit atorneqarsinnaasoq, kommunalbestyrelsemit akuerineqarsimassaaq.

Imm. 2. Ikkussinissamut akuerineqarnissamik qinnuteqaat piginnittumit imaluunniit, aningaasanik ikisilluni pinnguaat attartugaasimappat, attartortumit kommunemi ikkussiffiginiakkami kommunalbestyrelsemut tunniunneqassaaq.

Imm. 3. Selskabimit, peqatigiiffimmit il.il. qinnuteqaat selskabimi piginneqataasumit ataatsimit imaluunniit peqatigiiffimmi siulersuisuni ilaasortamit ataatsimit tunniunneqassaaq. Akuersissut qinnuteqartumut namminermut tunniunneqassaaq.

§ 3. Aningaasanik ikisilluni pinnguaammik ikkussinissamut akuersissummik tunisinissaq pillugu kommunalbestyrelse allanngortinneqarsinnaanngitsumik siumut oqaaseqaateqassaaq. Siumut oqaaseqaammi qinnuteqartoq akuersissuteqarnissamik neriorsorneqarpat, akuersissut atuutilissaaq aningaasanik ikisilluni pinnguaatip ikkunneqarneraniit.

Imm. 2. Aningaasanik ikisilluni pinnguaat kommunalbestyrelsep akuersilluni nalunaaruteqarneraniit qaammatit 6 qaangiutsinnagit ikkunneqarsimassaaq. Taamaattoqanngippat akuersissut atorunaarsinneqassaaq.

§ 4. Kommunalbestyrelse akuersissutinik tunniussaqartassaaq kommuneqarfimmi inuiaqatigiinnut sunniutaasinnaasut tamaasa nalilereerlugit.

Imm. 2. Akuersissut inummut tunniunneqartassaaq ukiut 2 atuuttussatut, aalajangersimasumilu inissiinissamut.

Imm. 3. Akuersissummik tunisinermi kommunalbestyrelsep aalajangersarsinnaavai piffissat, aningaasanik pinnguaatip atorneqarsinnaaffii.

Imm. 4. Akuersissut aningaasanik ikisilluni pinnguaammi takuneqarsinnaanngorlugu ivertinneqassaaq.

§ 5. Inatsit alla tunngavigalugu oqartussaasut allat akuersissutaat kommunalbestyrelsemut saqqummiunneqassaaq, taanna akuersissummik tunniussaqartinnagu.

Imm. 2. Kommunalbestyrelsi akuersissummik tunniussiumanngissinnaavoq, qinnuteqartoq § 6 naapertorlugu siusinnerusukkut akuersissummik arsaagaasimappat.

Imm. 3. Aningaasanik ikisilluni pinnguaammik ikkussinissamut akuersissuteqartoqarsinnaanngilaq, qinnuteqartoq aningaasanik ikisilluni pinnguaammut akileraarummik akiligassaqarpat.

§ 6. Pinnguaatip piffissanik atorneqarfigisinnaasaanik kommunalbestyrelsep aalajangersaanera unioqqutinneqarsimappat imaluunniit akuersissut aningaasanik ikisilluni pinnguaammi takuneqarsinnaasumut ivertinneqarsimanngippat, kommunalbestyrelsep siumut mianersoqqussuteqareerluni akuersissut arsaarinnissutigisinnaavaa.

Imm. 2. § 7 imaluunniit § 8 unioqqutinneqarpata imaluunniit allatigut atornerluisoqarpat, kommunalbestyrelsep mianersoqqussuteqaqqaarani akuersissut arsaarinnissutigisinnaavaa.

§ 7. Aningaasanik ikisilluni pinnguaatip akuersissutigineqarsimasup piginnittua attartorneqarneraluunniit allanngorpata, pinnguaallu inissiivimmi akuersissuteqarfimmiitiinnarneqarluni, kommunalbestyrelse tamatumannga nalunaarfigineqassaaq. Kommunalbestyrelsep tamatuma kingorna qinnuteqartoqanngikkaluartoq piginnittortaamut attartortumulluunniit nutaamut akuersissummik tunniussaqassaaq, akuersissutip pigineqareersup naanissaata tungaanut atuuttussamik.

Imm. 2. § 5-imi aalajangersakkat taamatuttaaq atuupput.

§ 8. Aningaasanik ikisilluni pinnguaat akuersissutigineqarsimasoq allamut nuunniarneqarpat, kommunalbestyrelsemut nutaamik qinnuteqartoqassaaq.

Imm. 2. § 4-mi aamma § 5-imi aalajangersakkat taamatuttaaq atuupput.

§ 9. Inatsit una naapertorlugu kommunalbestyrelsep aalajangiineri sap. akunneri 4 qaangiutsinnagit naalakkersuisunut ingerlateqqinneqarsinnaapput.

§ 10. Akileraarut ukiumut 12.000 koruuniuvoq.

Imm. 2. Akileraarut kvartal-imut siumut 3.000 koruuninik akilerneqartassaaq, akiliiffigineqartassallutik 1 december, 1. marts, 1. juni aamma 1. september, akiliiffissarlu kingulleq tassaavoq qaammatip akiliiffissap ulluisa 10-at.

Imm. 3. Akileraarut piffissaagallartillugu akilerneqanngippat akiliinngitsoornermi akiuliut 400 koruuniuvoq.

Imm. 4. Inuk,kommunalbestyrelsep akuersissutaani nalunaarsorneqarsimasoq, akiligassap akilerneqarfissaa nallerpat akileraarutip akilernissaanut akisussaavoq. Aningaasanik ikisilluni pinnguaammik piginnittup attartortulluunniit, kommunalbestyrelsemit akuersissummik tunineqarsimasoq akileraarutip akilerneqarnissaanut akisussaaqatigaa.

§ 11. Akileraartussaaneq atuutilissaaq qaammatip, kommunalbestyrelsep akuersissuteqarfigisaata aallaqqaataaniit.

Imm. 2. Aningaasanik ikisilluni pinnguaat § 2-mik unioqqutitsilluni akuersissummik tunineqarsimanngitsoq ikkunneqarsimappat, piginnittoq piffissami akuersissuteqanngitsumik ikkussisimafíimmini akileraarummut akiliisinneqassaaq.

§ 12. Aningaasanik ikisilluni pinnguaat atorunnaartutut kommunalbestyrelsemut nalunaarutigineqarpat, akuersissut toqqorneqarallarpat, imaluunniit akuersissut arsaarinnissutigineqarpat, c.kileraarummut akiliutaavallaarsimasoq utertinneqassaaq, qaammammi atorunnaartutut nalunaarutiginerata, toqqorneqarallarnerata arsaarinnissutigineqarnerataluunniit tulliani qaammatip aallaqqaataaniit.

§ 13. § 10 naapertorlugu akileraarut aalajangersarneqarsimasoq qaammatip akiliiffissap naannginnerani akilerneqarsimanngippat, akuersissut atorunnaarsinneqassaaq.

§ 14. Inatsisip matuma atuutsinneqarnissaanut naalakkersuisut malittarisassiorsinnaapput.

Imm. 2. Naalakkersuisut Akileraartarnermi Pisortaqarfik piginnaatissinnaavaat inatsisip matuma atuutsinneqarnissaanut allaffitsigut ingerlariaasissat aalajangersarnissaannut.

§ 15. Inuk, pisortanut akileraanngitsoorumalluni, inatsimmik unioqqutitsilluni aningaasanik ikisilluni pinnguaammik ikkussisoq, imaluunniit aningaasanik ikisilluni pinnguaatip akuersissutaa utertinneqareersoq, arsaarinnissutigineqareersoq inaluunniit atorunnaareersoq pinnguaammik atortitsiinnartoq, akiliisinneqassaaq.

Imm. 2. Inatsisip matuna kingunerisaanik maleruagassianik unioqqutitsisoqarpat, akiliisitsinermik pineqaatissiinissamut aalajangersaasoqarsinnaavoq.

Imm. 3. Selskabit, peqatigiiffiit assigisaalluunniit unioqqutitsippata, selskabi peqatigiiffilluunniit tamarmiusoq imm. 1-imi aamma imm. 2-mi aalajangersakkat malillugu akisussaatinneqarsinnaavoq.

Imm. 4. Kommune imaluunniit kommunep ingerlataa unioqqutitsippat, kommune intc.luunniit kommunep ingerlataa imm. 1-imi aamma imm. 2-mi aalajangersakkat malillugit akisussaatinneqarsinnaavoq.

§ 16. Naalakkersuisut imaluunniit naalakkersuisut tamatumunnga piginnaatitaata, § 15, imm. 1 aamma imm. 2-mik unioqqutitsisoq neqeroorfigisinnaavaat suliassaq eqqartuussinertaqanngitsumik ingerlanneqarsinnaasoq, unioqqutitsisup unioqqutitsinini nassuerutigippagu aammalu piffissaq aalajangersimasoq, qinnuteqarnikkut sivitsorneqarsinnaasoq, qaangiutsinnagu akiligassiissutigineqartoq akilerumappagu.

Imm. 2. Imm. 1-imi neq?rooruteqarnissamut atatillugu Kalaallit Nunaanni eqqartuussisarnermik inatsimmik nalunaarummi kapitali 5-imi aalajangersakkat taamatuttaaq atuupput.

Imm. 3. Akiligassiissutigineqartoq piffissaagallartillugu akilerneqarpat akiligassiissutigineqareerneraniluunniit akilersinneqarpat, qanoq iliuuseqartoqaqqissanngilaq.

§ 17. Inatsisartut inatsisaat ingerlaannaq atuutilerpoq.

Imm. 2. Aningaasanik ikisilluni pinnguaat, inatsisip atuutilernerani ikkussorneqareersimasoq, kommunalbestyrelsemit akuersissutigineqartussatut qinnutigineqassaaq 1. september 1990 nallertinnagu.

Imm. 3. Kvartal-imut akileraarut siulleq akiligassan ngussaaq 1. december 1990-imi, akiliiffissatut killissa ritinneqarluni 10. december 1990.

Namminersornerullutik Oqartussat, 17. maj 1990

Moses Olsen

/

Emil Abelsen