Aningaasanik ikisilluni pinnguaatinut akileraarut pillugu Inatsisartut inatsisaanni nr. 3-mi 17. maj 1990-imeersumi, kingullermik Inatsisartut inatsisaatigut nr. 15-ikkut 3. november 1994-imeersukkut allanngortinneqartumi, § 14, imm. 1 aamma § 15, imm. 2 naapertorlugit aalaja-ngersarneqarput:

Kapitali 1
Aggortitsineq

§ 1. Aningaasaasanik aamma/imaluunniit pointinik "pinnguaatit aningaasanoorutinit" eqquinikkut pissarsianik aggortitsisoqarsinnaavoq taarsiinermi ataatsimi 1.500 kr.-t angullugit.
Imm. 2. Imm. 1 malillugu aningaasaasanik aamma/imaluunniit pointinik "pinnguaatit aningaasanoorutinit" eqquinikkut pissarsiat suliffeqarfimmi eqquiffiusumi nioqqutissanngorlugit pineqarsinnaapputtaaq.

§ 2. Aningaasaasat aamma/imaluunniit pointinik "pinnguaatit aningaasanoorutinit" eqquinikkut pissarsianik aggortitsisussaq tassaavoq aningaasanik ikisilluni pinnguaammik ikkussinissamut akuersissummik piginnittoq, eqquiniaasitsinermi akileraarutit pillugit Inatsisartut inatsisaat naapertorlugu tassaasoq eqquiniaasitsisoq.
Imm. 2. Aningaasaasanik il.il. aggortitsineq "eqquiniarnernut", "pinnguarnernut" il.il. naligitinneqassaaq.
Imm. 3. Aggortitsinermi tamani aningaasaasat aggortitat nalingat "eqqukkanut", "eqqukkamut", "eqqukkallu nalinganut" il.il. naligitinneqassaaq.
Imm. 4. Aningaasaasanik il.il. aggortitsinermik nalunaarutiginninnermi "pinnguaatit aningaasanoomtinit" eqquinikkut pissarsianik aggortitsineq pillugu allaffissiaq Akileraartarnermi Pisortaqarfimmit suliarineqarsimasoq nassiunneqassaaq.

Kapitali 2
Qassinik ukioqarnissamik piumasarisaq

§ 3. Aningaasanik ikisilluni pinnguaammik ikkussinissamut akuersissummik piginnittoq "pinnguaatit aningaasanoorutit" ikkussorneqarsimasut qanittunnguani isersimasut takulertorsinnaasaanni allagartaliissaaq, tassuuna takuneqarsinnaanngorlugu "pinnguaatit aningaasanoorutit" 18-inik ukioqalersimanngitsunut atoqqusaannginnerat.
Imm. 2. Aningaasanik ikisilluni pinnguaammik ikkussinissamut akuersissummik piginnittoq pisussaavoq inimi "pinnguaatit aningaasanoorutit" ikkussorneqarsimasut 18-inik ukioqalersimanngitsunit atorneqannginnissaanut qulakkeerinissamut.

Kapitali 3
Allagartanik uppernarsaatissaqarmssamut pinnguarnerullu qanoq aaqqissuussaanissaanut piumasarisat

§ 4. Aningaasanik ikisilluni pinnguaammik ikkussinissamut akuersissummik piginnittup kingusinnerpaamik "pinnguaatip aningaasanoorutip" ullormi ikkunneqarfigisaani "pinnguaat aningaasanoorummik" inissiinini uppernarsaatissaqartissinnaassavaa Dansk Teknologisk Institutimit, Force Institutinit imaluunniit laboratoriamit akuerisaasumit allamit nalunaarummik.
Imm. 2. Nalunaarutip imm. 1-imi taaneqartup uppernarsassavaa "pinnguaatip aningaasanoorutip" piumasarisanik makkuninnga naammassinnissimanera:
1) aningaasap ikisap periarnermi ataatsimi 1 kr. sinnersimassanngikkaa.
2) aningaasap ikisap aningaasanik pissarsissutaasinnaannginnissaa.
3) pinnguaat innaallagiaq atorlugu aqutaappat aningaasaasanik pissarsisitsissutaasinnaannginnissaa.
4) periarnermi ataatsimi eqqukkat 750 koruuninit amerlanerusinnaannginnissaat.
5) eqqukkat eqqugassat "pinnguaat aningaasanoorummi" allattorsimaffianniittunut naapertuuttuunissaat.
6) ilisarnaqutserneqarsimassasoq laboratoriamit akuerisamik, aserorneqartinnagu peerneqarsinnaanngitsumik, tassani allassimassallutik "pinnguaatip aningaasanoorutip" aqqa normualu kiisalu qaammat ukiorlu misilinneqarfia, aamma
7) indekshjuli imaluunniit atortut (komponentit) innaallagiaq atorlugu programminik aqutsisut laboratoriamit akuerisamit aqerlumik naqissuserneqarsimassasut qaammat ukiorlu misilinneqarfia nalunaarlugit.
Imm. 3. Imm. 2-mi, nr. 7-imi taaneqartutut komponentinik innaallagissamik atuisunik ikkussinermi aningaasanik ikisilluni pinnguaammik inissiinissamut akuersissummik piginnittup imm. 1-mi taaneqartutut uppernarsaatissaqartissinnaassavaa "pinnguaat aningaasanoorummi" inissinneqartumi komponentimik innaallagissamik atuisumik ikkussinemp immini sunniuteqannginnissaa piumasarisanik imm. 2-mi nr. 1-imit 4-mut taaneqartunik sumiginnaanissamut.
Imm. 4. Topspilinik imaluunniit fjernbetjeninginik ikkussinerni imm. 3-mi taaneqartut assigalugit komponentinik innaallagiaq atorlugu programminik aqutsisunik qarasaasiamullu programminik tamatumuunakkut ikkunneqartunik upernarsaasiisoqarsinnaasariaqarpoq.
Imm. 5. Uppernarsaatit imm. 1-imi, 3-mi 4-milu taaneqartut aningaasanik ikisilluni pinnguaammik ikkussinissamut akuersissummik piginnittup paarissavai misissuisussaatitaasumilli takorusunneqarpatatakuteriaanaasariaqassallugit.
Imm. 6. Imm. 3-mi taaneqartunik komponentinik innaallagissamik atuisumik, "pinnguaatit aningaasanoorutinik" iluarsartuusinerit assigisaalluunniit saniatigut atortualunnik allanik ikkussinermi imm. 1 aamma 3 naapertorlugit uppernarsaaseqqiisoqassanngilaq.
Imm. 7. Nalunaarutinik imm. 1-imi, 3-mi 4-milu taaneqartunik pissarsiniarnermut takutitsinissamullu aningaasartuutit aningaasanik ikisilluni pinnguaammik ikkussinissamut akuersissummik piginnittup akilissavai.

§ 5. Aningaasanik ikisilluni pinnguaammik ikkussinissamut akuersissummik piginnittup "pinnguaatit aningaasanoorutit" ikkussorsimasani taakkununngalu topspilit fjernbetjeningillu ikkunneqarsimasinnaasut ilanngullugit § 4-mi, imm. 2-mi, nr. 1-imit 6-imut piumasarisanik sukkulluunniit naammassinninnissaat akisussaaffigissavai.

Kapitali 4
Naatsorsuutit, paasisitsisussaassuseq nakkutilliinerlu

§ 6. Inini "pinnguaatit aningaasanoorutit" inissinneqarfigisaanni tamani aningaasanik ikisilluni pinnguaammik ikkussinissamut akuersissummik pigisaqartoq pisussaavoq "pinnguaatit aningaasanoorutit" atorlugit tunisat (aningaasat kaaviiaartitat) Akileraartarnermi Pisortaqarfiup maleruagassiai malillugit naatsorsuusiornissamut.
Imm. 2. Aningaasanik "pinnguaatit aningaasanoorutinut" ikisanik imaarsinerit tamaasa imaluunniit pinnguarnermut aningaasanik akiliutigineqartunik utertitsinerni tunisat allanneqartassapput naatsorsuutinut imm. 1-imi taaneqartunut.
Imm. 3. Kvartalit 1. januar, 1. april, 1. juli aamma 1. oktober aallartittut naaneri tamaasa naatsorsuutinut imm. 1-imi taaneqartunut allattorneqartut Akileraartarnermi pisortaqarfimmut nassiunneqassapput. Naatsorsuutit Akileraartarnermi Pisortaqarfimmi tiguneqareersimasassapput kingusinnerpaamik kvartalip naareernerani qaammatip tulliuttup naanerani.

§ 7. Akileraartarnermi Pisortaqarfik sukkulluunniit misissuiartorsinnaavoq.
Imm. 2. Aningaasanik ikisilluni pinnguaatinik ikkussinissamut akuersissummik pigisaqartut pisussaapput Akileraartarnermi Pisortaqarfimmeersut misissuineranni ikiussallugit.
Imm. 3. Akileraartarnermi Pisortaqarfimmeersut misissuiartorlutik isersimanerminni akornusersorneqarnatik aningaasanik ikisilluni pinnguaatinik inimiittunik tamanik misissuisinnaatitaassapput.
Imm. 4. Akileraartarnermi Pisortaqarfmp pisortat allat oqartussaasut imaluunniit allat piginnaatissinnaavai, Akileraartarnermi Pisortaqarfimmik suleqateqarnikkut ilitsersorneqarnikkullu, misissuinerit imm. 2-mi 3-milu taaneqartut ingerlanneqarnissaanut.

Kapitali 5
Pineqaatissiinerit atulersiîsinermillu aalajangersakkat

§ 8. Nalunaarummi uani § 1-imik, § 3-mik, § 4, imm. 1-imik aamma imm. 3-miit 5-mut, § 5-imik, § 6-imik aamma § 7, imm. 2-mik 3-millu unioqqutitsisoqartillugu Akileraartarnermi Pisortaqarfiup kommunalbestyrelse peqqusinnaavaa aningaasanik ikisilluni pinnguaammik ikkussinissamut akuersissummik pigisaqartumut aningaasanik ikisilluni pinnguaammik ikkusinissamut akuersissutit tamaasa pisariaqanngitsumik kinguartiterinani erniinnarluinnarlu atulersussamik arsaarinnissutigeqqullugit.

§ 9. Kinaluunniit piaaraluni mianersuaalliorujussuarluniluunniit § 1-imik, § 3-mik, § 4, imm. 1-imik aamma 3-miit 5-mut, § 5-imik, § 6-imik kiisalu § 7, imm. 2-mik 3-millu unioqqutitsisoq akiliisinneqarsinnaavoq.
Imm. 2. Akiliisitsissut allaffissornikkut nalunaarutigalugu akuersissutigineqarsinnaanngilaq.

§ 10. Naiunaarut una atortuulissaaq ullormi 1. januar 1997-imi.
Imm. 2. Tamatumunnga peqatigitillugu "tillinniat illuinnarmik talillit" pillugit Namminersornerullutik Oqartussat nalunaarutaat nr. 45, 5. december 1994-imeersoq atorunnaarsinneqarpoq.
Imm. 3. Nalunaarsuiffiit, nalunaarut imm. 2-mi taaneqartoq naapertorlugu Akileraartarnermi Pisortaqarfímmit atsiorlugit uppernarsarneqarsimasut, atorsinnaapput piuumasaqaatinillu § 4, imm. 1-imi, imm. 2, nr. 6-imi aamma imm. 3-mi taaneqartunik naammassinnissimasutut isigineqassallutik.
Imm. 4. Komponentinik innaallagissamik atuisunik § 4, imm. 2, nr. 7-imi taaneqartunikikkussinermi aammalu topspilinik imaluunniit fjernbetjeninginik § 4, imm. 4-mi taaneqartunik ikkussinermi imm. 3-mi aalajangersagaq apeqqutaatinnagu § 4, imm. 3 aamma 4 naapertorlugit uppernarsaasiisoqarsinnaasariaqarpoq.

Namminersornerullutik Oqartussat, ulloq 17. december 1996.

Daniel Skifte

/

Kaare Hagemann