§ 1

Aningaasanik ikisilluni pinnguaatinut akileraarut pillugu Inatsisartut inatsisaanni nr. 3, 17. maj 1990-imeersumi, ilaatigut Inatsisartut inatsisaatigut nr. 15, 3. november 1994-imeersukkut aammalu Inatsisartut inatsisaatigut nr. 9, 21. oktober 1998-imeersukkut kingullermik allanngortinneqartumi makku allannguutigitinneqarput:

1. § 10, imm. 1, nr. 1 ima allassimassaaq:
"aningaasanik ikisilluni pinnguaammut pissarsissutaasinnaasumut pigisamut siullermut 59.000 kr.-it, pigisap aappaanut 65.000 kr.-it kiisalu pigisanut tulliuttunut tamanut 71.000 kr.-it."

2. § 10, imm. 1, nr. 2 ima allassimassaaq:
"aningaasanik ikisilluni pinnguaammut pissarsissutaasinnaanngitsumut pigisamut siullermut 5.460 kr.-it, pigisap aappaanut 6.540 kr.-it kiisalu pigisanut tulliuttunut tamanut 7.630 kr.-it."

§ 2

Inatsisartut inatsisaat atuutilerpoq ulloq 30. november 2003, siullermeerlunilu sunniuteqassalluni 2004-mi januarip kvartaliani akileraarummut, ulloq 1. december 2003-mi akilerneqartussanngortussamut.

Namminersornerullutik Oqartussat, ulloq 7. november 2003

/

Josef Motzfeldt