Suliffissarsiussisarneq pillugu Inatsisartut peqqussutaanni nr. 11 ulloq 16. december 1988-imeersumi § 5, imm. 4, § 8, imm. 3 kiisalu § 12, imm. 2, aamma Kalaallit Nunaannut suliffissarsiortut killilersimaarneqamissaat pillugu Inatsisartut. inatsisaanni nr. 18 ulloq 16. december 1988-imeersumi § 8 naapertorlugit aalajangersarneqarpoq:

Suliffissanik innersuussisarneq

§ 1. Kommunalbestyrelsip isumagissavaa sulisitsisut suliffissarsiortullu Kalaallit Nunaanni suliffissarsiuussisarnermik ilitsersuunneqarnissaat, tamatumanissaaq suliffisarsiortut killilersimaarneqarnissaannik malittarisassanik.

§ 2. Suliassanik innersuussineq pisassaaq suliassap suuneranik tunngavissarititaanillu naliliineq suliffissarsiortumut paasissutissat, tamatumani ullut ukiullu kisitsisillu allat inummut namminermut tunngassuteqartut, ilinniarnermik inuutissarsiummillu ingerlatsisimaneq kiisalu peqqissutsimut paasissutissat tamaasa ataatsimut ataqatigiissillugit.
Imm. 2. Suliffissarsiortoq inuttut atukkaminik peqqissutsiminillu peqquteqarluni suliassamik akornuteqarani pissarsisinnaanngikkaangat akornutaasunik qaangiiniarnermi suliffissarsiuussisarfiup inunnik isumaginniffeqarfik suleqatigisassavaa.

§ 3. Sulisitsisumut sullivimmulluunnit sulisussanik innersuussineq pisassanngilaq
1) sullivik, uppernaisaatissat naammattut tunngavigalugit, suliumajunnaarnermit sulisitsisulluunniit sulisartuminrik sulisitsiumajunnaamerannit eqqorneqaraangat, inatsisinik unioqqutitsiffiusuutitaanngippat, imaluunniit
2) sullivik soqutigittaalliorujussuarnini peqqutigalugu Sullivinnik Nakkutilliisoqarfimmit peqqussuteqarfigineqarnerminik malinnissimanngikkaangat.
Imm. 2. Suliffissarsiuussisarfiup sullivik imm. 1-p immikkoortortaanit 2-mit eqqugaasimanersoq tunngavissaqartumik nalornisoorfigissagaluaruniuk Sullivinnik Nakkutilliisoqarfik saaffigisassavaa.

Kommunit akunnerminni suliffissarsiuussisarnerat

§ 4. Sulisussat sumiinnertik naapertorlugu nikissinnaassusiat iluaquserumallugu kommunit suliffissarsiuussisarfii suleqatigiissapput.

§ 5. Kommunimi atorfimmut inuttassarsiukkamut suliffissarsiortunik naammattunik piginnaassusilinnik innersuussassaqanngikkaanni, § 2 takuuk, suliffissarsiuussisarfiup suliassamik innersuussut ullut sisamat qaangiutinnginneranni kommunini allani suliffissarsiuussisarfinnut telexerutigissavaa imaluunniit aqqutit allat allakkiorluni saaffiginnissutigilertorneqarsinnaasut atorlugit. Saaffiginnissutip imarissavai atorfiup suunera, tunngavittut piumasarisaasut, atorfiup pinissaanut inissaqartitsisoqarnersoq kiisalu angalanermut aningaasartuutit sulisitsisumit akilerneqassanersut.

§ 6. Innersuussutigalugu nalunaarutigineqartuptiguneraniit ullut sisamat qaangiutsinnagit kommunip tigusisup kommuni nassitsisoq nalunaarfigissavaa sulisussamik atorsinnaasumik innersuusnutissaqartoqarnersoq.

§ 7. Suliassamik innersuussutip nunaqarfimmit nikittariaqalerneq kingunerissappagu sulisitsisoq pisussaavoq sulisussanik avataaneersunik pisarnertulli Kalaallit Nunaanneersumut inissaqartitsissalluni angalanermilu aningaasartuutit akilissallugit.
Imm. 2. Piffissani immikkut ittuni suliffissaq ataavartuuppat qinnuteqarnikkut aningaasanik inatsimmi atugassatut immikkoortitaasut iluanni angalanermut aningaasartuutit naammaginartumik naleqqussusillit Naalakkersuisunit akilerneqarsinnaapput.
Imm. 3. Imm. 2 naapertorlugu qinnuteqaat kommunimi suliffissarsiuussisarfik aqqutigalugu Naalakkersuisunut tunniunneqassaaq.

Suliffissarsiortut killilersimaarneqarnissaat

§ 8. Atorfiit ataani taagorneqartunut atorfinnut immikkoortitikkat sulisussairik Kalaallit Nunaanneersumik imaluunniit sulisussamik imnikkut ittumik Kalaallit Nunaannut attuumassutilimmik inuttalersinnaanngikkaanni sulisitsisoq pisussaavoq sulisussamik avataaneersumik atorfinitsitsinissamut akuersissummik qinnuteqassalluni. Nunamilu umiarsuarnilu assartuutini atorfinni makkunani atorfinitsitsinissamut akuersissutissaq atorfinitsitsinnginnermi qinnutigineqassaaq:
1) atorfinni suliamik ilinniagaqarsimanngitsunik inuttalerneqarsinnaasuni,
2) atorfinni suliassamut naapertuuttumik ilinniagaqaqqaarluni atorfiniffigineqarsinaasuni imaluunniit Siamasissumik Tunngaviusumik Ilinniartitaaneq atorlugu ilinniagaqaqqaarluni atorfiniffigineqarsinnaasuni,
3) atorfinni annerusumik soorlu perorsaasutut isumaginninnermiluunniit siunnersortitut ilinniagaqaqqaarluni atorfiniffigineqarsinnaasuni,
4) atorfinni imarsioinerup tungaatigut annertunerusumik ilinniagaqaqqaarluni atorfiniffigineqarsinaasuni.

§ 9. Suliffissarsiuussisarfik aqqutigalugu kommunimi suliffissaqartitsinermut ataatsimiititaliamut sulisussanik avataaneersunik atorfinitsitsinissamut akuerineqarnissamik qinuteqaat immikkut immersugassiaq atorlugu sulisitsisumit qinnuteqaatigineqassaaq.
Imm. 2. Immersugassami qinnuteqarfissamipaasissutissat makku oqaatigineqassapput:
1) Sulliviup aqqa, sumiiffia sulisitsisutullu normu,
2) suliap suntut tunngasuunera,
3) atorfiup qinnutigineqartup taaguutaa imaataluallaaserineqarnera,
4) pisinnaassutsimut piukkunnassutsimullu piumasarineqartut,
5) atorfeqartitaanissap sivisussusissaa sapaatillu akunneranut sulisarnissap piffissaa,
6) atorfininnissami aningaasartuutissat, ineqamissaq akissarsiassanullu tunngassuteqartunutpillugit paasissutissat,
7) atorfiup sulisartumit kalaaliusumit pineqamissaa pillugu iliortoqarsimaneranik paasissutissat,
8) inuup atorfimmik atorfinitsinneqalersaartup, tamanna ilisimaneqalersimappat, aqqa kiisalu
9) inuup atorfimmi atorfinitsinneqalersaartup Kalaallit Nunaannut attuumassutigisinnaasaa.
Imm. 3. Sulisartoq kalaaliusoq sulisitsisup itigartissimagunik, imm. 2, nr. 7 takuuk, qinnuteqaat itigartitsinermut tunngaviliussamik imaqassaaq.

§ 10. Pisinnaassutsimut piukkunnassutsimullu piumasarineqartut atorfiup imarpiaanut naapertuutissapput suliassallu iluani piumasarisaasunut sippuisoqassanani.

§ 11. Sulisumik avataaneersumik atorfinitsitsinissamik akuerineqarnissamik qinnuteqaat suliffissarsiuussisarfiup tiguguniuk atorfimmut sulisartumik kalaaliusumik imaluunnit sulisussamik Kalaallit Nunaannut immikkut ittumik attuumassuteqartuntik atorfimmut piukkunnaateqartumik innersuussisoqarsinnaanersoq, inatsisip §-ia 4 takuuk, misissussavaa. Innersuussineq pissaaq Nalunaarutip §§-ii 1-3-miittut malittarisassatut aalajangersakkat naapertorlugit.

§ 12. Suliffissaqartitsinermut ataatsimiititaliap sulisumik avataaneersumik atorfinitsitsinissamik akuerineqarnissamik qinnuteqaammik itigartitsissut nalunaarutigissavaa atorfik sulisartumut kalaaliusumut atorfimmut piukkunnaateqartumut innersuussutigineqarsinnaappat. Tassunga peqatigitillugu suliffissarsiuussisarfiup sulisartoq pineqartoq silisitsisumut innersuutissavaa.
Imm. 2. Itigartitsissut immersuiffissakkut immikkut tassunga atugassiaasukkut piaarnerpaamik kingusinnerpaamillu qinnuteqaatip kommunimit tiguneqarneraniit ullut 14-it qaangiutinnginneranni nalunaarutigineqassaaq.

§ 13. Suliffissarsiuussisarfimmit pineqartumitsuliffissarsiuussisarfinnilluunniit allanit sulisussamik piukkunnaateqartumik innersuussisoqarsinnaanngikkaangat suliffissaqartitsinermut ataatsimiititaliap sulisumik avataaneersumik atorfinitsitsinissamik akuerineqarnissamik qinnuteqaammut akuersissut nalunaarutigisassavaa.
Imm. 2. Akuersissut immersuiffissakkut immikkuttassunga atugassiaasukkut piaarnerpaamik kingusinnerpaamillu qinnuteqaatip tigunegarneraniit ullut 14-it qaangiutinnginneranni nalunaarutigineqassaaq.

§ 14. Akuersissut piffisamik qinnutigisamik sippuisinnaanngilaq.
Imm. 2. Atorfimmut ataavartumik atorfigitikkusutamut akuersissut piffissami aalajangersimasumik sivisussusilimrni atuuttussanngortinneqarsinnaavoq, inatsisip § 6-ia, imm. 2 takuuk. Piumasarineqartoq tassaavoq akuersissutip atuuffiani qularnaallineqarsinnaassammat siunissami sulisussat pineqarsinnaasut allanngornissaat.
Imm. 3. Akuersissut piffissami aalajangersimasumik sivisussusilimmi atuuttussanngortitaq qinnuteqaqqinnikkut sivitsorneqarsinnaavoq.

§ 15. Sulisitsisoq suliffissaqartitsinermut ataatsimiititaliap inatsisip § 6-ia naapertorlugu aalajangiussaanik Naalakersuisunut maalaarutiginninniaruni maalaarutini allakkat puuannut nalunaaqutsikkamut ikillugu Naalakkersuisunut nassiutissavaa.

§ 16. Suliffissaqartitsinermut ataatsimiititaliap qinnuteqaatit aamma akuersissutit tunniussat kiisalu suliffissarsiortut suliffissarsisamerat tunuartamerannillu nalunaarutaasartut nalunaarsussavai. Taamattaaq suliffissaqartitsinermut ataatsimiititaliap suliffissanik ilisimaarinninnini tunngavigalugu kiisalu pisortat ingerlatsiviinik suleqateqarnermigut sianigissavaa inatsisip aalajangersagai malinneqarnersut.

§ 17. Suliffissaqartitsinermi ataatsimiititaliap sulisitsisut paasissutissanik nakkuninnga piffigisinnaavai:
1) suliap imaanik tunngavigisaanillu, tantatumanissaaq sulliviup suleriaasiinik, piffissamik suliffiusartumik, pissutsini akissarsianut ineqartitsinermullu tunngassuteqartuni,
2) sulisoqassuseq sulisinnaasunillu pisariaqartitsineq, tamatumanissaaq piginnaassutsit agguataarneqarnerat,
3) sulisorisat sulisartut kalaaliusut avataaneersullu qanoq agguataarsimanerat, kiisalu
4) suliamik taamaatitsinermut peqqutaasut suliffissaqanngitsunut sulisussarsiortunut siusinnerusukkut suliffiusimasinnaasuni.

§ 18. Suliffissaqartitsinermi ataatsimiititaliap suliassat periarfissiissutaasut kiisalu sulisussanik avataaneersunik atorfinitsitsinissamut akuerineqamissamik qinnuteqaatit naatsorsuusiorlugit nalunaarusiussavai, nalunaarusiallu pisortaqarfimmut pineqartunik suliaqartumut nalunaarutigalugit.
Imm. 2. Suliffissaqartitsinermi ataatsintiititaliap suliffissarsiortut saaffiginnissutaat sulisoqassutsillu katitigaanera kiisalu suliat suunerannut sulliviillu angissusiinut agguataarnerat naatsorsuusiorsinnaavai. Suliap assilineqarnera pisortaqarfimmut pineqartunik suliaqartuntut nassiunneqassaaq.
Imm. 3. Pisortaqarfiup pineqartunik suliaqartupimm. 1-imi aamma imm. 2-mi nalunaarutigineqartussatut taaneqartut najoqqutassaata ilusissaat aalajangersaavigissavaa.

Suliffissaqartitsiniarneq

§ 19. Suliffissaqartitsinermi ataatsimiititaliap suliffissaqarnerup ineriartornera malittarissavaa tamannalu tunngavigalugu ataqatigiissiterillunilu suliffissaqarnermi illuatungeriit qaninnerusoq ungasinnerusorlu eqqarsaatigalugit nunagisami suliffissanik pitsanngorsaanerit annertusaanerillu pillugit suleqatigissallugit.

§ 20. Suliffissaqartitsinermi ataatsimiititaliap suliffinnik pilersitsiortorrikkut suliffissaqartitsiniarlurti qanoq iliuusissat qularnaarumallugit pilersaarusiussavai, aammalu taamaaliornikkut sulisussat piginnaasusiat nukittorsarumallugu.
Imm. 2. Imm. 1-imi taaneqartut qanoq iliuusissat pillugit Namminersornerullutik Oqartussat Nalunaarutaat nr. 20 ulloq 20. juni 1986-imeersoq naapertorlugu tapiissutissat qinnutigineqarpata pilersaarutit suliarineqassapput bygderådit tusarniaffigereerlugit kommunalbestyrelsimullu siunnersuutitut nassiunneqarlutik.

Atortuulerfissaq

§ 22. Nalunaarut una atuutilissaaq 1. oktober 1990.

Namminersornerullutik Oqartussat, ulloq 18. september 1990.

Jens Lyberth

/

Ejvind Christoffersen