Kalaallit Nunaata Inatsisartuinut immikkut qinersisoqarnissaa pillugu Inatsisartut inatsisaat nr. 1, 17. april 2009-meersoq
§ 1. Marlunngornermi 2. juni 2009-imi Kalaallit Nunaata inatsisartuinut qinersisoqassaaq.
§ 2. Kalaallit Nunaanni Inatsisartunut qinersisarneq pillugu Inatsisartut inatsisaanni nr. 9, 31. oktober 1996-imeersumi, Kalaallit Nunaanni Inatsisartunut qinersisarneq pillugu Inatsisartut inatsisaata allanngortinneqarneranik Inatsisartut inatsissaatigut nr. 10, 30. oktober 1998-imeersukkut allanngortinneqartumi, maleruagassat § 1-ip malitsigisaa allaassutigalugu malinneqassapput.
§ 3. Qinersisartut Kalaallit Nunaat qimallugu najugaqalerallartut aammalu Kalaallit Nunaanni Inatsisartunut qinersisarneq pillugu Inatsisartut inatsisaanni § 2-mi piumasaqaatinik eqquutsitsisut qinersinissaq sioqqullugu kingusinnerpaamik 12. maj 2009-mi tamanna pillugu aalajangiisoqarsimappat Inatsisartunut qinersinermi qinersisussat allattorsimaffiannut ilanngunneqassapput."
§ 4. Inatsisartut inatsisaat 17. april 2009 atuutilissaaq.
Namminersornerullutik Oqartussat, ulloq 17. april 2009
Hans Enoksen/
Søren Stach Nielsen
Siullermeerinninnermut siunnersuut
Isumaliutissiissut (Aappassaaneerinninneq)
Aappassaaneerinninnermut allannguutissatut siunnersuut (akuerineqartoq)