17. april 2009 UPA 2009/112
Uunga
allannguutissatut siunnersuut
Uunga siunnersuut: Kalaallit Nunaata Inatsisartuinut immikkut qinersisoqarnissaa pillugu Inatsisartut inatsisaat nr. xx, 17. april 2009-imeersoqAappassaaneerinermut Inuit Ataqatigiinnit, Demokraatinit aammalu Katusseqatigiit Partiiannit saqqummiunneqartoq.
Paragrafi nutaaq1. § 2-p kingorna paragrafitut nutaatut una ilanngunneqassaaq:
" § 01. Qinersisartut Kalaallit Nunaat qimallugu najugaqalerallartut aammalu Kalaallit Nunaanni Inatsisartunut qinersisarneq pillugu Inatsisartut inatsisaanni § 2-mi piumasaqaatinik eqquutsitsisut qinersinissaq sioqqullugu kingusinnerpaamik 12. maj 2009-mi tamanna pillugu aalajangiisoqarsimappat Inatsisartunut qinersinermi qinersisussat allattorsimaffiannut ilanngunneqassapput."
Allannguutissatut siunnersuummut nassuiaatit
Nalinginnaasumik nassuiaatit
Kalaallit Nunaanni Inatsisartunut qinersisarneq pillugu Inatsisartut inatsisaanni § 20, imm. 5-imi sapaatit akunnerinik arfinilinnik piffissaliussaq allannguutissatut siunnersuutikkut sanioqqunneqarpoq, taamaalilluni qinersisartut Kalaallit Nunaat qimallugu najugaqarallartut, (tassunga ilanngullugit ilinniagaqartut) qinersisussat allattorsimaffiannut ilanngunneqarnissamut 12. majip tungaanut periarfissillugit.Sanioqqutsineq 2. juni 2009-mi Inatsisartunut qinersinermut taamaallaat atuutissaaq.
Siunnersuut tusarniaassutigineqanngilaq.
Siunnersuut aningaasaqarnikkut pisortanut killilimmik taamaallaat sunniuteqartussatut naatsorsuutigineqarpoq.
Allannguutissatut siunnersuummi aalajangersakkanut ataasiakkaanut nassuiaatit
Nr. 1-imutKalaallit Nunaanni Inatsisartunut qinersisarneq pillugu Inatsisartut inatsisaanni § 20, imm. 5-imi sapaatit akunnerinik arfinilinnik piffissaliussaq allannguutissatut siunnersuutikkut sanioqqunneqarpoq, taamaalilluni qinersisartut Kalaallit Nunaat qimallugu najugaqarallartut, (tassunga ilanngullugit ilinniagaqartut) qinersisussat allattorsimaffiannut ilanngunneqarnissamut 12. majip tungaanut periarfissillugit.
Sanioqqutsineq 2. juni 2009-mi Inatsisartunut qinersinermut taamaallaat atuutissaaq.
Inuit Kalaallit Nunaat qimallugu najugaqarallartut qinersisussat allattorsimaffiannut ilanngunneqarnissamut periarfissinneqartut kikkuusinnaanerannik siunnersuut allanngortitsinngilaq. Inuit taakku ilaatigut tassaapput ilinniagaqarneq imaluunniit peqqissutsimut tunngasut pissutigalugit Kalaallit Nunaata avataaniittut. Tamatumani Kalaallit Nunaanni Inatsisartunut qinersisarneq pillugu Inatsisartut inatsisaanni § 2 innersuussutigineqarpoq.