17. april 2009 UPA 2009/112
Kalaallit Nunaata Inatsisartuinut immikkut qinersisoqarnissaa pillugu Inatsisartut inatsisissaattut siunnersuut
pillugu
Inatsisartut Inatsisit Atortinneqarnerannut Ataatsimiititaliaata
ISUMALIUTISSIISSUTAA
Inatsisissatut siunnersuutip aappassaaneerneqarnerani saqqummiunneqartoq
Inatsisartut Inatsisit Atortinneqarnerannut Ataatsimiititaliaat suliarinninnermini kingullermik ukuninnga inuttaqarpoq:
Inatsisartunut ilaasortaq Godmand Rasmussen, Kristian Jeremiassenimut sinniisussaq, Atassut
Inatsisartunut ilaasortaq Aleqa Hammond, Otto Jeremiassenimut sinniisussaq, Siumut
Inatsisartunut ilaasortaq Anemarie S. Hansen, Inuit Ataqatigiit
Inatsisartunut ilaasortaq Vittus Mikaelsen, Siumut
Inatsisartunut ilaasortaq Johan Lund Olsen, Inuit Ataqatigiit
UPA 09-mi siullermeerinerup kingorna inatsisissatut siunnersuut matumani pineqartoq Inatsisartut Inatsisit Atortinneqarnerannut Ataatsimiititaliaata misissorpaa.
AallarniutQinersisartut Kalaallit Nunaat qimallugu najugaqalerallartut ulloq 2. juni 2009-mi Inatsisartunut qinersinermi qinersisussat allattorsimaffiannut ilanngunneqarnissamut pitsaanerusumik periarfissinneqarnissaat partiit akornanni kissaatigineqartoq inatsisissatut siunnersuutip Inatsisartunit siullermeerneqarlunilu aappassaaneerneqarnerani paasinarsivoq.
Allannguutissatut siunnersuusiornissaq siunertaralugu inatsisissatut siunnersuummik aappassaaneerineq unitsinneqarpoq.
Tamanna tunngavigalugu siunnersuut Inatsisit Atortinneqarnerannut Ataatsimiititaliamit suliarineqartussanngorlugu innersuunneqarpoq.
Allannguutissatut siunnersuutInatsisissatut siunnersuummut allannguutissatut siunnersuummik ataatsimiititaliami amerlanerussuteqartut saqqummiussipput, taamaalilluni Kalaallit Nunaanni Inatsisartunut qinersisarneq pillugu Inatsisartut inatsisaanni § 20 sapaatit akunnerinik arfinilinnik piffissaliussaq Inatsisartunut ulloq 2. juni 2009-mi qinersinermi sanioqqunneqarsinnaanngorlugu.
Allannguutissatut siunnersuut isumaliutissiissummut uunga ilanngussaq 1-titut ilanngunneqarpoq.
Ataatsimiititaliap inassuteqaataiAllannguutissatut siunnersuut maanna ilusimisut iluseqartoq akuersissutigineqassasoq ataatsimiititaliamit isumaqatigiittumit inassutigineqarpoq.
Allannguutissatut siunnersuutip akuersissutigineqarnerata kingorna inatsisissatut siunnersuut iluserilikkamisut iluseqartoq akuersissutigineqassasoq ataatsimiititaliamit isumaqatigiittumit inassutigineqarpoq.
Taama oqaaseqarluni Inatsisartut Inatsisit Atortinneqarnerannut Ataatsimiititaliaata siunnersuut aappassaaniigassanngortippaa.
Godmand Rasmussen,
Siulittaasoq
Aleqa Hammond
Anemarie S. Hansen
Vittus Mikaelsen
Johan Lund Olsen