Kalaallit Nunaanni namminersorneq pillugu siunnerfiliisumik innuttaasunik taasisitsinissaq pillugu Inatsisartut inatsisaat nr. 2, 21. maj 2008
§ 1. Kalaallit Nunaanni namminersornerup eqqunneqarnissaa pillugu innuttaasunik siunnerfiliilluni taasisitsisoqassaaq ulloq 25. november 2008.
§ 2.
Qinersisartut siunerfiliilluni innuttaasunik taasisitsinermi "Aap" imaluunniit "Naamik" akissutigissavaat, apeqqummut:Namminersorneq pillugu inatsisissatut siunnersuummi pineqartut tunngavigalugit namminersorneq eqqunneqassasoq isumaqatigaajuk?
§ 3.
Kinaluunniit ullormi taasisitsiviusumi Inatsisartunut qinersisinnaanermut piumasaqataasunik naammassinnissimasoq, aammalu inuit qinersisinnaanerannut allattorsimaffimmi nalunaarneqarsimasoq, - Kalaallit Nunaanni Inatsisartunut qinersisarnermi inatsit atuuttoq naapertorlugu -, taasisitsinermi peqataasinnaatitaavoq.§ 4.
Taasisitsinerup piareersarneqarnera, ingerlanneqarnera, taasisitsinerup inernerinik kisitsineq aamma inernerinik oqartussaasunut nalunaarutiginninneq kiisalu taasisitsineq il.il. pillugit maalaarutigineqartut, Kalaallit Nunaanni Inatsisartunut qinersisarneq pillugu Inatsisartut inatsisaat atuuttoq naapertorlugu ingerlanneqassaaq, qinersinermut ataatsimiititaliap nikingassutaasinnaasutut aalajangersagai ilanngullugit tunngavigalugit.§ 5. Taasisitsineq allakkatigut ingerlanneqassaaq, taasinissamut allagartami immikkut suliarineqarsimasumi, Naalakkersuisut suliniuteqarnerisigut pilersinneqartumi. Taasisitsinermut aallagartami naqinneqarsimassaaq "Siunnerfiliisumik innuttaasunik taasisitsineq", kiisalu taasissutigineqartut naqinneqarsimassapput; krydsiliiffissaqartumik "Aap" aamma "Naamik", kalaallisut danskisullu allassimasunik.
§ 6. Taasisitsinerup inernera Inatsisartunut saqqummiunneqassaaq, tassanilu aalajangerneqassaaq naalagaaffeqatigiinnermi oqartussaasunut saaffiginninnissaq, Folketingip Kalaallit Nunaanni namminersorneq pillugu inatsimmik akuersissuteqarnissaanik imaqartoq.
§ 7.
Inatsisartut inatsisaat atortuulersinneqarpoq 1. juni 2008.
Namminersornerullutik Oqartussat, ulloq 21. maj 2008
Hans Enoksen/
Kaj Kleist
Siullermeerinninnermut siunnersuut
Isumaliutissiissut (Aappassaaneerinninneq)
Isumaliutissiissut (Aappassaaneerinninneq)
Isumaliutissiissut (Aappassaaneerinninneq)
Aappassaaneerinninnermut allannguutissatut siunnersuut (akuerineqartoq)
Aappassaaneerinninnermut allannguutissatut siunnersuut (akuerineqanngitsoq)