Meeqqanik inuusuttunillu ikiorsiisarneq pillugu Inatsisartut peqqussutaata allanngor-tinneqarnera pillugu Inatsisartut peqqussutaat nr. 6, 5. december 2008-meersoq
(Pisariaqalerfiatigut nukinnik atuisinnaaneq pillugu malittarisassanik aalajangersaanissamut tunngaviissutaasumik aalajangersagaq)
§ 1
Meeqqanik inuussutunillu ikiorsiisarneq pillugu Inatsisartut peqqussutaat nr. 1, 15. april 2003-meersoq, kingullermik inatsisartut peqqussutaatigut nr. 9, 20. november 2006-imeersukkut allanngortinneqartukkut makkuninnga allannguuteqartinneqarpoq.
1. § 23 imm. 1, imatut oqaaseqartalerneqassaaq:
"Ulloq unnuarlu paaqqinniffiit pilersinneqarnissaannut, pisatsersornissaannut, siulersorneqarnissaannut ingerlanneqarnissaannullu aammalu paaqqinniffinni perorsaanermik suliaqarnermut aamma nakuuserneq pillugu malittarisassanik Naalakkersuisut aalajangersaassapput."2. § 26-ip kingornatigut immikkoortutut nutaatut ikkunneqassaaq:
"Meeqqanut inuusuttunullu ulloq unnuarlu paaqqinniffinni immikkoortortat isumannaallisakkat"
§ 26a. Naalakkersuisut meeqqanut inuusuttunullu ulloq unnuarlu paaqqinniffinni immikkoortortanik isumannaallisakkanik pilersitsisinnaapput, tamanna pisariaqartinneqarpat.
Imm.2. Meeqqanut inuusuttunullu ulloq unnuarlu paaqqinniffinni immikkoortortaq isumannaallisagaq tassaavoq, immikkoortortaq akuerineqarluni matunik silarlernik igalaanillu parnaarsimajuartitsiviusartoq.
Imm.3. Naalakkersuisut meeqqanut inuusuttunullu ulloq unnuarlu paaqqinniffinni immikkoortortani isumannaallisakkani naammattunik inissaqartitsinissaq nakkutigissavaat.
Imm. 4. Naalakkersuisut meeqqanut inuusuttunullu ulloq unnuarlu paaqqinniffinni immikkoortortanut isumannaallisakkanut sukumiinerusunik maleruagassiussapput.§ 26b. Meeqqat inuusuttullu politiinit tigummigallagaasut eqqartuunneqarsimasulluunniit meeqqanut inuusuttunullu ulloq unnuarlu paaqqinnittarfinni immikkoortortanut isumannaallisakkanut inissinneqarsinnaapput. Aalajangersagaq aamma atorneqassaaq meeqqat 12-nik – 15-nillu akornanni ukiulinnut, sakkortuumik pinerluuteqarsimasunut, aamma meeraq eqqarsaatigalugu inissinneqarnissaa piumasarineqavippat.
Imm. 2. Meeqqanut inuusuttunullu ulloq unnuarlu paaqqinnittarfimmi immikkoortortamut isumannaallisakkamut inissiineq, ulloq unnuarlu paaqqinnittarfiup tulleriissaarisartuanit akuerineqassaaq."
§ 2
Inatsisartut peqqussutaat atuuttuulissaaq 1. januar 2009.
Namminersornerullutik Oqartussat, ulloq 5. december 2008
Hans Enoksen/
Naja Petersen
Siullermeerinninnermut siunnersuut
Isumaliutissiissut (Aappassaaneerinninneq)
Aappassaaneerinninnermut allannguutissatut siunnersuut (akuerineqartoq)