15. august 2008 25. januar 2008 31.07.2007

UKA 2008/10 UPA 2008/39 UKA 2007/39

 

Meeqqanik inuusuttunillu ikiorsiisarneq pillugu Inatsisartut peqqussutaannik allanngortitsineq pillugu Inatsisartut peqqussutissaatut siunnersuut.
(Pisariaqalerfiatigut nukinnik atuisinnaaneq pillugu malittarisassanik aalajangersaanissamut tunngaviissutaasumik aalajangersagaq)

 

§ 1

Meeqqanik inuusuttunillu ikiorsiisarneq pillugu Inatsisartut peqqussutaat nr. 1, 15. april 2003-meersumi Inatsisartut peqqussutaanni nr. 9-mi, 20. november 2006-imi kingullermik allanngortinneqartumi imatut allannguisoqarpoq:

1. § 26-p kingorna immikkoortoq nutaaq ilanngunneqassaaq:

"Pisariaqalerfiatigut nukinnik atuineq

§ 26a. Taamaallaat nukinnik atuisoqarsinnaavoq, pisuni ataasiakkaani pissutsit tamanna allatut ajornarluinnartumik pisariaqalersippassuk.
Imm. 2. Immikkoortortani isumannaallisakkani unnuami ininik parnaarsuineq mattussinertut isigineqanngilaq.
Imm. 3. Nukinnik atuineq isumassuinermut, paaqqinninnermut isumaginninnermilu perorsaanikkut immikkut ikiorsiinermut qaqugukkulluunniit taarsiunneqassanngilaq.
Imm. 4. Meeqqat inuusuttullu angerlarsimaffimmik avataannut inissineqarnerini pisariaqalerfiatigut nukinnik atuisinnaanissamut piumasaqaatit pillugit Naalakkersuisut malittarisassiussapput."

 

§ 2

Inatsisartut peqqussutaat atuuttuulissaaq 1. januar 2008.

Namminersornerullutik Oqartussat, ulloq xx.xx. 2007

Hans Enoksen

/

Tommy Marų