Akileraaruserinermik ingerlatsineq pillugu Inatsisartut inatsisaata allanngortinnera pillugu Inatsisartut peqqussutaat nr. 12, 15. november 2007-imeersoq
(Aappariinnik ataatsimut akileraarusersuinerup atorunnaarnera naqeriikkamillu namminneerlunilu nalunaarusiorneq)
§ 1
Akileraaruserinermik ingerlatsineq pillugu Inatsisartut inatsisaanni nr. 11-mi, 2. november 2006-imeersumi, Inatsisartut inatsisaatigut nr. 3-ikkut, 26. april 2007-imeersukkut allanngortinneqartumi, makkua allanngortinneqarput:
1. § 10-mi allanngortinneqarpoq "aapparisami … ,nammineerluni nalunaarsuiffiata" "nammineq aapparisallu nammineerluni nalunaarsuiffiusoq"-nut2. § 16, imm. 3 aamma 4-mi, "1. marts" allanngortinneqarpoq "1. maj"-imut.
3. § 16-imi nutaatut imm. 4-p kingornagut nutaatut ilanngunneqarpoq:
"Imm. 5. Inuit ataasiakkaat nammineerluni nalunaaruteqarnissamut pisussaaffeqartut, nammineerluni nalunaarsuinermi immersugassamik akileraaruserivimmit immersoriigaasumik tigusaqartut, nammineerluni nalunaarusiamik nassitsinngissinnaapput, paasissutissat atorneqarsimasut eqqortuullutillu tamakkiisuuppata, § 17 naapertorlugu."Imm. 5 taamaasilluni imm. 6-inngussaaq.
4. § 30, imm. 1, nr. 4-mi, "..telefonillu assigisaallu" kingornatigut ilanngunneqassaaq "..kiisalu malittarisassat Naalakkersuisunit aalajangersagaasut malillugit, tamakkua nalingi"
5. § 33-p kingornatigut ilanngunneqassaaq:
"§ 33 a. Naalakkersuisut malittarisassanik aalajangersaasinnaapput, kommunit aammalu Namminersornerullutik Oqartussat kajumissaarneqanngikkaluarlutik namminneerlutik aalisarnermit, piniarnermit, aallaaniarnermit, savaateqarnermit, eqqumiitsulianik sanalukkanillu tunisassianit tunisat pillugit paasissutissanik ukiut tamaasa akileraaruserivik tunisassagaat, tunisinermi isertitat pissarsisumut B-mik isertitatut isertitaagaangata, aammalu angallammik, qimussimik angallummulluunniit allamut attartornermut aningaasartuutit, attartornermut isumaqatigiissut ingerlatseqatigiiffimmut, peqatigiiffimmut assigisaannulluunniit, isumaqatigiissutaanngikkaangat.
Imm. 2. Naalakkersuisut malittarisassanik aalajangersaasinnaapput, translatørinut, nutserisunut, oqalutsinut assigisaannullu akissarsianik A-mik akileraarusigaasimanngitsunik akiliisimasup, kajumissaarneqanngikkaluarluni nammineq tamanna pillugu paasissutissanik ukiut tamaasa akileraaruserivik tunisassagaa.
Imm. 3. Naalakkersuisut malittarisassanik aalajangersaasinnaapput, akiliunneqarluni angerlarsimaffigisamut angalanermut namminersortumi pisortanilluunniit atorfeqartumut tapiissuteqartup, kajumissaarneqanngikkaluarluni nammineq, tapiissuteqartup tapiissummillu tigusaqartup akornanni atorfinnitsitsineqarsimanngikkaluarpalluunniit, tapiissut akilerneqartoq pillugu paasissutissanik ukiut tamaasa akileraaruserivik tunisassagaa.
Imm. 4. Naalakkersuisut malittarisassanik aalajangersaasinnaapput, imm. 1-imiit 3-mut pineqartunik nalunaarutit pissarsisup, attartortitsisup, translatørip assigisaasalu tapiissutinik assigisaannillu tigusaqartuusut, Naalakkersuisut naliliinerat malillugu akileraarusiinissamut akileraarutillu naatsorsorneqarnissaannut pisariaqartunik, kinaassutsimut paasissutissanik imaqassasut. Naalakkersuisut tamatumani pissarsisup, attartortitsisup, translatørip assigisaasalu, tapiissutinik tigusaqartuusut kinaassutsimut tunngasunik paasissutissiissutit eqqortuunerannik nalunaaruteqarnissamut pisussaaffeqartumut qularnarunnaarsitsinissamut pisussaaffeqartut malittarisassanik aalajangersaasinnaapput.§ 33 b. Naalakkersuisut malittarisassanik aalajangersaasinnaapput, kommunit Namminersornerullutik Oqartussallu inuuniarnermut tapiissutit, tapiissutinik pisassaqartuusut sinnerlugit akilersinneqarsimasut pillugit paasissutissanik ukiut tamaasa kajumissaarneqanngikkaluarlutik namminneq akileraaruserivimmut tunniussisassasut.
§ 33 c. Naalakkersuisut malittarisassanik aalajangersaasinnaapput, suliatigut peqatigiiffiit kaammattorneqanngikkaluarlutik namminneq ukiut tamaasa qaamatisiutit malillugit ukiumi kingullermi ilaasortanit akiliutit pissarsiarineqarsimasut pillugit paasissutissanik akileraaruserivimmut tunniussisassasut.
Imm. 2. Nalakkersuisut malittarisassanik aalajangersaasinnaapput, peqatigiiffiit allat suliffeqarfiillu suliffeqarnermi imm. 1-imi taaneqartut saniatigut ukiut tamaasa kajumissaarneqanngikkaluarlutik namminneq qaammatisiutit malillugit ukiup siuliani ilaasortanit akiliutit, aningaasaliisut assigisaallu tapiissutinik tunniussaqartut pillugit paasissutissanik akileraaruserivimmut tunniussisassasut. nalunaaruteqarnissamut imm. 1 naapertorlugu pisussaaffik pillugu erseqqinnerusumik malittarisassanik aalajangersaasinnaapput, tamatumani nalunaarutit ilaasortat ataasiakkaat kikkuunerinut tunngasumik paasissutissanik imaqassasut aammalu suliatigut peqatigiiffiup nalunaaruteqarneq pillugu ilaasortamut ilisimatitsinissamut pisussaaffeqarnera pillugu.
Imm. 3. Naalakkersuisut malittarisassanik aalajangersaasinnaapput, imm. 1-imi sulinermi peqatigiiffiit taaneqartut nalunaaruteqarneq pillugu ilaasortaminnut ilisimatitsinissamut pisussaaffeqartut§ 33 d. Naalakkersuisut malittarisassanik aalajangersaasinnaapput, Kalaallit Nunaanni Namminersornerlutik Oqartussat qaamatisiutit malillugit ukiup siuliani ilinniarnermut tapiissutit ilinniarnersiutitut tunniunneqartut pillugit paasissutissanik kaammattorneqanngikkaluarlutik namminneq akileraaruserivimmut ukiut tamaasa tunniussisassasut.
Imm. 2. Naalakkersuisut malittarisassanik aalajangersaasinnaapput Kalaallit Nunaanni Namminersornerullutik Oqartussat nalunaaruteqarneq pillugu ilinniagaqartumut ilisimaitsinissamut pisussaaffeqarnerat pillugu."6. § 35 imatut oqaasertalerneqarpoq:
"§ 35. Naalakkersuisut malittarisassanik aalajangersaasinnaapput, aningaaseriviit, sparekarsit, piginneqatigiinnikkut karsit, aningaasaliisarnernik ingerlatsiviit, pisortat karsit, qularnaveeqqusiilluni aningaasanik atorniartarfiit, pappiaqqanik nalilinnut centralit, aningaasaliissuteqartarnermut peqatigiiffiit, aningaasanik nalilinnik nioqquteqartut allallu, aktianik, anpartinik, obligationinik, tammarnaveqqusiinermut allagartanik, aningaasaliissuteqarnermut uppernarsaatinik, naafferartumik akilersukkanut allagartanik pappiaqqanilluunniit nalilinnik allanik paaqqutassatut isumagisassaminnik tigusisartut imaluunniit pappiaqqanik nalilinnik taamaattunik nioqquteqarnikkut kaaviiaartitsisut kaaviiaartitsinermiluunniit akunnermiliuttuusut, tigummisat, erniat, pissarsiat, naligititaasut, akiitsut sinneri, pisinerit, tunisaqarnerit il.il. pillugit paasissutissanik kajumissaarneqanngikkaluarlutik namminneq akileraaruserivimmut ukiut tamaasa tunniussisassasut.
Imm. 2. Naalakkersuisut malittarisassanik aalajangersaasinnaapput, imm. 1-imi pineqartunik nalunaarutit piginnittup, tunisaqartuusup, atortup, atukkiisup il.il , Naalakkersuisut naliliinerat malillugu akileraarusiinissamut akileraarutillu naatsorsorneqarnissaannut pisariaqartumik, kinaassusiinut paasissutissanik imaqassasut. Naalakkersuisut tamatumani piginnittup, tunisaqartuusup, atortup, atukkiisup il.il. kinaassutsimut tunngasunik paasissutissiissutit eqqortuunerannik nalunaaruteqarnissamut pisussaaffeqartumut qularnarunnaarsitsinissamut pisussaaffeqarnerat pillugu.7. § 38 atorunnaarsinneqarpoq.
8. § 40, imm. 9, imatut oqaasertalerneqarpoq:
"Imm. 9. Imm. 1-imiit 8-mut akileraarutinik taagorneqartunik taakkualu erniaannik tapiliussanullu akiliinngitsoortoqarnerani annaasat landskarsianit nammanneqassapput."
§ 2
Imm. 1. Inatsisartut inatsisaat 1. december 2007-imi atuutilerpoq.
Imm. 2. Inatsisartut inatsisaani § 1, nr. 1, 1. januar 2008-mi atuutilerpoq.
Imm. 3. Inatsisartut inatsisaanni § 1, nr. 8, pisassarisanut 31. decembere 2007-ip kingornqatigut akiligassanngortussanut atuuttuuvoq.
Namminersornerlutik Oqartussat, ulloq 15. november 2007
Hans Enoksen/
Aleqa Hammond
Siullermeerinninnermut siunnersuut
Isumaliutissiissut (Aappassaaneerinninneq)
Aappassaaneerinninnermut allannguutissatut siunnersuut (akuerineqartoq)