Peqqinnissaqarfiup sullissineri il.il. pillugit Inatsisartut peqqussutaata allanngortinneqarnera pillugu Inatsisartut peqqussutaat nr. 12, 14. november 2004-imeersoq.
(Peqqissaaneq pillugu malittarisassanik aalajangersaasinnaanermut Naalakkersuisunut piginnaatitsissut)

 

1

Peqqinnissaqarfiup sullissineri il.il. pillugit Inatsisartut peqqussutaanni nr. 15-imi 6. november 1997-imeersumi makkua allannguutigitinneqarput:


1.
10 imatut oqaasertalerneqassaaq:
" 10. Meeqqat inuusuttullu 18-it inorlugit ukiullit tamarmik akiliutitaqanngitsumik pinaveersaartitsiniutaasumik peqqissutsimik misissorneqarnissaannik neqeroorfigineqartassapput.
Imm. 2. Meeqqat suli atualinngitsut atuartussaatitaasutullu ukiullit tamarmik akiliutitaqanngitsumik peqqinnissakkut isumagineqarnermik neqeroorfigineqassapput.
Imm. 3. Peqqissutsimik misissuinerit aamma peqqinnissakkut isumaginninnerup annertussusissaat piumasaqaatillu pillugit malittarisassat Naalakkersuisut aalajangersassavaat".

 

2

Inatsisartut peqqussutaat 1. februar 2005 atuutilerpoq.




Namminersornerullutik Oqartussat, ulloq 14. november 2004




Hans Enoksen

/

Asii Chemnitz Narup


Siullermeerinninnermut siunnersuut

Siunnersuummut nassuiaatit

Saqqummiussissut

Aappassaaneerinninnermut allannguutissatut siunnersuut (akuerineqartoq)

Akissuteqaat (Aappassaaneerinninneq)