12.oktober 2004

UKA 2004/31

Peqqinnissaqarfiup sullissineri il.il. pillugit Inatsisartut peqqussutaata allanngortinneranik Inatsisartut peqqussutaannut siunnersuummut

 

Allannguutissatut siunnersuut

 

Aappassaaneernissaanut Naalakkersuisut saqqummiussaat.

 

§ 1, nr. 2-mut

 

1. § 1 nr. 2 peerpoq

 

Oqaaseqaatit

Peqinnissaqarfiup sullissineri il.il. pillugit Inatsisartut peqqussutaata allanngortinneqarneranik Inatsisartut peqqussutaannik siunnersuuteqarnermut tunngaviuvoq allannguutissatut siunnersuummi siullermi tusarniaanermi oqaaseqaateqartoqannginnerarlugu Naalakkersuisut allassimanerat.

PPK-li oqaaseqaateqarsimavoq imatut: "Taamaattumik peqqissutsimik misissuinerup meeqqerisumillu misissorneqarnerit minneerpaaffilerneqarnissaat PPK-p isumaa naapertorlugu inatsisip oqaasertaani aamma/imaluunniit oqaaseqaatini ersittariaqarpoq." Kissaatigisaq taanna meeqqerisumit misissorneqartarneq eqqarsaatigalugu Naalakkersuisut malissimavaat.

Taamaattumik allannguutissatut siunnesuut manna naapertorlugu aalajangersakkat peqqinnissaqarfiup sullissineri il.il. pillugit Inatsisartut peqqussutaanni §§ 11 aamma 12 taamaalilluni atatiinnarneqassapput.

Meeqqat suli atualinngitsut qanoq akulikitsigisumik akeqanngitsumillu meeqqerisumit atuarfimmilu meeqqerisumit misissorneqartarnissaannut, meeqqerisumit atuarfimmilu meeqqerisumit misissorneqarnerup qanoq ittuunissaanut misissorneqarnerullu qanoq annertutiginissaanut qanorlu ingerlanneqarnissaannut maleruagassanik sukumiinerusunik aalajangersaasoqarnissaa Naalakkersuisut kissaatigiuarsinnarpaat.