Inatsisartut Naalakkersuisullu pillugit Inatsisartut inatsisaata allanngortinneqarneranik Inatsisartut inatsisaat nr. 18, 11. december 2003-meersoq
(Inatsisartut Nunanut Allanut Sillimaniarnermullu Ataatsimiititaliaata allattoqarfeqartinneqarnera)

 

§ 1.

Inatsisartut Naalakkersuisullu pillugit inatsisartut inatsisaanni nr. 11, 20. oktober 1988-imeersumi, inatsisartut inatsisaatigut nr. 12, 3. november 2003-meersukkut kingullermik allanngortinneqartumi allannguutigitinneqassapput:

 

1. § 15, nr. 3 ima oqaasertalerneqassaaq:
"3. Nunanut Allanut Sillimaniarnermullu Ataatsimiititaliaq. Kalaallit Nunaata folketingimi ilaa-sortai marluk ataatsimiititaliap ataatsimiinnerini taaseqataasinnaanatik ilaasortatut peqataasassapput."

2. § 18, imm. 1, oqaaseqatigiit siulliit ima oqaasertalerneqassapput:
"Naalakkersuisut Siulittaasuata nunanut allanut illersornissamullu naalakkersuinikkut ingerlatsineq pillugu nassuiaatit paasissutissallu Kalaallit Nunaannut soqutiginaateqartut nunanut allanut sillimaniarnermullu ataatsimiititaliamut nassiutissavai."

3. § 18, imm.3 peerpoq.

Taamaalilluni imm. 4 imm. 3-nngorpoq.

 

§ 2.

Inatsisartut inatsisaat ulloq 15. december 2003-mi atuutilerpoq.

Namminersornerullutik Oqartussat, ulloq 11. december 2003

Hans Enoksen

/

Kaj Kleist

---

Siullermeerinninnermut siunnersuut

Siunnersuummut nassuiaatit

Isumaliutissiissut (Aappassaaneerinninneq)

Aappassaaneerinninnermut allannguutissatut siunnersuut (akuerineqartoq)