2. december 2003

UKA 2003/143

Inatsisartut Naalakkersuisullu pillugit Inatsisartut inatsisaata   allanngortinneqarneranik Inatsisartut inatsisissaattut nr. xx, xx 2003-meersutut siunnersuummut
(Inatsisartut Nunanut Allanut Sillimaniarnermullu Ataatsimiititaliaata allattoqartinneqarneranut)

a l l a n n g u u t i s s a t u t s i u n n e r s u u t

Inatsisartut Nunanut Allanut Sillimaniarnermullu Ataatsimiititaliaata aappassaaneerinermi saqqummiussaa.

 

§ 1-imut

1. § 1-imi "Inatsisartut inatsisaat nr. 3 15. april 2003-meersoq" "Inatsisartut inatsisaat nr. 12 3. november 2003"-imeersumik taarserneqassaaq.

2. § 1-mi nr. 1-itut nutaatut ilanngunneqassaaq:
"1. § 15, nr. 3 ima oqaasertalerneqassaaq:
"3. Nunanut Allanut Sillimaniarnermullu Ataatsimiititaliaq. Kalaallit Nunaata folketingimi ilaa-sortai marluk ataatsimiititaliap ataatsimiinnerini taaseqataasinnaanatik ilaasortatut peqataasassapput.""

Nr. 1 aamma 2 tamatuma kingorna nr. 2-ulerlutillu 3-nngussapput.

3. § 1, nr. 1, § 1, nr. 2-nngortussaq ima oqaasertalerneqassaaq:
"§ 18, imm. 1, oqaaseqatigiit siulliit ima oqaasertalerneqassapput:
"Naalakkersuisut Siulittaasuata nunanut allanut illersornissamullu naalakkersuinikkut ingerlatsineq pillugu nassuiaatit paasissutissallu Kalaallit Nunaannut soqutiginaateqartut nunanut allanut sillimaniarnermullu ataatsimiititaliamut nassiutissavai.""

 

§ 2-mut

4. § 2-mi "ulloq 1. december 2003" "ulloq 15. december 2003"-mik taarserneqassaaq.

 

 

Nalinginnaasumik nassuiaatit

Allattoqarfeqartitsinerup allanngortinneqarneranut atatillugu ataatsimiititaliaqarneq allatigut aaqqitassaqartoqarnersoq isumaliutigissallugu periarfissaqartoqarsimavoq.

Inatsisartut naalakkersuisullu pillugit inatsisartut inatsisaanni 1988-imeersumi ataatsimiititaliaq taaguuserneqarpoq "Nunanut allanut illersornissamullu naalakkersuinikkut ingerlatsinermik mi-sissuinermut ataatsimiititaliaq". Taaguut taanna ullumikkut atorneqanngilaq, ataatsimiititaliarmi suleriaatsini naapertorlugu " Nunanut Allanut Sillimaniarnermullu Ataatsimiititaliaq"-tut taaneqaannartarmat. Inatsisissatut siunnersuummi saqqummiunneqartumi Inatsisartullu suleriaasianni taaguut atugaanerusoq "Inatsisartut Nunanut Allanut Sillimaniarnermullu Ataatsimiititaliaat" aamma atorneqarpoq, tamannalu Inatsisartut Naalakkersuisullu pillugit Inatsisartut inatsisaanni allannguutigitinneqartussanut ilanngullugu inatsimmut allanneqassalluni.

 

 

Siunnersuummi aalajangersakkanut ataasiakkaanut nassuiaatit

 

Nr. 1-imut

Inatsisartut Nunanut Allanut Sillimaniarnermullu Ataatsimiititaliaannut allannguutissatut siunnersuut saqqummiunneqareersoq Naalakkersuisuni ilaasortat amerlassusii allanngorsimapput, tamatumalu kingunerisimallugu Inatsisartut Naalakkersuisullu pillugit Inatsisartut inatsisaata allannguuteqarnera. Inatsimmut allannguummut kingullermut innersuussineq tamatumunnga naapertuuttumik naqqiuteqarfigineqassaaq.

 

Nr. 2-mut

§ 15, nr. 3-mi "Nunanut allanut illersornissamullu naalakkersuinikkut ingerlatsinermik misissuinermut ataatsimiititaliaq" "Inatsisartut Nunanut Allanut Sillimaniarnermullu Ataatsimiititaliaat"-nngorlugu allanngortinneqassaaq.

 

Nr. 3-mut

§ 18, imm. 1, nr.1-imi oqaatsit "Inatsisartuni ataatsimiinnissaq sioqqullugu" piissapput, "Nunanut allanut illersornissamullu naalakkersuinikkut ingerlatsinermik misissuinermut ataatsimiititaliaq"-lu "Inatsisartut Nunanut Allanut Sillimaniarnermullu Ataatsimiititaliaat"-ngorlugu allanngortinneqassalluni.

 

Nr. 4-mut

Inatsisartut ukiakkut ataatsimiinnerata kinguartinneqarnera pissutigalugu Inatsisartut inatsisaat ulloq 1. december 2003-mi suli allanngortinneqarsimanngilaq. Taamaammat taarsiullugu siunnersuutigineqassaaq Inatsisartut inatsisaat ulloq 15. december 2003 atortuulertussanngortinneqassasoq.