Aalisarneq pillugu Inatsisartut inatsisaat nr. 29, 23. maaji 2024-imeersumi § 46, imm. 2, § 68, imm. 2 aamma § 71, imm. 4 malillugit aalajangiunneqarput:

Atuuffia

  § 1.  Qeqertarsuup Tunuani, 68° 52,5’N-ip avannaani, aamma 70° 30’V-ip kujataani sineriammit sumiiffiusumi, aamma aalisartoqarfimmut tunngavigisatut killingisat avataanni sømilit pingasut tikillugit nassuiarneqartutut kangerlunnilu tamaaniittuni qaleralinniarluni saarullinniarlunilu inuussutissarsiutigalugu aalisarnermut ileqqoreqqusaq atuuppoq.

Inuussutissarsiutigalugu qaleralinnut qassusersorluni aalisarneq

  § 2.  Taamaallaat qaammatini januaarimi, februaarimi, marsimi, apriilimi aamma maajimi ilanngussani taamaallaat sumiiffiit nalunaarsukkat avataanni inuussutissarsiutigisatut qassusersorluni qaleralinniartoqaqqusaavoq.

  § 3.  Inuussutissarsiutigisatut qassusersorluni qaleralinniarnermi akuersissutinik piginnittut

ataasiakkaat qassutit qaleralinniutit atorsinnaavaat, taakkulu tamakkerlutik 950 meterit takinerpaamik annertussuseqassapput.

Qassusersorluni saarullinniarneq

  § 4.  Ilanngussaq 1-imi taamaallaat sumiiffiit nalunaarsukkat avataanni qassusersorluni

saarullinniartoqaqqusaavoq.

Ataatsimoorussatut aalajangersakkat

  § 5.  Inuussutissarsiutigisatut qassusersorluni aalisarnermi qassutit isui tamarmik

nalunaaqutsersuutitut puttaquteqassapput.

  Imm. 2.  Angallatit 8,53 meter l.o.a.-mit takinerusut nalunaaqutsersuutitut puttaqutini

minnerpaamik allunaamik 10 mm-imik peqassapput.

  Imm. 3.  Angallatit 8,53 meter l.o.a. inorlugu takissusillit nalunaaqutsersuutitut puttaqutini

minnerpaamik allunaamik 8 mm-imik peqassapput.

  Imm. 4.  Aalisartut sikumi aalisartuusut nalunaaqutsersuutitut puttaqutsini minnerpaamik

allunaamik 6 mm-imik peqassapput.

Imm. 5. Pissutsit tamatuminnga pisinnaatitaqartillugit qassutit ivertinnerisa kingornatigut nal.

akunnerisa 24-t iluanni qaqeqqinneqassapput. Qassutit salinneqareerpata atornissaannullu piareerpata qassut aqqaqqinneqarsinnaapput

  § 6.  Qassutit annaasat erniinnaartumik piginnittumit qaqinneqassapput.

Aalisarnerup teknikikkut iluarsartuussivigineqarnera pillugu Namminersorlutik Oqartussat nalunaarutaanni §§ 25-29 innersuussutigineqarput.

  § 7.  Ukiuunerani sikoqarnerata qassusersorluni aalisarneq ajornartorsiortissappagu najugarisami

peqatigiiffinni tusarniaareernermigut qassusersorluni aalisarneq kommunalbestyrelsip

matusiffigisinnaavaa.

Pineqaatissiissutit

  § 9.  §§ 2-6-imik unioqqutitsinerit Kalaallit Nunaanni Pinerluttulerinermut inatsit naapertorlugu akiligassinneqarnermik arsaarinnissuteqarnermillu kinguneqartinneqarsinnaapput.

  Stk. 2.  Unioqqutitsineq inatsisitigut akisussaassusiligaasumit unioqqutitsineruppat unioqqutitsisoq, Kalaallit Nunaanni pinerluttulerinermik inatsit malillugu, akiligassinneqarsinnaavoq arsaarinnissuteqarfigineqarsinnaallunilu.

Atuutilernera

  § 10.  Ileqqoreqqusaq una 15. januar 2026 atuutilerpoq.

  Stk. 2. Taamaalinerani atorunnaarsinneqarput

1)  Qeqertarsuup Tunuani aqutsiveqarfimmi qaleralinnik saarullinnillu qassusersorluni inuussutissarsiutigalugu aalisarneq pillugu Avannaata Kommunianut ileqqoreqqusaq nr. 5, 4. decembari 2020-imeersoq.

2)  Qaasuitsup Kommuniani bundgarnersorneq pillugu ileqqoreqqusaq nr. 4, 12. februaari 2015-imeersoq.

Taamatut ulloq 23. december 2025-mi Avannaata Kommuniani kommunalbestyrelsimit akuersissutigineqarpoq.

_________________________________

Lars Erik Gabrielsen (atsior.)

Borgmesteri

Avannaata Kommuniani inuussutissarsiutigalugu qassuserluni aalisarneq pillugu ileqqoreqqusaa aalajangersarneqarpoq.

Namminersorlutik Oqartussat ulloq 30. december 2025

_________________________________

Peter Borg (atsior.)

Aalisarnermut, Piniarnermut, Nunalerinermut Imminullu Pilersornermut Naalakkersuisoq