Inatsisartut aalisarneq pillugu inatsisaat nr. 18, 31. oktober 1996, § 23 imm. 2, § 33 imm. 2 aamma § 34 imm. 3 naapertorlugu imatut aalajangersaasoqarpoq:

Ileqqoreqqusap atuuffia.

§1.  Bundgarnersoneq pillugu ileqqoreqqusaq Qaasuitsup Kommuniani atuuppoq, tak. ilanngussaq 1, nunap ilaata assinga.

Bundgarnersornermi aalajangersakkat.

§ 2.  Bundgarnilerfimmik atuisup aalisarfik nunami ersarissumik atiminik atserlugu nappaqqutitalimmik nalunaaqutsissavaa.
Imm. 2.  Nappaqqut minnerpaamik nunamiit 1,5 meterinik portusseqassaaq.

§ 3.  Bundgarnit ningisimasut minnerpaamik imminnut 500 m ungasissuseqassapput.
Imm. 2.  Kangerlummi amitsumi arlalinnik bundgarnersortoqartillugu bundgarnit akileriissillugit ningisimaqqusaanngillat.

§ 4.  Bundgarnit ningisimasut 100 meterinit qaninnerullugit ningittakkersorneq aalisaammillu aalisarneq inerteqqutaavoq, kiisalu 50 meterinit qaninnerullugit angallammik kisarsimanissaq inerteqqutaalluni.

§ 5.  Aalisarneq taamaatinniariarpat bundgarnersortup bundgarnini qaqissavai.  Taamatullu saarullittassiissutit nungullugit aalisarneqarpata.
Imm. 2.  Bundgarnit kingusinnerpaamik kangerluit sikunnginnerini qaqinneqareersimassapput.

Pineqaatissiinerit.

§ 6.  Ileqqoreqqusami uani aalajangersakkanik unioqqutitsinermi, Kalaallit Nunaanni pinerluttulerineq pillugu inatsit, Kalaallit Nunaani akiliisitsisinnaaneq malillugu akiliisitsisoqarsinnaavoq arsaarinnittoqarsinnaallunilu, arsaarinnissutit nalingi Landskarsimut nakkartinneqassapput. 
Imm. 2.  Unioqqutitsineq inatsisitigut akisussaassusiligaasumit unioqqutitsineruppat unioqqutitsisoq, Kalaallit Nunaanni pinerluttulerinermik inatsit malillugu, akiligassinneqarsinnaavoq.

Atuutilernera

§ 7.  Ileqqoreqqusaq una ulloq 4. marts 2015 atuutilerpoq.
Imm. 2.  Peqatigitillugu Kangaatsiap kommuniani bundgarnersorneq pillugu malittarisassat 1. september 1982-meersut aalajangersarneqarsimasut atorunnaarsinneqarput.

 

Qaasuitsup kommuniani kommunalbestyrelsemit ulloq 8. august 2013 akuerineqarpoq.

________________________________________
Ole Dorph, Borgmester Qaasuitsup kommunia

 

Namminersorlutik Oqartussat ulloq,  12. februar 2015.

_________________________________________
Karl Kristian Kruse
Aalisarnermi Piniarnermi Nunalerinermilu naalakkersuisoq