Aningaasarsianit akileraarutit pillugit Inatsisartut inatsisaat 2006-imeersumi, kingullermik Inatsisartut inatsisaanni nr. 30, 25. novembari 2022-meersoq allanngortinneqartumi, § 36 b, imm. 2 aamma § 109 naapertorlugit aalajangersarneqarput:

  § 1.  Akileraartussaatitaasut, kisimiillutik imaluunniit suliffeqarfiit ingerlatseqatigiiffissuarnut atasut peqatigalugit killiliussat, aningaasarsianit akileraarutit pillugit Inatsisartut inatsisaanni § 36 b, imm. 4-mi aalajangersarneqartut, sinnerlugit inissisimasut aammalu ukiumi isertitaqarfiusumi killiliussat ilanngussaq 1-imi allaqqasut sinnerlugit annertussusilinnik nakkutigisaasumik nuussisimasut, ukioq isertitaqarfiusumi nussuinermi akiliisitsisarneq allaganngorlugu uppernarsaammik akileraartarnermik ingerlatsivimmut, nammineq nalunaarsuinermi piffissamut killigititap kingorna kingusinnerpaamik ullut 60-it qaangiunneranni, tunniussisimassapput. Ilanngussaq 1-imi killissaliussat qaangerneqartut, paasissutissanut allattuiffissaq (S40) aammalu kisitsisit nalingi katinneqartut akileraartussaatitaasumit nuussinernut, ilanngussaq 1-imi allassimasutut immikkoortinneqartunut, annertussusiliussat allanneqartut, tunngavigalugit naatsorsorneqassaaq.

  Imm. 2.  Akileraartarnermut ingerlatsivimmit akileraartussaatitaasup qinnuiginninneratigut, pissutsit immikkut ittut tamanna pisariaqartippassuk, imm. 1-imi piffissamut killigititaq sivitsorsinnaavoq.

  Imm. 3.  Imm. 1-imi aalajangersagaq akileraartussaatitaasunut, nakkutigisamik nuussinerit § 36 b, imm. 4, nr. 1-3-mi ilaasunut, uppernarsaammik taamaallaat suliaqartussanut, aamma atuuppoq.

  § 2.  § 1, imm. 1 naapertorlugu uppernarsaammik piffissaq eqqorlugu tunniussinnginneq akiliisitsinermik kinguneqarsinnaavoq.

  § 3.  Nalunaarut 1. novembari 2023-mi atuutilissaaq. Nalunaarut ukioq isertitaqarfik 2023-mut aammalu kingusinnerusukkut ukiut isertitaqarfiusunut atuutissaaq.

Namminersorlutik Oqartussat, ulloq 16. oktobari 2023

Erik Jensen (atsior.)

Aningaasaqarnermut Akileraartarnermullu Naalakkersuisoq

/ Nikolai S. Christensen (atsior.)