Tarnimikkut nappaatilinnik nammineersinnaajunnaarsitsineq allatigullu pinngitsaaliissummik iliuuseqarneq pillugu Inatsisartut Inatsisaanni nr. 24-mi, 3. december 2012-imeersumi § 14, imm. 2, § 15, imm. 2, kiisalu § 30, imm. 2, naapertorlugit aalajangersarneqarput:

Kapitali 1
Pinngitsaaliissummik iliuuseqarnernik nalunaarsuiviit nalunaarsukkallu

Pinngitsaaliissummik iliuuseqarnernik nalunaarsuiviit

§ 1.  Peqqinnissaqarfiup immikkoortuini tarnimikkut nappaatillit uninnganerannut katsorsartinnerannullu atatillugu nammineersinnaajunnaarsitsiviusinnaasuni allatullu pinngitsaaliissummik iliuuseqarfiusinnaasuni, pinngitsaaliissummik iliuuseqarnernut nalunaarsuiveqassaaq.
Imm. 2.  Inatsisartut Inatsisaanni §§ 5-10, §§12-13, § 17, §§ 19-22, § 24, naapertorlugit immikkut nakkutigineqarnernut ataannartumik nal. ak. 24 sinnerlugit sivisussusilinnut § 26-mullu tunngatillugu pinngitsaaliissummik iliuuseqarnernik nalunaarsuivimmut pinngitsaaliinikkut iliuuseqarnerit suulluunniit pillugit paasissutissat ilanngunneqassapput. Tamanna Inatsisartut Inatsisaanni § 23 naapertorlugu nakorsaasiinernut tamanut  aamma atuuppoq.

§ 2.  Pinngitsaaliissummik unitsitsisoqarnerani pinngitsaaliissummillu tigummigallagassanngortitsinermi pinngitsaaliissummik iliuuseqarnernut nalunaarsuiffimmut ilanngunneqassapput:
1)  Napparsimasup aqqa inuttullu normua.
2)  Nammineersinnaajunnaarsitsinerup sivisussusaa.
3)  Nammineersinnaajunnaarsitsinermut tunngavilersuutaasoq.
4)  Nakorsap nammineersinnaajunnaarsitsinermi akisussaasuusup aqqa.
5)  Nammineersinnaajunnaarsitaanerup kingorna ullut pingasut, qulit, 20-t, 30-llu qaangiunnerini, nammineersinnaajunnaarsitaanerlu atuutsillugu, tamatuma kingorna minnerpaamik sap. ak. sisamakkaarlugit naliliivigineqarnerata kingunera.
6)  Nakorsaanerup naliliisup aqqa.

§ 3.  Qimaasup/takkutinngitsoortup pinngitsaaliissummik utertitaanerani pinngitsaaliissummik iliuuseqarnernut nalunaarsuiffimmut ilanngunneqassapput:
1)  Napparsimasup aqqa inuttullu normua.
2)  Ulloq politiit ikiortigalugit napparsimasup utertinneqarnissaanik aalajangerneq.
3)  Nakorsaanerup aalajangiisup aqqa.

§ 4.  Pinngitsaaliissummik katsorsaanermi, pinngitsaaliissummik iliuuseqarnernut nalunaarsuiffimmut ilanngunneqassapput:
1)  Napparsimasup aqqa inuttullu normua.
2)  Katsorsaanerup suunera qanorlu annertutiginera.
3)  Pinngitsaaliissummik katsorsaanermut tunngavilersuut.
4)  Nakorsaanerup nakorsaasiisup aqqa.
5)  Nakorsap najuuttup aqqa.

§ 5.  Angerlartitaareernermi pinngitsaaliissummik malittarineqarnermi, pinngitsaaliissummik iliuuseqarnernut nalunaarsuiffimmut ilanngunneqassapput:
1)  Napparsimasup aqqa inuttullu normua.
2)  Ulloq angerlartitaaffik.
3)  Ulloq angerlartitaareernermi pinngitsaaliissummik malittarinninnissamik aalajangiivik.
4)  Ulloq Inatsisartut Inatsisaanni § 17, imm. 6, naapertorlugu pinngitsaaliissummik malittarinninnerup sivitsorneqarnissaanik aalajangiiffik.
5)  Katsorsaanerup suunera annertussusaalu.
6)  Angerlartitaareernermi pinngitsaaliissummik malittarinninnissamut tunngavilersuut.
7)  Nakorsaanerup inassuteqartuusup aqqa.
8)  Taamaatitsineq.
Imm . 2.  Inatsimmi § 17, imm. 3, naapertorlugu napparsimasup aaneqarnissaanik nakorsaaneq aalajangiippat, pinngitsaaliissummik iliuuseqarnernut nalunaarsuiffimmut ilanngunneqassapput:
1)  Ulloq nakorsaanerup napparsimasumik aallernissamik aalajangiivia.
2)  Nakorsap nakorsaasiisup aqqa.
3)  Ulloq politiit ikiortigalugit unitsitaanermi, peqqinnissaqarfiup immikkoortortaqarfia pinngitsaaliissummik nakorsaatitortinneqarfik.
4)  Peqqinnissakkut sullissisup najuuttup aqqa.

§ 6.  Pinngitsaaliissummik aalaakkiinermi pinngitsaaliissummik iliuuseqarnernut nalunaarsuiffimmut ilanngunneqassapput:
1)  Napparsimasup aqqa inuttullu normua.
2)  Pinngitsaaliissummik iliuuseqarnerup suunera annertussusaalu.
3)  Pinngitsaaliissummik iliuuseqarnermut tunngavilersuut.
4)  Ulloq pinngitsaaliissummik iliuuseqarfik taamaatitsivillu.
5)  Nakorsap nakorsaasiisup aqqa.
6)  Sulisut akuusut aqqi .
7)  Ulloq Inatsisartut Inatsisaanni § 31, imm. 5, naapertorlugu nakorsap nutaamik naliliivia.
8)  Inatsisartut Inatsisaanni § 31, imm. 5, naapertorlugu nakorsap nutaamik naliliisup aqqa.

§ 7.  Nukersorfiginninnermi, pinngitsaaliissummik iliuuseqarnernut nalunaarsuiffimmut ilanngunneqassapput:
1)  Napparsimasup aqqa inuttullu normua.
2)  Pinngitsaaliissummik iliuuseqarnerup suunera annertussusaalu.
3)  Pinngitsaaliissummik iliuuseqarnermut tunngavilersuutit, tassunga ilanngullugit sulisut akuusut tunngavilersuutaat.
4)  Ulloq pinngitsaaliissummik iliuuseqarfik taamaatitsivillu.
5)  Nakorsap nakorsaasiisup/najuuttup aqqa.
6)  Sulisut akuusut aqqi.

§ 8.  Napparsimasoq illersorniarlugu pinngitsaaliissummik aalaakkiinermi, pinngitsaaliissummik iliuuseqarnernut nalunaarsuiffimmut ilanngunneqassapput:
1)  Napparsimasup aqqa inuttullu normua.
2)  Napparsimasoq illersorniarlugu aalaakkiinerup qanoq ittuunera.
3)  Napparsimasoq illersorniarlugu aalaakkiinermut tunngavilersuut.
4)  Napparsimasoq illersorniarlugu aalaakkiinerup atorneqarsinnaaffia.
5)  Nakorsap inassuteqartuusup aqqa.
6)  Inatsisartut Inatsisaanni § 31, imm. 4, naapertorlugu nammineersinnaajunnaarsitaanerup kingorna ullut pingasut, qulit, 20-t, 30-llu qaangiunnerini, tamatumalu kingorna nammineersinnaajunnaarsitaaneq atuutsillugu minnerpaamik sap. ak. sisamat qaangiunnerini naliliivigineqarnerata kingunera.

§ 9.  Inatsisartut Inatsisaanni § 24 naapertorlugu immikkut nakkutilliinermi, pinngitsaaliissummik iliuuseqarnernut nalunaarsuiffimmut ilanngunneqassapput:
1)  Napparsimasup aqqa inuttullu normua.
2)  Pinngitsaaliissummik immikkut nakkutilliisitsinissamut tunngavilersuut.
3)  Ulloq pinngitsaaliissummik nakkutilliilerfik taamaatitsivillu.
4)  Nakorsap nakorsaasiisup aqqa.

§ 10.  Inatsisartut Inatsisaanni § 26 naapertorlugu immikkoortortat immikkut parnaarneqarsinnaasut ilanngullugit matunik parnaarsinermi, pinngitsaaliissummik iliuuseqarnernut nalunaarsuiffimmut ilanngunneqassapput:
1)  Napparsimasup immikkoortortami parnaagaasumiittup aqqa inuttullu normua.
2)  Matunik parnaarsinermut tunngavilersuut.
3)  Ulloq matunik parnaarsivik tamatuminngalu atorunnaarsitsivik.
4)  Nakorsap nakorsaasiisup aqqa.

§ 11.  Pinngitsaaliissummik iliuuseqarnernut nalunaarsuiffimmut ilanngussat allattugaatini nalunaarsugassaapput.
Imm. 2.  Pinngitsaaliissummik iliuuseqarnernut nalunaarsuiffinnik suliaqarnermi, pinngitsaaliissummik iliuuseqarnermut nalunaarsuiffimmi allagaqaatip ilanngunneqarnisssaa innersuussutigineqassaaq. Pinngitsaaliissummik iliuuseqarnermut nalunaarsukkat assilineri allattugaatinut ilanngunneqassapput.

§ 12.  Napparsimasoq pinngitsaaliissummik iliuuseqarnernut nalunaarsuivinni imminut tunngasunik paasiniaanissamut pisinnaatitaaffeqarpoq.
Imm. 2.  Napparsimasumut siunnersortissanngortitaasimasoq imm. 1-imi taaneqartumut tunngatillugu taamatulli pisinnaatitaaffeqarpoq.

Kapitali 2
Angerlartitaanermut atatillugu isumaqatigiissutit ataqatigiissaarinermullu pilersaarutit nalunaarsorneqarnerat

§ 13.  Inatsisartut Inatsisaanni § 14 naapertorlugu angerlartitaanermut atatillugu isumaqatigiissusiornermi makku nalunaarsorneqassapput:
1)  Napparsimasup aqqa inuttullu normua.
2)  Ulloq unitsitaaffik angerlartitaaffillu.
3)  Angerlartitaanermut atatillugu ulloq isumaqatigiissutip atuutilersinneqarfia atorunnaarsinneqarfialu.
4)  Nakorsap nakorsaasiisup aqqa.

§ 14.  Inatsisartut Inatsisaanni § 15 naapertorlugu ataqatigiissaakkamik pilersaarusiornermi makku nalunaarsorneqassapput:
1)  Napparsimasup aqqa inuttullu normua.
2)  Ulloq unitsitaaffia angerlartitaaffialu.
3)  Ulloq ataqatigiissaakkamik pilersaarusiorfik.
4)  Nakorsap nakorsaasiisup aqqa.

§ 15.  Angerlartsitaanermut atatillugu isumaqatigiissutinik ataqatigiissaarinermullu pilersaarutinik immikkoortortami nalunaarsuinermi, napparsimasoq pillugu allattugaatini taama nalunaarsuisimaneq innersuussutaassaaq. Nalunaarsukkat assilineri allattugaatinut ilanngunneqassapput.
Imm. 2.  Napparsimasumut tunngatillugu nalunaarsukkanik paasiniaanissaq napparsimasup pisinnaatitaaffigaa.

Kapitali 3
Nalunaaruteqartarneq

§ 16.  Dronning Ingridip Napparsimmavissuani tarnimikkut nappaatilinnut immikkoortortaqarfimmi nakorsaaneq iliuuserisanik §§ 2-10-mi , §§ 13-14-imilu pineqartunik, Nunatsinni Nakorsaaneqarfimmut nalunaaruteqartassaaq.
Imm. 2.  Peqqissutsimut Pitsaaliuinermullu Aqutsisoqarfimmut aamma nalunaaruteqartoqartasaaq.

§ 17.  Nalunaarutiginninneq § 16, imm. 1 aamma 2-mi pineqartoq, §§ 2-10-mi, §§13-14-imilu paasissutissanik piumasaqaatigineqartunik imaqassaaq.

Kapitali 4
Atuutilersitsineq

§ 18.  Nalunaarut atuutilersinneqarpoq 16. december. 2013.

Namminersorlutik Oqartussat, ulloq 2. december 2013

Steen Lynge

/

Ann Birkekær Kjeldsen