Immundefekt syndromimik (AIDS) nappaateqalersimaneq HIV-llu uumasuaraanik tunillatsissimasinnaanermik misissuinerit nassaarnerillu pillugit Peqqinnissakkut Nakkutilliisoqarfimmut nalunaaruteqartarneq pillugu Namminersornerullutik Oqartussat nalunaarutaat
Nakorsatut sulinerup ingerlanneqarnera pillugu peqqussummi 18. december 1991-imeersumi § 11 aamma Peqqinnissaqarfiup siulersorneqarnera aaqqissuussaaneralu il.il. pillugit Inatsisartut peqqussutaanni nr. 7-imi, 30. ok-tober 1992-imeersumi § 1, imm. 2 malillugit aalajangersarneqarpoq:
Immundefekt syndromimik (AIDS-imik) nappaateqalersimaneq pillugu nalunaaruteqarneq.
§ 1. Nakorsaq immundefekt sydromimik (AIDS) nappaateqalersimasumik nakorsiarfigineqaruni, tamanna allaganngorlugu Peqqinnissakkut Nakkutilliisoqarfimmut nalunaarutigissavaa.
Imm. 2. Qularutissaanngitsumik nalunaaruteqartoqareersimappat nakorsap pisoq nalunaarutigeqqissanngilaa.
Imm. 3. Nalunaaruteqarnermi irnmersugassaq ELI-3-93, Tapiliussaq 1 atorneqassaaq.
Imm. 4. Immersugassami ataatsimi pisoq/nassaarfigineqartoq ataasiinnaq nalunaarutigineqartassaaq.
HIV-p uumasuaraanik tunillatsissimasunik kinaassusaanik isertuussilluni nalunaaruteqarneq.
§ 2. Nakorsaq inummik HIV-p uumasuaraanik tunillatsissimasinnaasunik misissuisoq, misissuineq tunillatsissimanermik inerneqarpat tamannalu misissueriaatsit nalinginnaasut atorlugit uppernarsineqarpat, tamanna kinaassusaa ersersinnagu Peqqinnissakkut Nakkutilliisoqarfimmut nalunaarutigissavaa.
Imm. 2. Nalunaaruteqarnermi immersugassaq immikkut ittoq Peqqinnissakkut Nakkutilliisoqarfiiranit suliarineqarsimasoq atorneqassaaq.
Imm. 3. Immersugassami ataatsimi pisoq/nassaarfigineqartoq ataasiinnaq nalunaarutigineqartassaaq.
Tunillatsissimasunik nassaat nutaat.
§ 3. Nappaatit pisullu § 1-imi § 2-milu taaneqartut arlaannik nutaamik nassaartoqarneri tamaasa nakorsap Peqqinnissakkut Nakkutilliisoqarfik oqarasuaatikkut ilisimatissavaa, taamaattorli § 2, irnm. 1 takuuk, Peqqinnissakkullu Nakkutilliisoqarfimmit siunnersoqqulluni .
Misissuisarfinnit nalunaarutit.
§ 4. HIV-p uumasuaraanik tunillatsissimasinnaanermut misissuinerit sinerissami napparsimmavinni ingerlanneqartut tamatigorluinnaq Dronning Ingridip Napparsimmavissuani misissuisarfimmut aammik misissugassamik nassitsinikkut uppernarsineqartassapput.
Imm. 2. HIV-p uumasuaraanik tunillatsittoqarsimanersoq misissoqquneraangat aak misissugassaq pillugu allagartaq immikkut ittoq atorneqartassaaq.
Imm. 3. Aak misissugassaq pillugu ailagartat immikkut ittut tamakku ilusilersorneqarnerat atorneqarnerallu pillugit maleruagassat erseqqinnerusut Peqqinnissakkut Nakkutilliisoqarfiup aalajangersassavai.
§ 5. Dronning Ingridip Napparsimmavissuani misissuisarfiup HIV-p uumasuaraanik tunillatsissimasinnaanermut misissuinerit inerneri kinaassutsimik isertuussilluni Peqqinnissakkut Nakkutilliisoqarfimmut nalunaarutigisassavai, § 6 naapertorlugu.
Imm. 2. Peqqinnissakkut Nakkutilliisoqarfik imm. 1 naapertorlugu nalunaarusiortarnerit akulikissusissaat qanorlu nalunaaruteqartoqartarnissaa pillugit erseqqinnerusumik ilitsersuusiussaaq.
§ 6. HIV-p uumasuaraanik tunillatsissimasinnaanermut misissuinerit aamma HIV-p uumasuaraanik tunillatsissimaneq uppernarsiniarlugu misissuinerit tamaasa Peqqinnissakkut Nakkutilliisoqarfimmut nalunaaruteqarnerit sapinngisaq naapertorlugu makkuninnga ilaqartassapput:
1) Misissuinerup inernera
2) ulloq misissugassamik aaviiffik
3) § 4, imm. 3 naapertorlugu napparsimasut sorliit pineqarnersut
4) peqqinnissaqarfeqarfik misissugassiisoq
5) inummik taassuminnga siusinnerusukkut misissuisi-manerit qassiuneri
6) tunillatsittoqarsimatillugu aammattaaq ilanngunneqassaaq ulloq suna kingullermik nappaateqartoqanngitsoq paasineqarsimanersoq pillugu paasissutissat.
§ 7. Paasissutissat § 6-imi taaneqartut saniatigut Dronning Ingridip Napparsimmavissuani misissuisarfiup inuup kinaassusersinissaanut paasissutissat toqqortarissavai kisitsitigut takussutissiornissaq siunertaralugu, paasissutissat aammik misissugassamik nassiussami takuneqarsinnaappata.
Irnm. 2. Kinaluunniit taarna kissaatilik kinaassutsini isertuullugu HIV-p uumasuaraanik tunillatsissimasinnaanermut misissortissinnaavoq.
§ 8. HIV-p uumasuaraanik tunillatissimasinnaanermut misissuinermi tunillatsittoqarsimasoq paasineqarpat, Dronning Ingridip Napparsimmavissuani misissuisarfik pisussaavoq HIV-p akiorniarneqarnissaanut suminngaaniillu pilersimaneranut paasiniaanermi allaganngorlugit atortussanik nakorsamut/peqqinnissaqarfeqarfimmut saaffiginnissuteqartumut nassitsinissamut.
Imm. 2. Peqqinnissakkut Nakkutilliisoqarfiup paasissutissat, aammik misissuinermi HIV-p uumasuaraanik tunillatsittoqarsimanerata uppernarsineqarnera pillugu akissuteqaammut ilanngunneqartussat ilusilersussavai.
Atuutilersitsineq il.il.
§ 9. Nalunaarut atuutilissaaq ulloq 1. april 1996.
Imm. 2. Matumunnga peqatigitillugu HlV-mik misissuineq pillugu misissuisarfiit nalunaaruteqartarnerat pillugu nalunaarut nr. 484, 25. juni 1990-imeersoq, inuit HIV-p uumasuaraanik tunillatsissimasut pillugit nakorsat nalunaaruteqartarnerat pillugu nalunaarut nr. 485, 25. juni 1990-imeersoq, immundefekt syndromimik nappaateqalersimaneq pillugu nakorsat nalunaaruteqartarnerat pillugu nalunaarut nr. 498, 8. november 1985-imeersoq, immundefekt syndromimik nappaateqalersimaneq pillugu nakorsat nalunaaruteqartarnerat pillugu Nakorsaanerup kaajallaasitaa nr. 6, 21. november 1986-imeersoq, Kalaallit Nunaanni nappaatit tuniluuttartut, HlV-mut AIDS-imullu tunngatillugu, pillugit nakorsat nalunaaruteqartarnerat pillugu Nakorsaanerup kaajallaasitaa nr. 7, 16. august 1990-imeersoq atorunnaarsinneqarput.
§ 10. Kisitsisitigut paasissutissat katersorneqareersimasut qanoq atorneqarnissaannut Naalakkersuisut erseqqinnerusumik aalajangiisinnaapput.
Namminersornerullutik Oqartussat, ulloq 8. februar 1996
Marianne Jensen
/
Torben Cordtz