§ 1

Pappiaqqanik nalilinnik naqissusiinermi akitsuut pillugu Inatsisartut inatsisaanni nr. 8, 31. oktober 1987-imeersumi, ilaatigut Inatsisartut inatsisaatigut nr. 14-ikkut 30. oktober 1992-imeersukkut aammalu Inatsisartut inatsisaatigut nr. 4-kkut 3. marts 1994-imeersukkut kingullermillu Inatsisartut inatsisaatigut nr. 7-ikkut 23. oktober 1996-imeersukkut allanngortinneqartumi makku allannguutigitinneqarput:

1.  § 9, imm. 1-imi nr. 6-itut nutaatut ilanngunneqassaaq:
"pantebrev-it aamma akiitsoqarnermut uppernarsaatit, takornariat unnuisarfissaannik pilersitsiortornissanut aningaasaliisarnissanut aningaasaateqarfimmut (Unnuisa) pilersinneqarsimasut, tassa takornariartitsinermik inuussutissarsiuteqarnermut aningaasalersuinikkut tapersiisarneq pillugu Inatsisartut inatsisaanni kap. 2 malillugu,"

2. § 9, imm. 1-imi nr. 7-itut nutaatut ilanngunneqassaaq:
"pantebrev-it aamma akiitsoqarnermut uppernarsaatit, takornariaqarnermik inuussutissarsiuteqarniarlutik aallartisartut aningaasaliiffigineqartarnissaannut ataatsimiititaliamut (TAT) pilersinneqarsimasut, tassa takornariartitsinermik inuussutissarsiuteqarnermut aningaasalersuinikkut tapersiisarneq pillugu Inatsisartut inatsisaanni kap. 3 malillugu."

3. § 9-mi immikkoortoq 3-tut nutaatut ilanngunneqassaaq:
"Imm. 3. Uppernarsaatit imm. 1-imi nr. 6-imi aamma 7-imi taaneqartut takornariat unnuisarfissaannik pilersitsiortornissanut aningaasaliisarnissanut aningaasaateqarfimmut (Unnuisa) imaluunnit takornariartitsinermik inuussutissarsiuteqarnermut aningaasalersuinikkut tapersiisarnermut ataatsimiititaliamut pinnagit allanut qularnaveeqqutissanngortinneqarpata imm. 1-imi maleruagassaq apeqqutaatinnagu uppernarsaatit § 5 naapertorlugu akitsuuserneqassapput."

4.  § 11-p kingornanut ilanngunneqassaaq:
"§ 11a. Uppernarsaatit aktie- aamma anpartsselskabit akornanni kattunnernut atatillugu pilersinneqartut naqissusiinermi akitsuummik akitsuuserneqassanngillat, kattunneq akileraaruteqaataasussaanngitsutut Skatterådimit akuerineqarsimappat."

5. § 12-imi "§-ini 9, 10 imaluunniit 11-mi" allanngortinneqassapput imaalillugit: "§-ini 9, 10, 11 imaluunniit 11a-mi"

Inatsisartut inatsisaat manna 1. juni 1998 aallarnerfigalugu atortuulissaaq.

Namminersornerullutik Oqartussat, ulloq 20. maj 1998.

Jonathan Motzfeldt

/

Daniel Skifte