Nappaatit tunillaassortut akiorniarlugit iliuutsit pillugit Inatsisartut peqqussutaanni nr. 20, 12. november 2001-imeersumi, Inatsisartut inatsisaatigut nr. 1, 1. april 2020-meersutigut allanngortinneqartumi, § 7, imm. 1 naapertorlugu aalajangersarneqarpoq:

Nuummi mittarfimmik sanaartortoqarneranut atatillugu sanaartorfimmi najugaqarfimmilu tassunga atasumi immikkut mattusimatitsivissamik pilersitsinissaq pillugu Tunillaassortunik Nappaalanersuaqarneranut Ataatsimiititaliarsuup peqqussutaa nr. 2 3. juni 2021-meersoq, Tunillaassortunik Nappaalanersuaqarneranut Ataatsimiititaliarsuup peqqussutaatigut nr. 4 15. juni 2021-meersutigut sivitsorneqartoq, atorunnaarsinneqarpoq. 

Nuummi mittarfissualiornermut atatillugu sanaartorfimmi mittarfissualiornermullu atatillugu sulisunut najugaqarfimmi immikkoortitsiffiusumi sulinerit il.il. malittarisassaqartinneqarnissaat pillugu Tunillaassortunik Nappaalanersuaqarneranut Ataatsimiititaliarsuarmit peqqussut nr. 3 7. juni 2021-meersoq atorunnaarsinneqarpoq.

Peqqussut una ingerlatiinnaq atuutilissaaq.

Tunillaassortunik Nappaalanersuaqarneranut Ataatsimiititaliarsuaq, ulloq 25. juni 2021

Bjørn Tegner Bay, politimesteri
Tunillaassortunik Nappaalanersuaqarneranut Ataatsimiititaliarsuarmi siulittaasoq