Nappaatit tunillaassortut akiorniarlugit iliuutsit pillugit Inatsisartut peqqussutaanni nr. 20, 12. november 2001-imeersumi, Inatsisartut inatsisaatigut nr. 1, 1. april 2020-meersutigut allanngortinneqartumi, § 7, imm. 1 naapertorlugu aalajangersarneqarpoq:

 
Covid-19-ip tuniluussinnaanera pissutigalugu Nuup (Nuussuup Qinnguttalu) matuneqarnissaat pillugu Tunillaassortunik Nappaalanersuaqarneranut Ataatsimiititaliarsuup peqqussutaa nr. 5, 15. juni 2021-meersoq, atorunnaarsinneqarpoq, taamaasilluni Nuummiit (Nuussuarmiit Qinngutsinniillu) Nunatsinni najugaqarfinnut allanut aallarsinnaaneq inerteqqutaajunnaarpoq. 

Nuummi mittarfimmik sanaartortoqarneranut atatillugu sanaartorfimmi najugaqarfimmilu tassunga atasumi immikkut mattusimatitsivissamik pilersitsinissaq pillugu Tunillaassortunik  Nappaalanersuaqarneranut Ataatsimiititaliarsuup peqqussutaa, ilaneqartoq Tunillaassortunik  Nappaalanersuaqarneranut Ataatsimiititaliarsuup peqqussutaa 7. juni 2021-meersumik, ullorlu 15. juni 2021 sivitsorneqartoq suli atuutsinneqarpoq. 

 
Peqqussut una ingerlatiinnaq atuutilerpoq.

Tunillaassortunik Nappaalanersuaqarneranut Ataatsimiititaliarsuaq, ulloq 21. juni 2021

Bjørn Tegner Bay (atsiorn.) 
Tunillaassortunik Nappaalanersuaqarneranut Ataatsimiititaliarsuarmi siulittaasoq