Kalaallit Nunaannut suliffissarsiortut killilersimaarnissaat pillugu Inatsisartut inatsisaat nr. 27, 30. oktober 1992-imeersoq makkuninnga allannguuteqartinneqarpoq:

§ 1

1.  § 5 -ip kingorna ilanngunneqassaaq:
”  § 5a.  Kommunalbestyrelsimit akuersissummik pissarsinissamut piumasaqaataavoq atorfik, § 2-imi pineqartunut ilaasoq nuna tamakkerlugu suliffissanut nittartakkami, suliffissarsiortunik aamma suliffissanik neqeroorutaasunik nalunaarsuinissamut aqutsinissamullu Naalakkersuisunit pilersinneqartumi, taamaattumik pilersitsisoqarsimappat, inuttassarsiorlugu allagarsiissutigineqassasoq.”
  Imm. 2.  Atorfik suliffissanut nittartakkami minnerpaamik sapaatit akunnerini marlunni allagarsiissutigineqarsimassaaq.”.

2.  § 6, imm. 3, imatut oqaasertalerneqassaaq:
”  Imm. 3. Qinnuteqartoq qinnuteqaatip tunniutereernerata kingorna ullut 14-it qaangiutsinnagit allatut nalunaarfigineqarsimanngippat, qinnuteqaat akuerineqarsimasutut isigineqassaaq, taamaattoq takuuk § 5a.”.

§ 2

Inatsisartut inatsisaat atuutilerpoq ulloq 1. januar 2016.

Namminersorlutik Oqartussat, ulloq 9. december 2015.

Kim Kielsen