Suliassat takussutissartaannik allamut nuunneqarnerat pillugu nalunaarut
Akileraaruserinermik ingerlatsineq pillugu Inatsisartut inatsisaat nr. 11, 2. november 2006-meersumi § 87 naapertorlugu aalajangersarneqarpoq:
Suliassat takussutissartaat
§ 1. Akileraaruseriffimmi akileraaruserinermut suliassat 1. januar 2007-imi katersorneqarnissaanut atatillugu, akileraaruseriffimmut suliassat takussutissartaat makkua kommunit nassiutissavaat:
1) Ukiunut aningaasarsiorfiusunut 2003-2005-imut nammineerluni nalunaarsuinerit paasissutissartai ilanngullugit.
2) 2006 aamma 2007-mut siumoortumik nalunaarsuinerit pillugit paasissutissat.
3) Akileraarusiinermut attuumassuteqartunut uppernarsaanermi paasissutissat allat.
4) 2006-mi akileraarutinut A-nut unerartitat pillugit sukumiisumik nalunaarutit aamma tunngaviusumik ilisimatitsissutit nassuiaatillu.
5) Suliassat paasissutissartallit tamaasa, ulloq 31. december 2006-mi suliarineqarneri naammassineqarsimanngitsut.
Imm. 2. Akileraaruseriffik suliassat takussutissartaasa nassiunneqarnerinut najoqqutassanik aalajangersaasinnaavoq, matumani ilanngullugu nassiussinermi piffissamik aalajangiineq, suliassat takussutissartaasa aaqqissuussiffigineri il.il.
Imm. 3. Suliassat takussutissartaat, akileraaruseriffimmut nassiunneqanngitsut suliarineqassapput aarlerinanngitsumillu toqqortarineqarlutik. Suliassat takussutissartaasa taakkua toqqortarineqarnerannut pilersaarummik kommunit suliaqassapput. Pilersaarutip nuutinnera akileraaruseriffimmut assilineqarnera nassiunneqartoq, minnerpaamik ukiumut ataasiarlugu malinnaavigalugu aaqqiiffigineqartassaaq.
Imm 4. Kommuninit toqqortarineqartut suliassat takussutissartaasa tunniunneri imaluuniit nassiunneqarnissaat pillugit akileraaruseriffiup qinnuteqaataa, qinnuteqaammi suliassaq aalajangersimasoq akileraaruseriffimmi suliarineqartoq pineqarpat kommunit akeqanngitsumik naammassissavaat.
Atortuulersitaanera
§ 2. Nalunaarut atuutilissaaq 1. januar 2007.
Namminersornerullutik Oqartusat, ulloq 2. november 2006
Josef Motzfeldt
/
Kaare Hagemann