Sulisoqarnermut Akitsuut pillugu Inatsisartut inatsisaata allanngortinneqarneranik Inatsisartut inatsisaat nr. 5, 26. april 2007-imeersoq
(Sulisoqarnermut akitsuummiik nalunaarutinik tunniussinissamut akiliuteqarnikkullu isumannaarinissamut piffissaliunneqartunut allannguutit)
§ 1
Sulisoqarnermut akitsuut pillugu Inatsisartut inatsisaat nr. 10, 2. november 2006-imeersoq imatut allannguuteqartinneqarpoq:
1. § 4, imm. 1, imatut oqaasertalerneqarpoq:
"Suliffeqarfik akitsuummik akiliisussaatitaasoq qaammatit naaneri tamaasa kingusinnerpaamillu qaammatip tulliata qulingani akissarsiat akitsuusigassaasut katinnerannik taakkulu akitsuutaannik akileraaruseriffimmut nalunaaruteqartassaaq. Nalunaarummik tunniussinissamut piffissaliussaq sapaataappat nalliuttuuppallunniit imaluunniit arfininngornerulluni, piffissarititaasoq ulluinnaasumut tullermut sivitsorneqassaaq."2. § 5, imm. 1, imatut oqaasertalerneqarpoq:
"Akissarsiat akitsuusigassaasut katinnerannit akitsuut qaammatip tulliata aallaqqaataani akiligassanngussaaq piffissaagallartillugu akiliinissamut kingusinnerpaamik qaammatip akiliiffissaasup 20-ani killeqarluni. Piffissaagallartillugu kingusinnerpaamik akiliiffissaq sapaataappat nalliuttuuppalluunniit imaluunniit arfininngornerulluni, piffissarititaasoq ulluinnaasumut tullermut sivitsorneqassaaq."
§ 2
Inatsisartut inatsisaat 1. januar 2008 atuutilerpoq.
Namminersornerullutik Oqartussat, ulloq 26. april 2007
Hans Enoksen/
Josef Motzfeldt
Isumaliutissiissut (Aappassaaneerinninneq)