Imigassat ethanolimik akullit Kalaallit Nunaanni sananeqarsimasut akitsuutaat pillugit Inatsisartut inatsisaata allanngortinneqarneranik Inatsisartut inatsisaat nr. 1, 26. april 2007-imeersoq
(Akileraaruserinerup qitiusumik ingerlanneqalernerata kingunerisaanik allannguutit)
§ 1
Imigassat ethanolimik akullit Kalaallit Nunaanni sananeqarsimasut akitsuutaat pillugit Inatsisartut inatsisaanni nr. 20, 11. december 2003-meersumi makkunatigut allanngortitsineqassaaq:
1. Inatsimmi sumi tamani "Akileraartarnermut Pisortaqarfik": "akileraaruseriffik"-mut allanngortinneqassaaq.2. § 4, imm. 2-mi, "§ 14, imm. 1" imaalillugu allanngortinneqassaaq: "akileraaruserinermik ingerlatsineq pillugu inatsimmi § 58, imm. 4".
3. § 8, imm. 3, aamma § 9, imm. 3, atorunnaarsinneqassapput.
Kingunerisaanillu § 9, imm. 4, allanngortissalluni imm. 3-tut.
4. § 10, imm. 1, imatut oqaasertalerneqassaaq:
"Akitsuut akilerneqartussanngussaaq, piffissap akitsuusiiffiusup malitsigisaatut qaammatip tulliuttup aallaqqaataani, nalunaarsugaasumillu uninngasuuteqartuusoq akitsuummik akileraaruseriffimmut akiliissaaq kingusinnerpaamik qaammammi akiliiffissanngorfiusup ulluisa 15-ianni."5. § 10, imm. 2, atorunnaarsinneqassaaq.
Kingunerisaanillu imm. 3 allanngortissaluni imm. 2-tut.
6. § 13, imm. 2 aamma 3, § 14 aamma § 15 atorunnaarsinneqassapput.
7. § 16 imatut oqaasertalerneqassaaq:
"§ 16. Nakkutilliinermi iliuusissat pillugit malittarisassanik Naalakkersuisut aalajangersaasinnaapput, tamatumani init atorneqartut qanoq aaqqissugaanissaannut tunngasunik, uuttuutit ivertinneqarnissaat pillugit aammalu assingusunik nakkutilliinermi iliuusissat pillugit, taakku akitsuutinik eqqortumik naatsorsuinerup qulakkeerneqarnissaanik siunertaqassallutik."8. § 17 aamma § 18 atorunnaarsinneqassapput.
9. § 19, imm. 1, nr. 2, imatut oqaasertalerneqassaaq:
"2) § 3, imm. 1, § 6, imm. 1, § 8, imm. 1, § 9, imm. 1 imaluunniit § 10, imm. 1, unioqqutinneqarpata.".
§ 2
Inatsisartut inatsisaat atuutilerpoq 1. juli 2007.
Kalaallit Nunaanni Namminersornerullutik Oqartussat, ulloq 26. april 2007
Hans Enoksen/
Josef Motzfeldt
Isumaliutissiissut (Aappassaaneerinninneq)