Kommunalbestyrelsit, nunaqarfinni aqutsisut il.il. pillugit Inatsisartut inatsisaata allanngortinneqarnera pillugu Inatsisartut inatsisaat nr. 19, 20. november 2006-imeersoq.
(Oqarasuaatikkut ataatsimiinnerit)
§ 1
Kommunalbestyrelsit, nunaqarfinni aqutsisut il.il. pillugit Inatsisartut inatsisaat nr. 20, 3. november 1994-imeersumi Inatsisartut inatsisaat nr. 6, 12. juni 1995-imeersukkut aamma Inatsisartut inatsisaat nr. 8, 14. november 2004-meersukkut allanngortinneqartumi imatut allanngortitsisoqarpoq:
1. § 12, imm. 2, imatut oqaasertalerneqassaaq:
"Kommunalbestyrelsi aalajangiisinnaassuseqarpoq ikinnerpaamik ilaasortat affaat ataatsimiinnermut peqataappata. Kommunalbestyrelsi ilaasortamit qinnuteqartoqarneratigut aalajangiisinnaavoq ilaasortaq nalunaarasuartaatit atorlugit ataatsimiinnermut peqataasinnaasoq.".2. § 14-imi imm. 2-p kingorna immikkoortoq nutaatut ilanngunneqassaaq:
"Imm. 3. Borgmesterip qulakkiissavaa aalajangiinernut imaqarniliap ataatsimiinnermut peqataasunit atsiorneqarnissaa.".3. § 23, imm. 2, imatut oqaasertalerneqassaaq:
"Ataatsimiititaliat ataatsimiinnerni suliassaminnik suliaqartassapput. Ataatsimiititaliaq aalajangiisinnaassuseqarpoq ikinnerpaamik ilaasortat affaat ataatsimiinnermut peqataappata. Ataatsimiititaliaq ilaasortamit qinnuteqartoqarneratigut aalajangiisinnaavoq ilaasortaq nalunaarasuartaatit atorlugit ataatsimiinnermut peqataasinnaasoq.".4. § 23, imm. 3-mi oqaaseqatigiittut nutaatut ilanngunneqassapput:
"Ataatsimiititaliap siulittaasuata qulakkiissavaa aalajangiinernut imaqarniliap ataatsimiinnermut peqataasunit atsiorneqarnissaa.".
§ 2
Inatsisartut inatsisaat atuutilerpoq ulloq 1. januar 2007-imi.
Namminersornerullutik Oqartussat, ulloq 20. november 2006
Hans Enoksen/
Kaj Kleist
Isumaliutissiissut (Aappassaaneerinninneq)