Radiukkut tv-kkullu aallakaatitsisarneq pillugu inatsisartut peqqussutaata allanngortinnissaa pillugu Inatsisartut peqqussutaat nr. 4, 1. juni 2006-imeersoq
(Aallakaatitsisinnaanermut akitsuutinik akileeqqusineq, sumi najugaqartussaanermut allannguineq kiisalu sumiiffinni nutaarsiassanik aallakaatitassiortarneq)
§ 1
Radiukkut tv-ikkullu aallakaatitsisarneq pillugu inatsisartut peqqussutaat nr. 6, 14. november 2004-meersoq imatut allannguuvigineqarpoq:
1. § 4, imm. 3-mi, peerneqarput: "Naalakkersuisunit aalajangerneqartut".2. § 9, imm. 2-mi, peerneqarput: "kisermaassinermullu akitsuutit akilernissaannut".
3. § 9, imm. 3-mi, peerneqarput: ",aallakaatitsisinnaanermut akuersissummut akitsuutit akilernissaat ilanngullugit".
4. § 31, imm. 2, peerneqarput: "Kalaallit Nunaanni najugaqartuussapput,".
5. § 38, imm. 1, nr. 4-mi, imatut oqaasertalerneqassaaq: "Sumiiffimmit nutaarsiassat aallakaatitsiviup nammineq aaqqissuutai aallakaatitassiarineqartassapput".
6. § 43, imm. 2, imm. 2. peerneqarput: "Kalaallit Nunaanni najugaqartuussapput".
§ 2
Inatsisartut peqqussutaat atuutilissaaq 1. juni 2006.
Namminersornerullutik Oqartussat, ulloq 1. juni 2006
Hans Enoksen/
Doris Jakobsen
Isumaliutissiissut (Aappassaaneerinninneq)