Naalakkersuinikkut sulinermut aningaasatigut tapiissuteqartarneq pillugu Inatsisartut inatsisaata allanngortinneqarnissaanut Inatsisartut inatsisaat nr. 1, 12. maj 2005-meersoq
(Kommunimut Inatsisartunullu qinersinernut peqataanermi aningaasartuutinik matussusiinissamut aningaasatigut tapiiffigineqartarnermi nalunaarummik naatsorsuutinillu kukkunersiukkanik nassiussisarnissamut piffissaliussamik allannguineq)
§ 1
Naalakkersuinikkut sulinermut aningaasatigut tapiissuteqartarneq pillugu Inatsisartut inatsisaanni nr. 1, 31. maj 2001-imeersumi, kingullermik Inatsisartut inatsisaatigut nr. 11, 15. april 2003-imeersukkut allanngortinneqarsimasumi, tulliuttunik allannguisoqassaaq:
1. § 9, imm. 3, oqaaseqatigiit siulliit allanngortinneqassapput "qinersinereernerup kingorna kingusinnerpaamik qaammatit pingasut qaangiunneranni"-iniit uunga: "ukiup ullorsiuteqarfiusup qinersisoqareernerata kingorna tullinnguuttup aallartinnerata kingornani aallartereerneraniit qaammatinut arfinilinnut".
§ 2
Inatsisartut inatsisaat 1. juni 2005-mi atuutilissaq tapiissutinullu 1. januar 2005-ip kingorna tunniunneqartunut sunniuteqassalluni.
Namminersornerullutik Oqartussat ulloq 12. maj 2005
Hans Enoksen/
Kaj Kleist
Isumaliutissiissut (Aappassaaneerinninneq)