Tipsernermit lottornermillu iluanaarutinit agguaassisarneq pillugu Inatsisartut inatsisaata allanngortinneqarneranik Inatsisartut inatsisaat nr. 4, 21. maj 2004-meersoq.
(Tipsernermi lottornermilu kaaviiaartitanit sinneqartoorutinik agguaassisarnerup "aaqqissuuteqqinneqarnerata" atuutilersinneqarnissaa)
§ 1
Tipsernermit lottornermillu iluanaarutinit agguaassisarneq pillugu Inatsisartut inatsisaanni nr. 13, 11. november 2000-imeersumi makku allannguutigitinneqarput:
1. § 1-imi imm. 1-ip kingorna immikkoortutut nutaatut ilanngunneqarpoq:
"Imm. 2. Aningaasat Kalaallit Nunaanni tipsernermit lottornermillu naalagaaffimmut akitsuutip 2004-mi atorunnaarsinneqartup annertoqatai siunertanut imm. 1-imi taaneqartunit allaanerusunut atorneqarsinnaapput.".
§ 2
Inatsit ulloq 1. juuli 2004 atuutilerpoq.
Imm. 2. Inatsit ulloq 1. januar 2004 aallarnerfigalugu atuutilerpoq.
Namminersornerullutik Oqartussat, ulloq 21. maj 2004
Hans Enoksen/
Henriette Rasmussen